1 Yòwanìrzɛ̀ 3:10 - Mokpwe: Bakwery (New Testament)

¹⁰ Nànù ndi irzɔ ì hwɛni lì hwiya njɛnɛ hwàànà hwa ama Lohwɛ̀ hwa hwèlì, nà njɛnɛ hwàànà hwa ama Mòkarzɛ̀ hvɛ hwa hwèlì, tɔ̀ njɛnɛ ema à rza gbèyɛ mamɛ ema è hvomɛ̀nɛ̀yi à rza enje è ŋmanà wà ama Lohwɛ̀. Ŋgànà hvɔ̀kɔ hvɛ nà tɔ̀ njɛnɛ ema à rza lìŋgànɛ̀ ŋmanyàŋgò tɔ̀ è ndomɛ̀ yà eni.

1 Yòwanìrzɛ̀ 3:10 ပူးပေါင်းရင်းမြစ်များ

Matiyò 13:38

e hvaya e hwèlì ndi e rze ya arzɛ, i hvɔ̀ŋgɔ̀ ja gbamù i hwèlì ndi hwatò ema hwa hwèlì ò rze ya lìkànèyà la ama Lohwɛ̀, hwèwùlè hvɛ hwe hwèlì ndi hwaŋga hwatò ema hwa hwèlì na mòkarzɛ̀.

Lukàrzɛ̀ 6:35

Ndi e lìŋgàne hwàkɔ̀yèlì hwa anyu. È hwa gbèeyà gbamù. È hwàlɛ̀ hwatò è rzì hwɛ lì ikà lìhvìtà ema è hwa àrzànà lìyɛmɛ ò lì è tìmbirzɛlɛlɛ. Aŋgà ndi Lohwɛ̀ a e ŋgba jàhwèyà ema ì karzami, ndèŋgànɛ̀lɛ̀ e ò hwɛ̀lɛ̀hwɛ̀ ndi hwàànà hwa eni, hwàànà hwa ama Lohwɛ̀ lì Kàrzami, e hwɛnì hvɛ lì hwiya nanù ema Lohwɛ̀ à òhvi ììlì jà èni ò hwaŋga hwatò ema hwa rza eka Lohwɛ̀ nà hwaŋga hwa ekɔnì.

Yòwanìrzɛ̀ 1:12

Ndi e wɔ̀ ema hwà mà mò kàrzɛ na lì mò lòkɛ̀ hwanu ndi à mà ŋgbèe è wònjà ò lì hwɛ hwàànà hwa ama Lohwɛ̀.

Yòwanìrzɛ̀ 11:52

Rzekɛtɛ ò wònyà Yudà mɛnɛ ndi ò lì rzàŋga hwatò hwa arzɛ hwa ama Lohwɛ̀ ema hwa wuhwèlì ò èki yɔ̀kɔ, aŋga nanù hwa hwɛ mòtò mɔ̀kɔ.

Yòwanìrzɛ̀ 8:44

È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

Yòwanìrzɛ̀ 8:47

È mɔ̀ e ma a hwèlì na Lohwɛ̀, a hwèya mamɛ Lohwɛ̀ a òhwa. Litiŋga mamɛ ndeŋgatɛ inyɔ e rza hwèya, lì hwèlì ndi ema inyɔ e rza enje e hwàa ama Lohwɛ̀.”

Hwègbèèlì 13:10

rzìi a òhwa nanù ema, “O wa, e ŋmanà wa ama Mòkarzɛ̀! O hwèlì ndi e mɔ̀kɔ̀yèlì wa tɔ̀ mamɛ ema e hvòmɛ̀nɛ̀yi. O òndi na inyayi jà àrzɛ̀ ja wòhwe ja meyanò. Tɔ̀ ima hvònda ò wa ò arza ndi ò lì tikòwa e jɔ̀kɛ̀ ya ama e Rzàŋgò ò lì e timbirzɛ hweyà hwe lì kɔ̀.

Ròmànì 13:8

È rzi keka, ò lì òhvana tɔ̀ mòtò tɔ̀ lìyɛmɛ. Liyɛmɛ mɛnɛ ema e hwɛni, lì hwèlì ndi ò lì lìŋgàna mɔ̀kɔ na ɔ̀nɛyi. Tɔ̀ ima mòtò ema a gbèyi nanù, nanù ò ma a ika e mbenda ya arzɛ.

Ɛ̀hvìrzìyà 5:1

Ɛ̀ɛmɛ̀ ya anyu e hwɛni ndi lì hwɛ nàa e ya ama Lohwɛ̀ èhwanja e hwèlì ndi hwàanà hwa eni ema mɔ̀ à lìŋgàni rzayi-rzayi.

Kòlòrzìyà 3:14

Ndeŋgànɛ̀lɛ̀ ò ŋmanyu yà hwene hweyà hwe arzɛ, è alìŋgànɛ mɔ̀kɔ nà ɔ̀nɛyi. È ndìŋgɛ ndi è rzàŋga hweyà hwe arzɛ.

