1 Yòwanìrzɛ̀ 3:14 - Mokpwe: Bakwery (New Testament)

¹⁴ Irzɔ ì hwi nanù ema ì mà rzuwàna è ŋginyà yà è kpelì ò naŋgɛ ì hwɛni lòŋgɛ là gbìndèyà, ì hwi nanù ehwànja jà alìŋgànɛ̀yi mɔ̀kɔ nà ɔ̀nɛyi. Tɔ̀ ima mòtò ema à rza uŋmɛ̀lɛ̀ wònyànyàŋgo hwa Krirztò è ndìŋgɛ à èlelì ndi ò rze yà è ŋginyà yà kpelì.

1 Yòwanìrzɛ̀ 3:14 ပူးပေါင်းရင်းမြစ်များ

Matiyò 25:40

Ndi e Kiŋgɛ̀ e hwa alàhwɛ̀ nanù ema, ‘O tɛ̀ɛ̀tɛ̀ɛ na e òhweyà ema tɔ̀ mamɛ ema e ma gbèeyà mɔ̀kɔ wa hwanù wònyanyàŋgò wa ami ema hwa rza òhvɛ hwe tɛmelì, imba ndi ema gbèeyà.’

Lukàrzɛ̀ 15:24

Ònò ŋmanà wà amì à mà ŋwa rzìi à tìmbi hvɛ ò lòŋgɛ. À mà wɔ̀ɔ rzìi a wurzi hvɛ.’ Aŋgà ndi hwa mà wòteya lì rzòmbìrzɛ̀.”

Lukàrzɛ̀ 15:32

Ò jɔ̀kɛ̀! Ì hwɛnì lì rzòmbirzɛ nà lì òkà mɔ̀nyɛ̀ŋgì èhwànja ònò ŋmanyɔ̀ŋgɔ wà aŋgɔ̀ à mà ŋwa, rzìi a timbi hvɛ ò lòŋgɛ. À ma wɔ̀ rzìi a wurzi hvɛ.’”

Lukàrzɛ̀ 7:5

À lìŋgàni hwatò hwa arzu hwa èkòmè natɛ̀ɛ à jò òŋgèlì è ndawò yà màkanɛ̀.”

Yòwanìrzɛ̀ 13:35

È alìŋgànɛ tɛ mɔ̀kɔ na ɔ̀nɛyi, hwatò hwa arzɛ hwa ò hwiya ema inyɔ e hwèlì ndi hwà-òkòwèlì hwa ami.”

Yòwanìrzɛ̀ 15:12

È mbenda ya ami e hwèlì ndi nanù ema, e alìŋgànɛ mɔ̀kɔ na ɔ̀nɛyi na òma imba hvɛ na e lìŋgàni.

Yòwanìrzɛ̀ 15:17

Hwene hweyà hwe arzɛ ema nà è òhweyà nanù hwe hwèlì ndi nanù ema, è alìŋgànɛ mɔ̀kɔ nà ɔ̀nɛyi.”

Yòwanìrzɛ̀ 5:24

“Imba na e òhweyà e jɔ̀kɛ̀ nanù ema, hwaŋga hwatò ema hwa hweyi hwèyòkòlèlì hwe ami rzìi hwa lòkɛ̀ e mɔ̀ ema a nò òmi, hwa hwɛnì lòŋgɛ la gbìndèyà ndèŋgàna hwa rza ò kàyìrzɛ̀hwɛ. Hwa rza jà ò mòkòna ndi hwà mà akeyà e kpelì lì jà ò lòŋgɛ.

2 Kɔ̀rintìyà 5:1

Irzɔ i hwi nanù ema i nyo ja arzu ema jo òhvi anu rze, i gbèyi ndi na mawondo ema i lìya o tenì. Hwa hvàŋgi tɛ maŋga mawondo, irzɔ i hwi ema jo òhvi ndawò o ŋmanyu ya lohwa ema e rza oŋgahwɛ na mòtò wa hwènàmà. Lohwɛ̀ ndi à e oŋgi, ndèŋgànɛlɛ e hwɛ natɛ̀ɛ na o gbìndèyà.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

Ɛ̀hvìrzìyà 1:15

Ò lìni lìtiŋgà nà mà hweyà nanù ema è lòkɛ̀ Rzàŋgo Yerzù Krirztò nà lì lìŋgàna hwatò hwa arzɛ hwa ama Lohwɛ̀. Ò èŋgànɛ̀lɛ rzɔ,

Ɛ̀hvìrzìyà 2:1

Ò mòlòmɛ̀ ì mà hwɛ̀ɛ ndi nàa hwatò ema hwa mà ŋwɛ̀ɛ̀ èhwanja è rzi hwɛ lì gbeyà hweyà ema Lohwɛ̀ à mà ohwe ema è gbèye, ndèŋgàna è mà hwɛ lì gbeyà wòhwe.

