1 Yòwanìrzɛ̀ 2:23 - Mokpwe: Bakwery (New Testament)

²³ Hwàŋga hwa arzɛ ema hwa rzɔ̀rzi è Ŋmanà, hwa rzɔ̀rzi hvɛ Tatɛ̀. Hwàŋga hwa arzɛ ema hwa imànɛ̀lɛ̀yì è Ŋmanà wà ama Lohwɛ̀, hwa imànɛ̀lɛ̀yì hvɛ è Tatɛ̀.

1 Yòwanìrzɛ̀ 2:23 ပူးပေါင်းရင်းမြစ်များ

Matiyò 11:27

“Tatɛ̀ wa ami a nò ŋgbelì hweyà hwe arzɛ ò màà mà ami. Tɔ̀ mòtò a rza hwi a hwiya e ŋmanà lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi a hwiya nɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.

Lukàrzɛ̀ 10:22

“Tatɛ̀ wà ami a nò ŋgbelì hweyà hwe arzɛ ò màa mà ami. Tɔ̀ mòtò à rza hwi njɛnɛ è ŋmanà à hweli lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi njɛnɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.”

Yòwanìrzɛ̀ 10:30

È Tatɛ̀ na imba i hwèlì ndi mòtò mɔ̀kɔ.”

Yòwanìrzɛ̀ 16:3

Wɔ̀ wò ò gbeyà ndi hwèŋge hweyà èhwanja, wɔ̀ hwa rzi hwi Tatɛ̀ tɔ̀ imba.

Yòwanìrzɛ̀ 17:3

Lòŋgɛ la gbìndèyà lì hwèlì ndi nanù ema wɔ̀ hwa ò hwiye, ò wa ema ò hwèlì Lòohwà la jɔ̀kɛ̀ na ò lì hwiya Yerzù Krirztò ema ò wa ò òmi.

Yòwanìrzɛ̀ 5:23

A gbeyà ndi ene eyà nanù ema hwatò hwa arzɛ hwa ŋgba è Ŋmanà wà eni èluhwe, nyayi hvɔ̀kɔ na òma hwa ŋgba Tatɛ̀ èluhwe. Tɔ̀ njɛnɛ ema a rza ŋgbelɛ è Ŋmanà wà eni èluhwe a rza ŋgbelì Tatɛ̀ ema a mò òmi èluhwe.”

Yòwanìrzɛ̀ 8:19

Rzìi hwa mò ijòwa nanù ema, “One e Rzàŋgò ya aŋgɔ̀ yɔ e hwèlì e?” Yerzù rzìi a hwa timbirzɛlɛlɛ nanù ema, “È rza nò hwi imba tɔ̀ Rzàŋgò wa ami. È ma nò hwiya tɛ ò mà è hwi hvɛ Rzàŋgò wà ami.”

1 Yòwanìrzɛ̀ 2:22

Njɛnɛ mò à hwèlì è wà mòlàŋgà e? È mòtò wà mòlàŋgà à hwèlì ndi è mɔ̀ ema à ohwa nanù ema rzeketɛ Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi. Èŋge nyayi yà mòtò ndi è hwèlì è Mɔ̀kɔ̀yèlì wà ama Krirztò. A rzɔ̀rzɔ̀ Tatɛ̀ nà è Ŋmanà wà eni wà Mùnyanà.

1 Yòwanìrzɛ̀ 4:15

Tɔ̀ njɛnɛ ema à ohwi nanù ema Yerzù ndi à hwèlì è Ŋmanà wà ama Lohwɛ̀, Lohwɛ̀ à hwèlì nà mɔ̀ ndèŋgàna mɔ̀ hvɛ à hwèlì nà Lohwɛ̀.

1 Yòwanìrzɛ̀ 4:2

Nànù ndi è àŋgàmɛ̀nɛ̀yi lì gbeyà ò lì hwiya ŋga Èlìŋgɛ̀ yà ama Lohwɛ̀ è hwèlì ò tenì yà awu; tɔ̀ ima mòtò ema à ohwa nanù ema Yerzù Krirztò à mà jà anu rze yà mɔ̀nyɛ̀ nàa mòtò wà hwènàmà nanù oma oŋgo mòtò à ohvi Èlìŋgɛ̀ yà ama Lohwɛ̀.

1 Yòwanìrzɛ̀ 5:1

Tɔ̀ ima mòtò ema à lòkɛ̀ nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi à hwèlì ndi nàa è ŋmanà wà ama Lohwɛ̀, ndèŋgàna tɔ̀ njɛnɛ ema à lìŋgàni Tatɛ̀ nanù oma à lìŋgàni hvɛ è Ŋmanà wà eni.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.