1 Yòwanìrzɛ̀ 4:18 - Mokpwe: Bakwery (New Testament)

¹⁸ È mòtò ema Lohwɛ̀ à lìŋgàni oŋgo mòtò à rza ohvi tɔ̀ wɔ̀ŋgɔ̀ ò tenì ya eni. Ndi è ndìŋgɛ ema è òndìrzɛ̀hwɛ̀yi è hvàya wɔ̀ɔ̀ŋgɔ̀ wò arzɛ. Lì òokà là wɔ̀ŋgɔ̀ wò lì kɔ̀kìrzɛ̀hwɛ̀ lɔ̀ ndi lì jànà wɔ̀ɔ̀ŋgɔ̀, ò eŋgànɛ̀lɛ̀ rzɔ tɔ̀ ima mòtò ema à ohvi wɔ̀ŋgɔ̀ ò tenì yà eni eŋge ŋgànà è hwèlì ndi nanù ema è ndìŋgɛ è rza ondìrzɛ̀hwɛ̀ ò tenì yà eni.

1 Yòwanìrzɛ̀ 4:18 ပူးပေါင်းရင်းမြစ်များ

Matiyò 9:34

Ndi Ihvàlìrzàyì hwa ma òhwa nanù ema, “Yerzù mɔ̀ à gbeyànà ndi è wònjà yà ama è kiŋgɛ̀ yà hwèlìŋgɛ̀ hwe wòhwe, ò lì hvayànà hwèlìŋgɛ̀ hwe wòhwe.”

Ròmànì 8:15

Èlìŋgɛ̀ ema Lohwɛ̀ à mà e ŋgbe e rza e gbèyi ema e hwɛ hwàkòmì, ndèŋgàna ema inyɔ e hwɛ ò wɔ̀ŋgɔ̀. Ndi Èlìŋgɛ̀ ya ama Lohwɛ̀ e ma e gbeyà na jɔ̀kɛ̀ ò lì hwɛ hwàna hwa ama Lohwɛ̀. Èŋge ŋginyà ya eŋge Èlìŋgɛ̀ yɔ ndi e jò gbeyà ò lì hwɛlɛ Lohwɛ̀ nanù ema, “Ìi Tatà! È Tatɛ̀ ya ami!”

2 Tìmotì 1:7

Lohwɛ̀ à rza jò gbèyi ndi nà nanù ema jò òke wɔ̀ŋgɔ̀ ò lì mò gbèeyà. Ndi èlìŋgɛ̀ ya eni è mà jò ŋgba ŋginyà ò lì mò gbèeyà, è mà jo gbeyà nanù ema irzɔ i lìŋgàne hwatò, è mà jò gbèeyà nanù ema jà alɛ̀mbɛ irzɔ hwiti.

Hibrù 12:28

Kanatɛ irzɔ ima ŋgbàhwe lìkànèyà ema lì rza nyiŋgirzɛhwɛ. Inyɛ̀ irzɔ i ŋgbe Lohwɛ̀ jeka na lì mo kanɛ̀ nyayi ema e mo lìŋgirzɛ. Inyɛ̀ je e gbeye na wɔ̀ŋgɔ̀ na èluhwe ya arzɛ.

Jèmìrzì 2:19

Inyɔ e lòkɛ̀yi nanù ema o hwèlì ndi Lohwɛ̀ lɔ̀kɔ e? Gbamù rzayi! Tɔ̀ hwèlìŋgɛ̀ hwe wòhwe hweyɔ hvɛ hwe lòkɛ̀yi nanù, hweyɔ hwe tumeya mòkàmbiya.

1 Yòwanìrzɛ̀ 4:12

Tɔ̀ mòtò à rzi ɛni à ɛnɛ Lohwɛ̀, ndi jà alìŋgànɛ tɛ mɔ̀kɔ nà ɔ̀nɛyi, eŋge ŋgànà e hwèlì ndi nanù ema Lohwɛ̀ a hwèlì o ìtììtènì ja arzu ndèŋgàna e ndìŋgɛ ya eni e o ondìrzɛ̀hwɛ̀ o ìtììtènì ja arzu.