1 Yòwanìrzɛ̀ 3:13 - Mokpwe: Bakwery (New Testament)

¹³ Ò eŋgànɛ̀lɛ̀ rzɔ wònyànyàŋgo wà ami kòkò, è rzi tàmà nà oma hwatò hwa è rze hwa è rziŋgɛ.

1 Yòwanìrzɛ̀ 3:13 ပူးပေါင်းရင်းမြစ်များ

Matiyò 10:22

Hwatò hwa àrzɛ hwa ò e kɔ̀ ò nyòla lìinà la ami. Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.

Matiyò 24:9

O eŋge hvònda, e ò ŋgbàŋgɛ̀hwɛ̀ na lì ŋgbahwa ò màà ma hwatò ema hwa e kɔ̀kìrzɛ̀ rzii hwa e òŋwa. O nyòla lìinà la amì e ò kɔ̀ɔ̀wɔ̀ nà hwèkòmè hwe arzɛ.

Makòrzì 13:13

Hwatò hwa àrzɛ hwa ò e kɔ̀ ò nyòla lìinà la ami. Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.”

Lukàrzɛ̀ 21:17

Inyɔ hwa àrzɛ e ò rzìŋgɛ̀hwɛ ò nyòla lìinà la amì.

Lukàrzɛ̀ 6:22

Mònàmɛ̀ nà inyɔ ema è kɔ̀ɔ̀hwi nà hwatò rzìi hwa è ndinda ò ìtììtènì ja awu rzìi hwa è hwɛnyɛ̀ rzìi hwa è hwɛlɛ mìnà ma wòhwe èhwanja è òŋgama è Ŋmanà wà e Mòtò wà Hwènàmà.

Yòwanìrzɛ̀ 16:2

Wɔ̀ hwa ò e hvaya ò tenì ya e ndawò ya màkanɛ̀. Ò jɔ̀kɛ̀, o ò ja hvònda ema tɔ̀ ima mɔ̀ ema a ò e òŋwɛ, a ò ɔ̀ŋgɛ̀lɛ̀ ndi ema a gbèeyà ndi Lohwɛ̀ èwòlò.

Yòwanìrzɛ̀ 16:33

Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

Yòwanìrzɛ̀ 17:14

Nà ma hwa òhweyà hweyà hwe arzɛ ema ò ma nò òhweyà ò lì hwa òhweyà. Nàŋgɛ rzɔ hwatò hwa ene rze hwa hwà kɔwu, èhwanja hwa rza enje hwatò hwa ene rze hvɛ. Nà òma imba hvɛ na rza enje wa ene rze.

Yòwanìrzɛ̀ 3:7

È rzi tàmà nà òma nà òhweyàyi nanù ema, ‘Mòtò à hwɛnì lì ŋyàahwa hvɛ mòhvènya.’

Yòwanìrzɛ̀ 7:7

È rze e rza tànɛyi lì e kɔ̀u ndi è nò kɔwu imba èhwanja nà è rzàmbà nanù ema è gbeyà wòhwe.

Hwègbèèlì 3:12

Nà òmà Pètrò à mà ɛnɛ hwanu hwatò, rzìi a hwa òhweyà nanù ema, “Ìi wònyà Irzàyɛ̀lì mamɛ ndèŋgàtɛ ene eyà ye tàmìrzɛ̀ nanù e? Mamɛ ndèŋgàtɛ e jò ɔ̀ŋgɔ nanù e? È ɔ̀ŋgɛ̀lɛ̀ ndi nanù ema ò e ŋginyà ya arzu tɔ̀ èhwanja i rzaŋgi ò wòrzò wò ama Lohwɛ̀, ɔ̀ndeŋgàtɛ̀ i wɔ̀wìrzɛ̀ ònò mòtò ema a ɛndɛ e?”

Ròmànì 8:7

È hwèlì tɛ nanù ema hwèèmà hwe e nyàmà nyò hwe kànèyà tɛ mòtò, òŋgò mòtò a kɔ Lohwɛ̀ ihvònda ja arzɛ èhwanja a rzi ika imbenda ja ama Lohwɛ̀, ndèŋgànɛlɛ a rza ò tànɛyi lì jò òŋgama.

2 Tìmotì 3:12

Ndi o jɔ̀kɛ̀, tɔ̀ ima mòtò ema a arza o lì lìya lòŋgɛ la ehve-ehve, na oma mɔ̀ à hwèlì na Yerzù Krirztò a hwɛni lì tàkìrzɛ̀hwɛ o màà mà hwatò.

Jèmìrzì 4:4

Inyɔ e hwèlì ndi nàa hwatò ema hwa hwèlì o ndawò ja màahwa ndi hwa gbeyà mòrzònje. È rza hwi nanù ema e ikayi tɛ mèèmà me anyu o hwema hwe rze, hwe e gbeyà inyɔ e jà ndi hwàkɔ̀ɔ̀yèlì hwa ama Lohwɛ̀ e? O eŋgànɛlɛ rzɔ tɔ̀ ima mòtò ema a lìŋgàni o lì ika ŋmèma mo eni o hwema hwe ene rze, à mà agbeyɛ mɔ̀ ŋmìti mɔ̀kɔ̀yèlì wa ama Lohwɛ̀.

Hwèwulùwèlì 17:7

È aŋgèlì è mà nò ijòwa nanù ema, “Mamɛ ndèŋgatɛ ò tàmì e? Nà ò telɛ̀lɛ̀ è wùndɛ̀ yà ama ono molàna nà è wùndɛ̀ yà è nyàmà yà wòhwe ema è mò ɛ̀ndɛ̀nɛ̀, ema è ohvi lìrzàmba là mèyòhvò nà lìyome là mèrzehwa.