1 Yòwanìrzɛ̀ 2:28 - Mokpwe: Bakwery (New Testament)

²⁸ Ò eŋgànɛ̀lɛ̀ rzɔ inyɔ ema è hwèlì nàa hwàanà hwa ami, è lììya ndi ò lì ahvìyànɛ̀ nà Krirztò, aŋga nanù ò wùnyà ema mɔ̀ à ò jɛ̀ɛ̀ è hwɛnɛ kumba è rza ò òhva tɔ̀ irzɔ̀ni ò lì mò uŋmànɛlɛ.

1 Yòwanìrzɛ̀ 2:28 ပူးပေါင်းရင်းမြစ်များ

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Matiyò 16:28

Nà è òhweyà nà è jɔ̀kɛ̀ nanù ema, lòŋgò la anyu è hwèlì anù ema è rza ŋwa, natɛ̀ɛ e hvònda hwa ɛnɛ è Ŋmanà wà è Mòtò wà Hwènàmà a jà na lìkànèyà là eni ò rze.”

Makòrzì 8:38

È mɔ̀ ema à nò òkana imba nà Eyà yà Lohwà irzɔ̀ni, ò ene nyɔ̀ŋgɔ̀nì yà yàwònò ema è òŋgamà Lohwɛ̀ nà mèèmà mè hwàkɛ ema è hwèlì hvɛ ndi è nyɔ̀ŋgɔ̀nì yà wòhwe, è Ŋmanà wà è Mòtò wà Hwènàmà mɔ̀ hvɛ à mò òkana irzɔ̀ni è hvònda ema à jà nà i aŋgèlì jè eni jà wòtani nà èluhwe yà ama Tatɛ̀ wà eni.”

Lukàrzɛ̀ 17:30

Nànù mɛnɛ ndi e ò hwɛ̀ɛ ò wòŋgò wùnyà ema è Ŋmanà wà è Mòtò wà Hwènàmà a ò ɛnɛ̀hwɛ.

Ròmànì 9:33

È tìlahwì ò e kààtì ya Lohwà lì hvòmɛ̀nɛ̀ eŋge nanù ema, “Inyɔ e ɔ̀ŋgɔ tɛ, na ikayi lìŋyàyi ò Rzàyɔ̀nì ema lì ma gbeyà hwatò ò lì ayirzɛ màtaŋgà mà awu, ewòmɛ ya lìŋyàyi ema e gbeyà ò lì nòŋgòwa. Ndi tɔ̀ njɛnɛ ema a mò lòkɛ̀yì, a rza ò timba màa màtò.”

1 Kɔ̀rintìyà 1:7

Ène ŋgàna ò eŋgànɛ̀lɛ̀, è rzi hvondi lì lùwa tɔ̀ mònàmɛ̀ tɔ̀ mɔ̀kɔ nà omà è ambɛ̀lɛ̀lɛ̀ nanù ema, Rzàŋgo wà arzu Yerzù Krirztò à awùlùhwɛ mɔ̀ ŋmìti.

1 Kɔ̀rintìyà 15:23

Ndi tɔ̀ ima mòtò a hvùmùlɛ̀hwɛ ndi o e ya eni hvonda. Krirztò ema a hwèlì e wa worzò o lì hvùmùwà, e hvonda ema a o jɛ̀ɛ̀ hvɛ hwaŋga hwatò ema hwa hwèlì e hwa eni, wɔhvɛ hwa hvùmùwà.

Ɛ̀hvìrzìyà 3:12

Èhwanja i lòkɛ̀yì Krirztò nà lì hwɛ mɔ̀kɔ nà mɔ̀, eŋge ndi è jò lìhvòwèlì è njiya ò lì ɛndɛ lì kombɛ̀nɛ̀ Lohwɛ̀ nà lìhvìta là arzɛ è rzì hwɛ irzɔ lì oka tɔ̀ wɔ̀ŋgɔ̀.

Kòlòrzìyà 3:4

Krirztò ndi à hwèlì lòŋgɛ là arzu, ndeŋgànɛlɛ mɔ̀ à jelì tɛ ò ene rze, inyɔ hvɛ è hwɛ nà mɔ̀ ò èluhwe yà eni yà arzɛ.

