1 Yòwanìrzɛ̀ 2:21 - Mokpwe: Bakwery (New Testament)

²¹ Nà rza e tìleya ndi ene kaatì ehwànja e rza hwi e jɔ̀kɛ̀. Nà e tìleya ndi ehwànja e hwi e jɔ̀kɛ̀, ndèŋgànɛ̀lɛ̀ ehwànja tɔ̀ mòlàŋgà mo rza uwɛ̀lɛ̀lɛ̀yi o tenì ya e jɔ̀kɛ̀.

1 Yòwanìrzɛ̀ 2:21 ပူးပေါင်းရင်းမြစ်များ

Yòwanìrzɛ̀ 18:37

Pìlatò rzi a mò ijòwà nanù ema, “O hwèlì ndi Kiŋgɛ rzɔ e?” Yerzù rzi a mò alàhwɛ̀ nanù ema, “O wa ndi òhwi nanù ema na hwèlì ndi Kiŋgɛ. Lìtiŋga ema na ŋyaahwɛlɛyi na lì jàa anu rze lì hwèlì ndi ò lì tɛ̀mɛ̀ e mbòŋgi ya jɔ̀kɛ̀. Tɔ̀ ima mòtò ema a hwèlì ndì wa jɔ̀kɛ̀ a nò òkànèyà.”

Yòwanìrzɛ̀ 8:44

È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

Jèmìrzì 1:19

Wònyànyàŋgo hwa ami kòkò, e ɔ̀ŋgɛ̀lɛ̀ hwene hweyà. Tɔ̀ ima mòtò a àŋgàmɛ̀nɛ̀yi lì wàmirzɛ o lì okànèyà mamɛ ema ohvɛhvɛ mòtò a ohwa, tɔ̀ mòtò a rza àŋgàmɛ̀nɛ̀ lì wàmirzɛ o lì ohwa tɔ̀ eyà, tɔ̀ mòtò a rza àŋgàmɛ̀nɛ̀ lì wàmirzɛ o lì tààtà.

2 Pètrò 1:12

O lìni lìtiŋga rzɔ, tɔ̀ nɛ inyɔ e ma lomɛ o lì hwiya hwene hweyà hwe arzɛ, ndèŋgànɛ̀lɛ̀ e lòkɛ̀yi e jɔ̀kɛ̀ ema e hwèlì o tenì, na hwɛ ndi o lì e ɔ̀ŋgɛ̀lɛ̀nɛ e hwɛyɔ.

1 Yòwanìrzɛ̀ 3:19

Ja awùŋmɛ̀lɛ̀nɛ̀yi tɛ e ndìŋgɛ mɔ̀kɔ nà ɔ̀nɛyi, aŋga ndi irzɔ i hwiya nanù ema i hwèlì ndi hwatò hwa jɔ̀kɛ̀, ndèŋgànɛ̀lɛ̀ i hwi nanù ema mèèmà me arzu me eta o worzo wo ama Lohwɛ̀.

Judɛ 1:5

Tɔ̀ nɛ è hwi hwenè hweyà hwe arzɛ, nà arza ò lì è ɔ̀ŋgɛ̀lɛ̀nɛ nanù ema, ò hvonda hvɔ̀kɔ Rzàŋgo e ma rzùŋgà hwatò hwa Irzàyɛ̀lì o màà mà hwatò hwa èkòmè ya Ìjiptò. Ndi o mburza hvonda, à mà hvaŋga hwaŋga hwatò ema hwa rzi mo lòkɛ̀.