1 Yòwanìrzɛ̀ 3:15 - Mokpwe: Bakwery (New Testament)

¹⁵ Tɔ̀ njɛnɛ ema à rzìŋgɛ̀yi ŋmanyàŋgò wà eni à hwèlì ndi mòòŋwèlì, ndèŋgànɛlɛ è hwi nanù ema tɔ̀ mòòŋwèlì tɔ̀ mɔ̀kɔ à rza ò hwɛnɛ lòŋgɛ là gbìndèyà ò tenì yà eni.

1 Yòwanìrzɛ̀ 3:15 ပူးပေါင်းရင်းမြစ်များ

Matiyò 5:28

Ndi nà è òhwèyà ema, tɔ̀ ima mòtò ema à ɔ̀ŋgɔ mòlanà nà màlùtèyà ema mɔ̀ à mò naŋgane, mɔ̀ à mà màa lì mò gbèyana mòrzònje ò ŋmèma mò eni.

Makòrzì 6:19

Ènè eyà e mà gbeyà Hɛ̀ròdìyàrzì à mà òmbɛlɛlɛ Yòwanìrzɛ̀ hwètàtò ò ŋmèma mò eni. O èŋgànɛ̀lɛ̀ à mà keka lì mò òŋwà, ndi Hɛ̀rɔ̀dì ama gbeyà ema a rzi tanɛ lì mò òŋwa.

Yòwanìrzɛ̀ 4:14

Ndi tɔ̀ njɛnɛ ema a nyɔ̀lì malìhwa ema imba na mò ŋgba, a rza ò hwɛnɛ ahwɛ̀nɛ̀ nyìrzɛ hvɛ. Maŋga malìhwa ema imba na mò ŋgba, ma hwɛ ndi ò tenì ya eni nàa itùŋgu ema i rza hwànja. Maŋga malìhwà mà mò ŋgba lòŋgɛ la gbìndèyà.”

Yòwanìrzɛ̀ 8:44

È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

Hwègbèèlì 23:12

O enɛyi eka ya elele, lòŋgò la hwatò hwa wònyà Yudà hwà mà arzàŋganɛ rzìi hwa weka ŋmànò. Hwà mà aàtɛ hwèyi nanù ema wɔ̀ hwa rza ò laa tɔ̀ lì nyɔ tɔ̀ yòma natɛ̀ɛ hwa òŋwa Pàwolò.

Hwègbèèlì 23:14

Rzìi wɔ hwa ɛndɛ ò ma ipìlìrzì ndɛnɛ na hwàmbaki hwa mbòwa rzìi hwa òhwa nanù ema, “Irzɔ i ma aàtɛ hwèyi ya ŋginyà nanù ema, i rza laa tɔ̀ yòma natɛ̀ɛ jò òŋwa Pàwolò.

Jèmìrzì 1:15

Màlùteyà ma wòhwe ema mà hwɛ̀ɛ o tenì ya ŋmèma mo mòtò mɔ̀ ndi ma jànà wòhwe. Ndèŋgànɛ̀lɛ wòŋgo wòhwe wo òŋga tɛ mòtò o tenì wo mo jànèyà e kpèlì.

1 Pètrò 1:23

È hwɛni lì hwiya nanù ema Lohwɛ̀ à mà è ŋgbàà lòŋgɛ lì hvènya ò lì akeyà nà è mbɔrzi yà eni. Èŋge mbɔrzi è mà jana lòŋgɛ, ndèŋgànɛ̀lɛ̀, è rza enje ndi eyà ema è hvaŋgèya. È ò hwɛ natɛ̀ɛ nà ò mòlìkɛ̀. Lohwɛ̀ ema à hwèlì ò gbìndèyà, mɔ̀ ndi à è ŋgbelì lìŋgi lòŋgɛ, rzeketɛ è mòtò wà hwènàmà.

1 Yòwanìrzɛ̀ 2:11

Ndi tɔ̀ njɛnɛ hvɛ ema à kɔ̀wu ŋmanyàŋgò tɔ̀ ndomɛ̀ wà eni nanù oma à ohvi ndi lòŋgɛ là jììtìtì. Èŋge tùmba mòtò à ɛ̀ndɛ̀ya ndi ò tenì yà jììtìtì ndèŋgànɛ̀lɛ̀ à rza hwi èki ema à ɛ̀ndɛ̀ ehwànja jììtìtì ì mà mò gbeyà à mà tìmba ndi nàa ndìma.

1 Yòwanìrzɛ̀ 2:9

Tɔ̀ njɛnɛ ema à ohwa nanù ema à hwèlì ò ŋmàye ndi à kɔ̀wu ŋmanyàŋgò tɔ̀ ndomɛ wà eni, eŋge tùmba mòtò è hwèlì ndi ò jììtìtì nanù mɛnɛ.

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”