1 Yòwanìrzɛ̀ 3:23 - Mokpwe: Bakwery (New Testament)

²³ È mbenda ema a ŋgbelì e hwèlì ndi nanù ema, i lòkɛ̀ o lìinà la ama è Ŋmanà wà eni Yerzù Krirztò na o lì alìŋgànɛ mɔ̀kɔ na ɔ̀nɛyi. Ène mbenda hvɛ mɛnɛ ndi Krirztò à mà jo ŋgbe.

1 Yòwanìrzɛ̀ 3:23 ပူးပေါင်းရင်းမြစ်များ

Matiyò 22:39

È mbenda ema e ùkirzɛ̀ ihwàkɛ ema yɔ̀hvɛ e òhvi wòlìtò nà è mbenda ya wòrzò, nanù ema, ‘Lìŋgàna e mòtò ema à ò kòmbɛ̀nɛ̀ na òma ò alìŋgànɛ̀yi ò wà witi.’

Makòrzì 9:7

Lìwòkìmɛnɛ lìmbàkì lì mà hwa lìŋga rzìi hwa hweyà lìlò lì òhwà ò tenì yà lìmbàkì nanù ema, “È Ŋmanà wa ami wa ndiŋgɛ ya màlìŋgò ònò e mò hweyàne.”

Yòwanìrzɛ̀ 1:12

Ndi e wɔ̀ ema hwà mà mò kàrzɛ na lì mò lòkɛ̀ hwanu ndi à mà ŋgbèe è wònjà ò lì hwɛ hwàànà hwa ama Lohwɛ̀.

Yòwanìrzɛ̀ 13:34

Mbenda hvènya ene ema nà è ŋgbà naŋgɛ, è alìŋgànɛ mɔ̀kɔ nà ɔ̀nɛyi. Nà òma nà mè lìŋganè, ò èŋgànɛ̀lɛ̀ è hwɛnì lì alìŋganɛ̀ mɔ̀kɔ nà ɔ̀nɛyi.

Yòwanìrzɛ̀ 14:1

Yerzù rzìi a òhweyà Hwà-òkòwèlì hwa eni nanù ema, “È rzi keka lì tàkirzɛ mèèmà me anyu. È lòkɛ̀ Lohwɛ̀, e nò lòkɛ̀ imba hvɛ.

Yòwanìrzɛ̀ 15:12

È mbenda ya ami e hwèlì ndi nanù ema, e alìŋgànɛ mɔ̀kɔ na ɔ̀nɛyi na òma imba hvɛ na e lìŋgàni.

Yòwanìrzɛ̀ 17:3

Lòŋgɛ la gbìndèyà lì hwèlì ndi nanù ema wɔ̀ hwa ò hwiye, ò wa ema ò hwèlì Lòohwà la jɔ̀kɛ̀ na ò lì hwiya Yerzù Krirztò ema ò wa ò òmi.

Yòwanìrzɛ̀ 2:23

Nà òma Yerzù à mà hwɛ ò Ndèma yà lì Akà Ɔnɛ̀yi, ò Jèrurzalɛ̀mù, rzayì-rzayì ja hwatò hwà mà ɛnɛ hweyà hwe mànyàka ema à mà gbeye, rzìi hwa mò lòkɛ̀.

Yòwanìrzɛ̀ 3:18

Tɔ̀ ima mɔ̀ ema à mò lòkɛ̀ à rza tùwa ŋmàŋgò ndi tɔ̀ ima mɔ̀ ema à rza mò lòkɛ̀, mɔ̀ à mà màà lì tùwa ŋmàŋgò èhwanja à rza lòkɛ̀ ehvòwà yà Ŋmanà yà ama Lohwɛ̀.

Yòwanìrzɛ̀ 6:29

Yerzù rzìi a hwa alàhwɛ̀ nanù ema, “Èya ema Lohwɛ̀ a arza ema e gbeye e hwèlì ndi nanù ema e nò lòkɛ̀ imba ema mɔ̀ à òmi.”