1 Tɛ̀rzàlonìyà 2:19

Lì aka hweyà hwe arzɛ, inyɔ ndi e gbèyi rzi jo òhvi lìhvìtà. Inyɔ ndi e gbèyi ndèŋgànà jo òki mɔ̀nyɛ̀ŋgì, ndèŋgànɛ̀lɛ̀ inyɔ ndi e gbèyi ndèŋgànà i kumba lìyà o ŋgeŋge, ehwànja mòrzàhwèlì ema je ɛnɛ nanù ema jo ò luwa o worzo e hvonda ema Rzàŋgo Yerzù Krirztò a o jɛ̀ɛ̀.

1 Tɛ̀rzàlonìyà 3:13

I kànɛ ndi nanù, aŋga nanù Rzàŋgo Yerzù a e ètìrzɛ̀ mèèmà me anyu aŋga nanù e rza hwɛnɛ tɔ̀ lìtɔ̀tì tɔ̀ lɔ̀kɔ la mààtòo ma wòhwe o inyo ja anyu, na lì hwɛ wòtani o worzo wo ama Lohwà la arzu na Tàtɛ, e hvonda ema Rzàŋgo ya arzu Yerzù Krirztò a o jɛ̀ɛ̀ na hwatò wa eni hwa arzɛ.

1 Tɛ̀rzàlonìyà 5:23

Inyɛ̀ Lohwɛ̀ mɔ̀ ŋmìti ema a jo ŋgba ɛ̀yɔ̀lɛ̀ inyɛ a gbeeye inyɔ e hwɛ wòtani o hweyà hwe arzɛ. Inyɛ̀ e tɛ̀yirzɛ èlìŋgɛ̀ na inyɔ hwa arzɛ gbamù, ndèŋgànɛ̀lɛ̀ e rzi hwɛnɛ tɔ̀ lìtɔ̀tì tɔ̀ lɔ̀kɔ la màatò ma wòhwe o nyo ya anyu natɛ̀ɛ na e hvonda ema e Rzàŋgo ya arzu Yerzù Krirztò a o jɛ̀ɛ̀.

1 Tìmotì 6:14

gbeyà mamɛ ya arzɛ ema Lohwɛ̀ à mà o òhweyà nanù ema o gbeye, natɛ̀ɛ na e hvonda ema Rzàŋgo wa arzu Yerzù Krirztò e jà.

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

Tàyìtùrzì 2:13

Inyɛ̀ i gbeye nanù, na oma ja ambɛ̀lɛ̀ na lìhvìtà hwèèmà ema hwe o jɛ̀ɛ̀ o wòŋgo wùnyà ema Lòohwà la arzu, e mɔ̀ ema a Kàrzàmi na e Mòrzùŋgèlì hwa arzu Yerzù Krirztò à ò jà nà èluhwe ya eni.

Hibrù 9:28

Nànù hvɛ mɛnɛ ndi Krirztò à mà aŋgbɛ mɔ̀ ŋmìti o ŋgelì hvɔ̀kɔ o iŋgèlì ja arzɛ nàa jàhwèyà o lì ulɛ wòhwe ema wo koki o hwatò. Ndeŋgànɛ̀lɛ̀ mɔ̀ à o jà hvɛ e ŋgelì ema e ùkirzɛ̀ ihwàkɛ, rzeketɛ o lì ulɛ wòhwe o hwatò, ndi mɔ̀ à o jà o lì rzùŋgà mòŋgɛ ma hwatò ema hwa mo ambɛ̀lɛ.

