1 Yòwanìrzɛ̀ 3:7 - Mokpwe: Bakwery (New Testament)

⁷ Inyɔ ema e hwèlì nàa hwàanà hwa ami, e rzi keka lì emeyà nanù ema tɔ̀ mòtò tɔ̀ mɔ̀kɔ a e lùkɛlɛ. È mɔ̀ ema a gbèyi mamɛ ema e hvomɛ̀nɛ̀ nanù oma a hwèlì ehve-ehve, ŋgàna hvɔ̀kɔ na oma mɔ̀ Krirztò a hwèlì ehve-ehve.

1 Yòwanìrzɛ̀ 3:7 ပူးပေါင်းရင်းမြစ်များ

Matiyò 5:20

O èŋgànɛ̀lɛ̀ rzɔ, na e òhwèyà nanù ema natɛ̀ɛ inyɔ è gbèèyà Lohwɛ̀ lì aka Ihvàlìrzàyì, nà Hwà-òkòlèlì hwa mbenda, inyɔhvɛ è rza ò kpèèyà a kpèèyà ò Likànèyà là è ŋmanyu yà lohwà.”

Lukàrzɛ̀ 1:75

Èŋge hvònda jò ò mò gbèeyà nà mèèmà me arzu ema me tani, nà lì tɛ̀mɛ̀ hvɛ ehve-ehve ò wòrzò wò eni, ò hwèyu hwe àrzɛ hwe lòŋgɛ la arzu.

Hwègbèèlì 10:35

Ndi mɔ̀ à emeyà ò tɔ̀ ima èkòmè mòtò ema a mò ŋgba èluhwe rzìi a gbeyà hvɛ mamɛ ema e hvòmɛ̀nɛ̀yi.

Ròmànì 2:13

Rzeketɛ ò lì hweyà e mbenda yɔ ndi e gbèeyà hwatò hwa tɛ̀mɛ̀ ehve-ehve na Lohwɛ̀, ndi ò lì gbèeyà mamɛ ema e mbenda e arza yɔ ndi e gbeyà hwatò hwa tɛ̀mɛ̀ ehve-ehve ò wòrzò wò ama Lohwɛ̀.

1 Kɔ̀rintìyà 6:9

Ò jɔ̀kɛ̀-jɔ̀kɛ̀ è hwi nanù ema hwatò ema hwa gbeyà wòhwe hwa rzà o hwɛ ò lìkànèyà là ama Lohwɛ̀. È rzà alùkɛ̀lɛ̀nɛ̀, hwaŋga hwatò ema hwa gbeyà mòrzònje. Hwàto ema hwa kanɛ̀ mòohwà ema mà wèkàhwì nà è mòto wà hwènàmà, hwatò hwa mòrzònje mò lìhwà, nà wunyanà ema hwa naŋgànà hwahvɛhvɛ wunyànà, hwanù hwatò hwa arzɛ hwa rza ò hwɛ ò Likànèyà là ama Lohwɛ̀.

Ɛ̀hvìrzìyà 5:6

Tɔ̀ mòtò a rzi keka lì e ɔ̀njɔ na mbɔrzi ya èèti. Lohwɛ̀ a o kɔ̀kìrzɛ̀ hwatò ema hwa rza gbèeyà na oma mɔ̀ à àrzeyà, ndi hwa gbeyà ndi hwene hweyà hwe wòhwe.

Ɛ̀hvìrzìyà 5:9

Nà ohwa ndi nanù ehwànja hwatò ema hwa hwèlì o ŋmàye wɔ̀ hwa gbèeyà ndi hweyà hwe gbamù, hwa gbèeyà ndi hweyà ema hwe hvomɛ̀nɛ̀yi na hweyà ema hwe hwèlì jɔ̀kɛ̀.

Hvìlipìyà 1:11

Ène eyà e gbeyà nanù ema ɛ̀ɛ̀mɛ̀ ya anyu ya gbamù ema e uwɛlɛlɛyi o ma Yerzù Krirztò, e o awuŋmɛ̀lɛ̀ o hweyà hwe gbamù hwe arzɛ ema e gbeyà, aŋga nanù Lohwɛ̀ a o luwa èluhwe ya eni na jeka.

Hibrù 1:8

Ndi Lohwɛ̀ à mà ohwa lì hvomɛ̀nɛ̀ e Ŋmanà wà eni nanù ema, “Ìi Lohwà, lìkànèyà la aŋgɔ, lì o hwɛ o gbìndèyà na o gbìndèyà. O ò kànèyà hwatò hwa aŋgɔ nyayi ema e hvomɛ̀nɛ̀.

