1 Yòwanìrzɛ̀ 3:19 - Mokpwe: Bakwery (New Testament)

¹⁹ Ja awùŋmɛ̀lɛ̀nɛ̀yi tɛ e ndìŋgɛ mɔ̀kɔ nà ɔ̀nɛyi, aŋga ndi irzɔ i hwiya nanù ema i hwèlì ndi hwatò hwa jɔ̀kɛ̀, ndèŋgànɛ̀lɛ̀ i hwi nanù ema mèèmà me arzu me eta o worzo wo ama Lohwɛ̀.

1 Yòwanìrzɛ̀ 3:19 ပူးပေါင်းရင်းမြစ်များ

Yòwanìrzɛ̀ 13:35

È alìŋgànɛ tɛ mɔ̀kɔ na ɔ̀nɛyi, hwatò hwa arzɛ hwa ò hwiya ema inyɔ e hwèlì ndi hwà-òkòwèlì hwa ami.”

Yòwanìrzɛ̀ 18:37

Pìlatò rzi a mò ijòwà nanù ema, “O hwèlì ndi Kiŋgɛ rzɔ e?” Yerzù rzi a mò alàhwɛ̀ nanù ema, “O wa ndi òhwi nanù ema na hwèlì ndi Kiŋgɛ. Lìtiŋga ema na ŋyaahwɛlɛyi na lì jàa anu rze lì hwèlì ndi ò lì tɛ̀mɛ̀ e mbòŋgi ya jɔ̀kɛ̀. Tɔ̀ ima mòtò ema a hwèlì ndì wa jɔ̀kɛ̀ a nò òkànèyà.”

Ròmànì 4:21

A ma lòkɛ̀ na e tɛ̀ɛ̀tɛ̀ɛ nanù ema Lohwɛ̀ a gbeyà mamɛ à mà kàkɛ̀nɛ̀.

Ròmànì 8:38

Imba nà hwi kɔ̀yi-kɔ̀yi nanù ema ò rza enje tɔ̀ yòma ema è tànɛyi lì jò kakòhwà nà è ndìŋgɛ ema Krirztò à jò hwɛ̀nèlì. Ŋga kpelì, ŋga lòŋgɛ. Ŋga i aŋgèlì, ŋga hwàkànèlì, nà iŋginyà ema i hwèlì ò ŋmanyu yà lohwà. Ŋga ò ene hvònda ema i hwèlì naŋgɛ, ŋga ò è hvònda ema è ò jɛ̀ɛ̀ e?

2 Tìmotì 1:12

Lìtìŋga lɔ̀ lìni ɔ̀ndeŋgàtɛ̀ imba nà taka nanù. Ndi nà rza oka ìrzɔnì èhwanja nà hwi è mɔ̀ ema imba nà ikàyi ŋmèma mò amì. Ndèŋgàna nà hwi hvɛ nanù ema à kombɛ̀ mamɛ ema à nò ikelì ò màà natɛ̀ɛ nà ò wùnyà wò hwèkàyìrzèlì.

Hibrù 10:22

Inyɛ̀ i keke o lì ɛndɛ lì kombɛnɛ Lohwɛ̀ nà mèèmà mɔ̀kɔ na o lì mo ŋgbà mèèmà me arzu me arzɛ. Ène eyà e hwèlì ndi nanù èhwanja màyija ema Yerzù à mà kome o mbarza, mà rzaŋgirzɛ mèèmà me arzu. Mɔ̀ a timbi hvɛ o lì jo rzaŋgirzɛ na malìhwa ema mà rzaŋgi kɛɛŋgɛŋgɛ.

Hibrù 11:13

Hwàŋga hwatò hwa koohwa hwà ma hwɛnɛ lì lòkɛ̀ natɛ̀ɛ na o kpelì. Tɔ̀ nɛ wɔ̀ hwa rzi luwe hweŋge hwèèmà ema Lohwɛ̀ à mà hwa kàkɛ̀nɛ̀ nanù ema a hwa ŋgba, ndi wɔ̀ hwà mà ɛnɛ hwèŋge hwèèmà hvoohvo hwe ma hwa òkìrzɛ̀ mɔ̀nyɛ̀ŋgì. Wɔ̀ hwa rzìi hwaŋge o lì ohwa nanù ema, hwa hwèlì ndi hwàyɛ̀nì ema hwa rza ohvɛ èki ya lì lìya anu rze ya mɔ̀nyɛ̀.

1 Yòwanìrzɛ̀ 1:8

Jo òhwi tɛ ema i rza ohvi tɔ̀ wòhwe, nanù oma ja alukɛlɛ ndi irzɔ hwiti ndèŋgànɛlɛ o ma e jɔ̀kɛ̀ e rza enje na irzɔ.

1 Yòwanìrzɛ̀ 2:21

Nà rza e tìleya ndi ene kaatì ehwànja e rza hwi e jɔ̀kɛ̀. Nà e tìleya ndi ehwànja e hwi e jɔ̀kɛ̀, ndèŋgànɛ̀lɛ̀ ehwànja tɔ̀ mòlàŋgà mo rza uwɛ̀lɛ̀lɛ̀yi o tenì ya e jɔ̀kɛ̀.

1 Yòwanìrzɛ̀ 3:14

Irzɔ ì hwi nanù ema ì mà rzuwàna è ŋginyà yà è kpelì ò naŋgɛ ì hwɛni lòŋgɛ là gbìndèyà, ì hwi nanù ehwànja jà alìŋgànɛ̀yi mɔ̀kɔ nà ɔ̀nɛyi. Tɔ̀ ima mòtò ema à rza uŋmɛ̀lɛ̀ wònyànyàŋgo hwa Krirztò è ndìŋgɛ à èlelì ndi ò rze yà è ŋginyà yà kpelì.

1 Yòwanìrzɛ̀ 3:20

Tɔ̀ ima lìrzako ema mèèmà me arzu me jo òhweyà o lì gbeyà wòhwe, irzɔ i hwi nanù ema, Lohwɛ̀ a hwi hweyà hwe arzɛ lì aka na oma irzɔ i hwi.

1 Yòwanìrzɛ̀ 3:21

Ìi wònyàmòwe kòkò, màlùtèyà ma arzu ma rza jo òhwèlì tɛ nanù ema i hwèlì ndi hwatò hwa wòhwe, i rza ohva wɔ̀ŋgɔ̀ i kànɛ tɛ o worzo wo ama Lohwɛ̀.