Hwègbèèlì 16:31

Wɔ̀ hwà mà mò alàhwɛ̀ nanù ema, “O lòkɛ̀ Rzàŋgò Yerzù, aŋga nanù Lohwɛ̀ a ò rzùŋgà. A ò rzùŋgà na lìtumba la aŋgɔ.”

Ɛ̀hvìrzìyà 5:2

Inyɔ e lìŋgàne hwahvɛhvɛ hwatò, ŋgànà hvɔ̀kɔ nàa oma Krirztò a me e lìŋgàne rzìi a jo ŋwèeyà. A ma aŋgbɛ̀ɛ mɔ̀ ŋmìti o ma Lohwɛ̀ nàa làhweyà na jàhwèyà ema i ma lìŋgìrzɛ Lohwɛ̀ rzayi-rzayi.

1 Tɛ̀rzàlonìyà 4:9

O nàŋgɛ nanù lì hvomɛ̀nɛ̀ e ndìŋgɛ ema e ahwɛ̀nɛ̀nɛ̀yi mɔ̀kɔ na ɔ̀nɛyi nàa hwàlòkèlì hwa ama Lohwɛ̀ i rza aŋgàmɛnɛ lì atàkìrzɛ o lì e tìleya, ehwànja Lohwɛ̀ mɔ̀ ŋmìti à mà màa lì e okolɛ nɛ e àŋgàmɛ̀nɛ̀yi lì lìŋgàna mɔ̀kɔ na ɔ̀nɛyi.

1 Tìmotì 1:15

Hwèyòhwèlì hwe jɔ̀kɛ̀ hwène, ema irzɔ i hwɛni lì èmeyà nà lì lòkɛ̀ kɔ̀yi-kɔ̀yi. Yerzù Krirztò à mà jà ò rze ò lì rzùŋga hwatò hwa wòhwe. Imba ndi nà hwèlì è mɔ̀ ema wòhwe wò eni wò koki lì aka wòhwe wò hwahvɛhvɛ hwatò.

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.

1 Pètrò 4:8

O lì aka hweyà hwe arzɛ, ya alìŋgànɛ mɔ̀kɔ na ɔ̀nɛyi kɔ̀yi-kɔ̀yi, ehwànja e ndìŋgɛ e hwànda wòhwe rzayi-rzayi.

1 Yòwanìrzɛ̀ 2:7

Imbùnda jà ami kòkò, ene mbenda ema nà è tìleyà nanù, è rza enje ndi mbenda hvènya, è hwèlì ndi mbenda yà mbolowa ema è mà hwɛnɛ natɛ̀ɛ nà ò hwèwòteli. Ène mbenda yà mbolowa è hwèlì ndi ŋmɛ̀ndì mò gbamù ema è mà lòmɛ lì hweyà.

1 Yòwanìrzɛ̀ 3:11

Ŋmɛ̀ndì mò gbamù ema è mà hwèye natɛ̀ɛ nà ò hwèwòtèlì mò hwèlì ndi nanù ema, è alìŋgànɛ mɔ̀kɔ nà ɔ̀nɛyi.

1 Yòwanìrzɛ̀ 4:15

Tɔ̀ njɛnɛ ema à ohwi nanù ema Yerzù ndi à hwèlì è Ŋmanà wà ama Lohwɛ̀, Lohwɛ̀ à hwèlì nà mɔ̀ ndèŋgàna mɔ̀ hvɛ à hwèlì nà Lohwɛ̀.

1 Yòwanìrzɛ̀ 4:21

Ò eŋgànɛ̀lɛ̀ è mbenda yà ene ema e ŋgbàahwì tɔ̀ njɛnɛ ema à lìŋgàni Lohwɛ̀, à aŋgàmɛ̀nɛ̀yi hvɛ lKì lìŋgàna ŋmanyàŋgò wà eni.

1 Yòwanìrzɛ̀ 5:13

Nà e tìleya ndi inyɔ ema e lòkɛ̀ lìinà la ama è Ŋmanà wà ama Lohwɛ̀ hwene hweyà, aŋga nanù oma e ma hwiya ema e ohvi lòŋgɛ la gbìndèyà.