1 Yòwanìrzɛ̀ 3:17 - Mokpwe: Bakwery (New Testament)

¹⁷ Tɔ̀ njɛnɛ ema a ohvi erzàŋgo rzi a ɛnɛ ŋmanyàŋgò wa eni a endèli rzìi a rzi mo hwɛneya ŋmèma mo ììlì o lì mo oŋgòhwànà, nɛ rzɔ mɔ̀ à tanɛyi lì ohwa nanù ema a lìŋgàni Lohwɛ̀ e?

1 Yòwanìrzɛ̀ 3:17 ပူးပေါင်းရင်းမြစ်များ

Lukàrzɛ̀ 3:11

Yòwanìrzɛ̀ à mà alàhwɛ̀ nanù ema, “Tɔ̀ njɛnɛ ema à hwɛnì mèŋgòmbè mehwàkɛ a ŋgbè mɔ̀kɔ òma òŋgò ema à rza òhvɛ̀ɛ, òŋgò hvɛ ema à òhvi mòlelì a ŋgbè hwaŋga ema hwa rza òhvɛ̀.”

2 Kɔ̀rintìyà 8:9

È hwi na oma e Rzàŋgo ya arzu Yerzù Krirztò a e oŋgòhwànà o lì hwɛ enji. Tɔ̀ ima lìtumba la yòma ema Lohwɛ̀ a hwɛnì, mɔ̀ Yerzù ndi à e hwɛni. Ndi tɔ̀ nanù o nyòla ya anyu à mà hwɛmɛ eŋge ehwàŋgì ya eni ya arzɛ o ŋmanyu rzìi a rzihwa anù rze nàa mòtakèlì wa mòtò. A ma gbeyà ndi nanù o lì arza nanù ema inyɔ e luwe mònàmɛ̀ ema Lohwɛ̀ a ŋgbà hwatò.

Hibrù 13:16

È rzi hvoŋga hvɛ o lì gbeyà gbamù, na o lì òŋgòwàna hwahvɛhvɛ hwatò ema hwa hwèlì o lìtake. Tɔ̀ mamɛ ema mòtò a ohvi inyɛ a e gbeyàne o lì oŋgowàna mɔ̀kɔ na ɔ̀nɛyi. Màhweyà manù ema mà lìŋgìrzɛ Lohwɛ̀.

Jèmìrzì 2:15

Inyɛ̀ i wowe nanù ema ŋmanyàŋgò wa aŋgɔ wa ama Krirztò a rza ohvi tɔ̀ yoma ya lì wɔ̀tɔ̀ ndèŋgànɛlɛ a rza ohvi hvɛ tɔ̀ mòlelì ema a laa.

Jèmìrzì 2:16

Rzìi mɔ̀kɔ wa anyu a mo òhweyà nanù ema, “Ɛndɛ gbamù, o luwe mamɛ ema o wɔ̀tɔ̀ ndèŋgànɛlɛ o luwe hvɛ mamɛ ema o ò lɛɛ.” È mo òhwèlì tɛ nanù, e rzi hwɛ a hwɛ nanù ema, e mo ŋgbelì hweyàrzèlì hwa eni, ima wotumba wo gbamù ema inyɔ e mo gbèelì e?

1 Yòwanìrzɛ̀ 4:20

Mòtò à ohwi tɛ nanù ema à lìŋgàni Lohwɛ̀ rzìi à rzìŋgɛ̀ ŋmanyàŋgò wà eni wà ama Krirztò, nanù ò mà à kɔ̀ɔ hweyà. Èhwànja tɔ̀ njɛnɛ ema à rza lìŋgànɛ ŋmanyàŋgò wà eni wà ama Krirztò ema mɔ̀ à ɛnɛ, à rza tànɛ lì lìŋgàna Lohwɛ̀ ema mɔ̀ à rza ɛnɛ.

1 Yòwanìrzɛ̀ 5:1

Tɔ̀ ima mòtò ema à lòkɛ̀ nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi à hwèlì ndi nàa è ŋmanà wà ama Lohwɛ̀, ndèŋgàna tɔ̀ njɛnɛ ema à lìŋgàni Tatɛ̀ nanù oma à lìŋgàni hvɛ è Ŋmanà wà eni.