1 Yòwanìrzɛ̀ 2:6 - Mokpwe: Bakwery (New Testament)

⁶ Tɔ̀ njɛnɛ ema à ohwa nanù ema à hwèlì nà Lohwɛ̀ ò ì hvonda jà arzɛ, lòŋgɛ là eni lì àŋgàmɛ̀nɛ̀yi ndi lì hwɛ nàa è là ama Yerzù Krirztò.

1 Yòwanìrzɛ̀ 2:6 ပူးပေါင်းရင်းမြစ်များ

Matiyò 11:29

Inyɔ e hwɛni lì emeyà ò lì nɔ̀ŋgɔ i mbɔ̀ɔ ja ami ja matàŋga, ndèŋgànà e nò òkòwàna, ehwànja na hwèlì ŋmɛɛ na òhvi hvɛ ŋmèma mò ami ema mò wɔ̀wi. È jèe e luwa la arzìyòlɛ̀.

Yòwanìrzɛ̀ 13:15

Imba na e ŋgbelì embànèlì e ma e hwɛnì lì gbeyà, na òma imba na e gbèelì.

Yòwanìrzɛ̀ 15:10

È ikayi tɛ imbenda ja ami, aŋga ndi na e lìŋgàna nanù mɛnɛ. Nànù ndi imba hvɛ na hweyàni imbenda ja ama Tatà wa ami ndèŋgàna a nò lìŋgàni nanù mɛnɛ.

1 Kɔ̀rintìyà 11:1

Imba Pàwolò na ohwi nanù ema e no wowe nàa èèmbanelì na oma imba hvɛ na nɔ̀ŋgɔ hwèèmbanelì hwe ama Krirztò.

Ɛ̀hvìrzìyà 5:2

Inyɔ e lìŋgàne hwahvɛhvɛ hwatò, ŋgànà hvɔ̀kɔ nàa oma Krirztò a me e lìŋgàne rzìi a jo ŋwèeyà. A ma aŋgbɛ̀ɛ mɔ̀ ŋmìti o ma Lohwɛ̀ nàa làhweyà na jàhwèyà ema i ma lìŋgìrzɛ Lohwɛ̀ rzayi-rzayi.

1 Pètrò 2:21

Lìni lìtake lì e lɔ̀ɔ̀nì inyɔ ema Lohwɛ̀ à mà hvɔ̀rzɛ̀, ehwànja tɔ̀ Krirztò mɔ̀ ŋmìti à mà e tàkeya. Ndeŋgànɛ̀lɛ̀ mɔ̀ à mà hwɛ à mà e ŋgba embànelì ya lì oŋgama imbɔwu ja eni ja màtàŋga.

1 Yòwanìrzɛ̀ 2:28

Ò eŋgànɛ̀lɛ̀ rzɔ inyɔ ema è hwèlì nàa hwàanà hwa ami, è lììya ndi ò lì ahvìyànɛ̀ nà Krirztò, aŋga nanù ò wùnyà ema mɔ̀ à ò jɛ̀ɛ̀ è hwɛnɛ kumba è rza ò òhva tɔ̀ irzɔ̀ni ò lì mò uŋmànɛlɛ.

1 Yòwanìrzɛ̀ 2:4

Tɔ̀ ima mòtò ema à ohwa nanù ema, “Nà mò hwi” ndi à rzi ika imbenda jà eni, à hwèlì ndi mòtò wà mòlàŋgà ndèŋgànɛlɛ è jɔ̀kɛ̀ è rza enje ò tenì yà eni.

1 Yòwanìrzɛ̀ 3:24

Hwàŋga hwatò ema hwa ika imbenda jà ama Lohwɛ̀, hwa lììyà ò lì ahvìyànɛ̀ nà mɔ̀, ndèŋgànɛ̀lɛ̀ mɔ̀ à lìya ò lì ahvìyànɛ̀ nà wɔ̀. Nànù ndi irzɔ ì hwiya nanù ema Lohwɛ̀ à hwèlì nà irzɔ. Ì hwi nanù ehwànja èlìŋgɛ̀ ema mɔ̀ à mà jò ŋgbɛ.

1 Yòwanìrzɛ̀ 3:6

Tɔ̀ ima mòtò ema a hwèlì na Krirztò, a rza o lìmeya o lì gbeyà wòhwe. Ndi tɔ̀ njɛnɛ ema a lìmelì o lì gbeyà wòhwe eŋge ŋgànà e hwèlì ndi nanù ema mɔ̀ à rzi ɛni tɔ̀ lì hwiya Krirztò.

1 Yòwanìrzɛ̀ 4:17

È ndìŋgɛ ema è hwèlì ò tenì yà arzu è òndìrzɛ̀hwɛ̀yi nyayi ema mèèmà mè arzu mè eta ò wùnyà wò hwèkàyìrzèlì. È ò ondìrzɛ̀hwɛ̀ nyàyi ema mèèmà mè arzu mè eta ò tenì ò wùnyà wò hwèkàyìrzèlì, ehwànja anu rze ì hwèlì ndi mòtò nà Lohwɛ̀ nyayi hvɔ̀kɔ nà oma Krirztò hvɛ à mà hwɛ nà mɔ̀.