Ɛ̀hvìrzìyà 2:5

mɔ̀ à mà jò gbeyà o lì hwɛ lòŋgɛ na oma i hwèlì na Krirztò, tɔ̀ nɛ i ma hwɛ ndi nàa hwatò ema hwà mà ŋwɛ èhwanja i rzi hwɛ lì gbeyà hweyà ema Lohwɛ̀ à mà ohwe nanù ema e gbeye. O lì akeyà na e ndèli ya àma Lohwɛ̀ ɔ̀ndeŋgàtɛ̀ i rzuŋgàhwì.

Kòlòrzìyà 1:4

Irzɔ jè èka Lohwɛ̀ ehwànja, irzɔ i mà hweyà lì hvomɛ̀nɛ̀ lìlòkɛ̀ là anyu là ama Yerzù Krirztò. Nà è ndìŋgɛ yà anyu ema è hwɛ̀nèlì hwatò hwa arzɛ hwa ama Lohwɛ̀.

1 Tɛ̀rzàlonìyà 4:9

O nàŋgɛ nanù lì hvomɛ̀nɛ̀ e ndìŋgɛ ema e ahwɛ̀nɛ̀nɛ̀yi mɔ̀kɔ na ɔ̀nɛyi nàa hwàlòkèlì hwa ama Lohwɛ̀ i rza aŋgàmɛnɛ lì atàkìrzɛ o lì e tìleya, ehwànja Lohwɛ̀ mɔ̀ ŋmìti à mà màa lì e okolɛ nɛ e àŋgàmɛ̀nɛ̀yi lì lìŋgàna mɔ̀kɔ na ɔ̀nɛyi.

Hibrù 13:1

Inyɛ̀ e ɛndɛ o worzo ò lì alìŋgànɛ mɔ̀kɔ nà ɔ̀nɛyi nàa hwatò hwa ama Krirztò.

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.

1 Pètrò 3:8

O lì umba ene mbɔrzi, inyɔ hwa arzɛ e hwɛni ndi lì hwɛ mòtò mɔ̀kɔ. Ya àwòhvànɛ mèèmà me ììlì. Ya alìŋgànɛ mɔ̀kɔ na ɔ̀nɛyi. È àyènjànɛ̀ na lì arzihwirzɛ.

2 Pètrò 1:7

O ŋmanyu ya lì gbeyà hweyà ema Lohwɛ̀ a arza, inyɔ hwatò hwa ama Krirztò inyɛ e ndìŋgɛ e hwɛ o ìtììtènì ja anyu. O ŋmanyu ya e ndìŋgɛ o ìtììtènì ja anyu ja hwatò hwa ama Krirztò, e lìŋgàne tɔ̀ ima mòtò.

1 Yòwanìrzɛ̀ 2:3

È hwèlì tɛ nanù ema irzɔ jè ika imbenda jà ama Lohwɛ̀, ò jɔ̀kɛ̀ ì mò hwi.

1 Yòwanìrzɛ̀ 3:23

È mbenda ema a ŋgbelì e hwèlì ndi nanù ema, i lòkɛ̀ o lìinà la ama è Ŋmanà wà eni Yerzù Krirztò na o lì alìŋgànɛ mɔ̀kɔ na ɔ̀nɛyi. Ène mbenda hvɛ mɛnɛ ndi Krirztò à mà jo ŋgbe.

1 Yòwanìrzɛ̀ 4:12

Tɔ̀ mòtò à rzi ɛni à ɛnɛ Lohwɛ̀, ndi jà alìŋgànɛ tɛ mɔ̀kɔ nà ɔ̀nɛyi, eŋge ŋgànà e hwèlì ndi nanù ema Lohwɛ̀ a hwèlì o ìtììtènì ja arzu ndèŋgàna e ndìŋgɛ ya eni e o ondìrzɛ̀hwɛ̀ o ìtììtènì ja arzu.

1 Yòwanìrzɛ̀ 5:13

Nà e tìleya ndi inyɔ ema e lòkɛ̀ lìinà la ama è Ŋmanà wà ama Lohwɛ̀ hwene hweyà, aŋga nanù oma e ma hwiya ema e ohvi lòŋgɛ la gbìndèyà.

1 Yòwanìrzɛ̀ 5:2

Nànù ndi ì hwiya ema ì lìŋgàni hwàanà hwa ama Lohwɛ̀, è hwèlì ndi ò lì lìŋgàna Lohwɛ̀ nà lì ika hvɛ imbenda jà eni.