Hibrù 7:2

Abràhamù à mà mo ŋgbà lòŋgo lɔ̀kɔ la lìyomɛ la mamɛ ya arzɛ ema à mà uhwane o njùma. Jànda ja worzò ja lìna la Mɛlkirzɛdɛki o mbɔrzi ya Hibrù lì hwèlì ndi nanù ema, “È kiŋgɛ̀ ema e ma tɛ̀mɛ̀ ehve-ehve.” Jànda ema jo ùkirzɛ̀ ihwàkɛ i hwèlì ndi nanù ema, “È kiŋgɛ̀ ya Rzàlɛ̀mu.” Èma e hwèlì ndi, “È kiŋgɛ̀ ya ɛ̀yɔ̀lɛ̀.”

Jèmìrzì 1:22

È gbeye ndi na oma eyà ya Lohwà e ohwa. È rza a ɔnjɛ inyɔ hwiti o lì okànèyà eyà ya Lohwà mɛnɛ.

Jèmìrzì 2:19

Inyɔ e lòkɛ̀yi nanù ema o hwèlì ndi Lohwɛ̀ lɔ̀kɔ e? Gbamù rzayi! Tɔ̀ hwèlìŋgɛ̀ hwe wòhwe hweyɔ hvɛ hwe lòkɛ̀yi nanù, hweyɔ hwe tumeya mòkàmbiya.

1 Pètrò 2:24

Krirztò mɔ̀ ŋmìti à mà hwanɛ wòhwe wo arzu o e nyo ya eni o mbàrza, aŋga nanù irzɔ, i hwɛmɛ lì gbeyà hweyà hwe wòhwe, ndèŋgànɛ̀lɛ̀ o lì a ayèŋgowɛ̀ lì lìya lòŋgɛ la ehve-ehve. O lì akeyà na hwèhwàŋgù hwe eni inyɔ e ma wɔ̀wìrzɛ̀hwɛ.

1 Yòwanìrzɛ̀ 2:1

Inyɔ ema e hwèlì nàa hwàanà hwa ami, na e tìleya ene kààtì aŋga nanù e rza gbeyà wòhwe. Ndi e hwèlì tɛ ema mòtò a gbèyi tɛ wòhwe, irzɔ jo òhvi mòtò ema a tɛmi ehve-ehve Yerzù Krirztò. Mɔ̀ ndi à jo rzorzomeya e Tàtɛ.

1 Yòwanìrzɛ̀ 2:26

Imba nà è tìleya ndi hwene hweyà ò lì hvomɛ̀nɛ̀ hwaŋga hwatò ema hwa arza lì è lùkɛ̀lɛ̀.

1 Yòwanìrzɛ̀ 2:29

Inyɛ̀ è hwiye nanù ema Krirztò mɔ̀ à gbeyà hweyà ema hwe hvomɛ̀nɛ̀yi ò worzo wò ama Lohwɛ̀, ò eŋgànɛlɛ inyɛ è hwìye nanù ema tɔ̀ ima mòtò ema à gbèyi mamɛ ema è hvomɛ̀nɛ̀yi ò worzo wò ama Lohwɛ̀ à hwèlì ndi è ŋmanà wà ama Lohwɛ̀.

1 Yòwanìrzɛ̀ 3:18

Inyɔ ema e hwèlì nàa hwàanà hwa ami, inyɛ i rza alìŋgànɛ ndi na e mbɔrzi ya wàna mɛnɛ, ndi ja alìŋgànɛ o jɔ̀kɛ̀ na o hwegbèèlì.

1 Yòwanìrzɛ̀ 3:3

Tɔ̀ njɛnɛ ema a hwɛni lìni lìhvìtà o ma Krirztò, a arzàŋgìrzɛ̀ mɔ̀ ŋmìti ŋgànà hvɔ̀kɔ hvɛ na oma Krirztò a rzàŋgi.

1 Yòwanìrzɛ̀ 4:17

È ndìŋgɛ ema è hwèlì ò tenì yà arzu è òndìrzɛ̀hwɛ̀yi nyayi ema mèèmà mè arzu mè eta ò wùnyà wò hwèkàyìrzèlì. È ò ondìrzɛ̀hwɛ̀ nyàyi ema mèèmà mè arzu mè eta ò tenì ò wùnyà wò hwèkàyìrzèlì, ehwànja anu rze ì hwèlì ndi mòtò nà Lohwɛ̀ nyayi hvɔ̀kɔ nà oma Krirztò hvɛ à mà hwɛ nà mɔ̀.