1 Pètrò 1:7

Lìtìŋga la manù màkèkìrzɛnɛ lì hwèlì ndi o lì e kèkirzɛ lìlòkɛ̀ la anyu o lì uŋmɛ̀lɛ̀ nanù ema lìlòkɛ̀ la anyu lì imbami na e jɔ̀kɛ̀. È gòòlù e tanɛ e hwɛ wòhwe ndi tɔ̀ nanù hwa e rzɛ̀lɛ̀ o mùnya o lì e rzàŋgìrzɛ, hwa tanɛ tɛ lì gbeyà gòòlù nanù, eŋge ŋgànà e hwèlì ndi nanù ema hwa àŋgàmɛ̀nɛ̀ lì e kèkirzɛ̀ lìlòkɛ̀ la anyu aŋga nanù lìlòkɛ̀ la anyu lì imbama ehwànja lìlòkɛ̀ la anyu lì akayi e gòòlù. È hwèlì tɛ nanù ema lìlòkɛ̀ la anyu lì akayi màkèkìrzɛ̀nɛ̀ aŋga nanù Lohwɛ̀ a e eka, mɔ̀ à e ŋgba ŋginyà na èluhwe e hvonda ema Yerzù Krirztò a o àwùlùhwɛlɛlɛ̀ hwatò hwa arzɛ hwa e rze ya mɔ̀nyɛ̀.

1 Pètrò 5:4

Aŋga nanù, e kìŋgɛ ya Hwà-ɔ̀ŋgèlì hwa mɛ̀lɛ̀ŋgù e jelì tɛ mɔ̀ à e ŋgba mòrzawèlì ema mo tuti. Moŋgo mòrzawèlì mo ò hwɛ natɛ̀ɛ na o mòlìkɛ̀.

1 Yòwanìrzɛ̀ 2:1

Inyɔ ema e hwèlì nàa hwàanà hwa ami, na e tìleya ene kààtì aŋga nanù e rza gbeyà wòhwe. Ndi e hwèlì tɛ ema mòtò a gbèyi tɛ wòhwe, irzɔ jo òhvi mòtò ema a tɛmi ehve-ehve Yerzù Krirztò. Mɔ̀ ndi à jo rzorzomeya e Tàtɛ.

1 Yòwanìrzɛ̀ 3:2

Wònyàmòwe kòkò, o naŋgɛ nanù irzɔ i hwèlì ndi hwàanà hwa ama Lohwɛ̀, ndèŋgànɛlɛ hvɛ mamɛ ema irzɔ jo ò hwɛ o e ŋmɛlɛ irzɔ i rzi e hwi. Ndì i hwi hvɛ nanù ema Krirztò a jelì tɛ, irzɔ jo ò hwɛ ndi nàa mɔ̀, ehwànja i hwɛni lì mo ɛnɛ na oma mɔ̀ à hwèlì.

1 Yòwanìrzɛ̀ 3:21

Ìi wònyàmòwe kòkò, màlùtèyà ma arzu ma rza jo òhwèlì tɛ nanù ema i hwèlì ndi hwatò hwa wòhwe, i rza ohva wɔ̀ŋgɔ̀ i kànɛ tɛ o worzo wo ama Lohwɛ̀.

1 Yòwanìrzɛ̀ 4:17

È ndìŋgɛ ema è hwèlì ò tenì yà arzu è òndìrzɛ̀hwɛ̀yi nyayi ema mèèmà mè arzu mè eta ò wùnyà wò hwèkàyìrzèlì. È ò ondìrzɛ̀hwɛ̀ nyàyi ema mèèmà mè arzu mè eta ò tenì ò wùnyà wò hwèkàyìrzèlì, ehwànja anu rze ì hwèlì ndi mòtò nà Lohwɛ̀ nyayi hvɔ̀kɔ nà oma Krirztò hvɛ à mà hwɛ nà mɔ̀.

1 Yòwanìrzɛ̀ 5:14

I ma rzekeya mèèmà me arzu nanù ema tɔ̀ mamɛ ema ja akowani Lohwɛ̀ ema e hwèlì o lì emeyà là eni, mɔ̀ à jo hweyàna.

Hwèwulùwèlì 1:7

È ɔŋgɔ tɛ, à hwèlì à jà nà lìmbaki, ndèŋgànɛlɛ tɔ̀ ima mòtò à ò mò ɛnɛ, tɔ̀ hwaŋga hwatò ema hwa mà gbeyà ema à ŋwe nà oma hwa mà mò hvànɛ ò mbàrza. Màtumba mà arzɛ mà è rze yà mɔ̀nyɛ̀ hwa ò mò ɛhwɛ. Nànù mɛnɛ ndi è ò hwɛ, inyɛ è hwɛ nanù.