1 Tìmotì 1:5

Lìtìŋga ndèŋgàtɛ̀ nà mà e ohweyà ema o òkolɛ hwatò hwèyòkòlèlì hwe jɔ̀kɛ̀ hwe hwèlì ndi nanù ema, hwatò hwa alìŋgànɛ mɔ̀kɔ na ɔ̀nɛyi. È hwɛni lì hwɛnɛ ndìŋgɛ ema e uwɛ̀lɛ̀lɛ̀yi o ŋmèma ema me rzaŋgi, ŋmèma ema mo hwi mamɛ e hvomɛ̀nɛ̀ na mamɛ ema e rza hvomɛ̀nɛ̀, na ŋmèma ema mo hwi lì lòkɛ̀ ema lì hwèlì e jɔ̀kɛ̀.

1 Yòwanìrzɛ̀ 2:29

Inyɛ̀ è hwiye nanù ema Krirztò mɔ̀ à gbeyà hweyà ema hwe hvomɛ̀nɛ̀yi ò worzo wò ama Lohwɛ̀, ò eŋgànɛlɛ inyɛ è hwìye nanù ema tɔ̀ ima mòtò ema à gbèyi mamɛ ema è hvomɛ̀nɛ̀yi ò worzo wò ama Lohwɛ̀ à hwèlì ndi è ŋmanà wà ama Lohwɛ̀.

1 Yòwanìrzɛ̀ 3:1

È ɔŋgɔ tɛ e ndìŋgɛ ndɛnɛ ema Tatɛ̀ a jo lìŋgàni. Èŋge ndìŋgɛ e olo natɛ̀ɛ irzɔ i hwɛ̀lɛ̀hwɛ̀ hwàanà hwa ama Lohwɛ̀, ndèŋgànɛ̀lɛ̀ nanù ndi irzɔ i hwèlì. Lìtiŋga ndeŋgatɛ ene rze e rza jo hwi lì hwèlì ndi ehwànja hwa rzi lome lì hwiya e Tatɛ̀.

1 Yòwanìrzɛ̀ 3:2

Wònyàmòwe kòkò, o naŋgɛ nanù irzɔ i hwèlì ndi hwàanà hwa ama Lohwɛ̀, ndèŋgànɛlɛ hvɛ mamɛ ema irzɔ jo ò hwɛ o e ŋmɛlɛ irzɔ i rzi e hwi. Ndì i hwi hvɛ nanù ema Krirztò a jelì tɛ, irzɔ jo ò hwɛ ndi nàa mɔ̀, ehwànja i hwɛni lì mo ɛnɛ na oma mɔ̀ à hwèlì.

1 Yòwanìrzɛ̀ 4:21

Ò eŋgànɛ̀lɛ̀ è mbenda yà ene ema e ŋgbàahwì tɔ̀ njɛnɛ ema à lìŋgàni Lohwɛ̀, à aŋgàmɛ̀nɛ̀yi hvɛ lKì lìŋgàna ŋmanyàŋgò wà eni.

1 Yòwanìrzɛ̀ 4:6

Irzɔ ì hwèlì ndi hwatò hwa ama Lohwɛ̀ ndèŋgànɛ̀lɛ̀ tɔ̀ njɛnɛ ema à hwi Lohwɛ̀, à àŋgàmɛ̀nɛ̀yi lì jo òkànèyà. Ndi tɔ̀ njɛnɛ ema à rza enje mòtò wà ama Lohwɛ̀, à rza jò hweyànà. Nànù ndi irzɔ jè embànà Èlìŋgɛ̀ yà jɔ̀kɛ̀ nà èlìŋgɛ̀ ema è lùkɛ̀lɛ̀ hwatò.

1 Yòwanìrzɛ̀ 4:8

Tɔ̀ ima mòtò ema à rza lìŋgànɛ hwatò nanù oma à rza hwi Lohwɛ̀, ehwànja tɔ̀ mamɛ ema Lohwɛ̀ à gbeyà à uŋmɛ̀lɛ̀ è ndìŋgɛ ema à hwɛ̀nèlì hwatò.

1 Yòwanìrzɛ̀ 5:19

Ì hwi nanù ema irzɔ ì hwèlì ndi hwàanà hwa ama Lohwɛ̀, tɔ̀ nɛ ì hwi nanù ema è Mɔ̀ wà Wòhwe ndi à kànèyà hwatò ò rze ema hwa rza hwiyɛ Lohwɛ̀.

1 Yòwanìrzɛ̀ 5:2

Nànù ndi ì hwiya ema ì lìŋgàni hwàanà hwa ama Lohwɛ̀, è hwèlì ndi ò lì lìŋgàna Lohwɛ̀ nà lì ika hvɛ imbenda jà eni.

3 Yòwanìrzɛ̀ 1:11

È mbunda ya ami kòkò, o rza embàneyà wòhwe ema hwatò hwa gbeyà, ndi o embàneyà hweyà hwe gbamù ema hwatò hwa gbeyà. Tɔ̀ njɛnɛ ema a gbèyi gbamù e uŋmɛ̀lɛ̀ ndi nanù ema a hwèlì ndi e ŋmanà wa ama Lohwɛ̀. Tɔ̀ njɛnɛ hvɛ ema a gbeyà wòhwe, wòhwe wo eni wo uŋmɛ̀lɛ̀ ndi nanù ema mɔ̀ à rza hwi Lohwɛ̀.