1 Yòwanìrzɛ̀ 2:18 - Mokpwe: Bakwery (New Testament)

¹⁸ Inyɔ ema è hwèlì nàa hwàànà hwa ami, è hvonda yà lìrzùkù è mà kombɛnɛ. Ndèŋgàna, nà oma inyɔ è mà hwèyɛ nanù ema è Mɔ̀kɔ̀yèlì wà ama Krirztò à ò jà, tɔ̀ ò naŋgɛ, rzayi-rzayi jà hwàkɔ̀ɔ̀yèlì hwa ama Krirztò hwa mà màà lì jà. Ò eŋgànɛ̀lɛ̀, è hwiyè nanù ema è hvonda lìrzùkù è mà kombɛ̀nɛ̀.

1 Yòwanìrzɛ̀ 2:18 ပူးပေါင်းရင်းမြစ်များ

Matiyò 24:11

Rzayì-rzayì ja hwà-òhwèlì hwa hwèlìŋgɛ̀ hwa mòlàŋgà hwa ò wurza na lì lukɛlɛ rzayì-rzayì ja hwatò ò lì hwa nɔ̀ŋgɔ̀.

Matiyò 24:24

Èhwanja rzayi-rzayi ja hwatò hwa ò wurza lì kɔ̀ hweyà a lì òhwa ema wɔ̀ ndi hwa hwèlì hwaŋga ema hwa ɔ̀kirzɛ̀hwɛyi. Nà hwà-òhwèlì hwa hwèlìŋgɛ̀ hwa mòlaŋgà hwa ò wurza, hwa ò gbeyà hweyà hwe ndɛnɛ hwe mànyakà nà lì uŋmɛ̀lɛ̀ hwèembànèlì hwe ndɛnɛ hwe mànyakà. Hwa ò gbeyà ndi nanù ò lì lùkɛlɛ hwatò ema Lohwɛ̀ a hvɔ̀rzì, wɔ hwa lu tɛ njiya ya lì hwa lukɛlɛ.

Matiyò 24:5

Rzayì-rzayì ja hwatò hwa ò ja ema hwa ò òhwɛ nanù ema wɔ̀ ndi hwa hwèlì e mò ema a Ɔ̀kirzɛ̀hwɛ̀yi. Ndèŋgànà hwa ò lùkɛlɛ rzayi-rzayi ja hwatò.

Makòrzì 13:6

Hwatò rzayì-rzayì hwa ja ò lìna là ami lì òhwa nanù ema, ‘Ìmba ndi nà hwèlì è Mɔ̀ ema à Ɔ̀kirzɛ̀hwɛ̀yi.’ Hwa ò lùkɛlɛ hwatò rzayì-rzayì.

Yòwanìrzɛ̀ 21:5

Yerzù rzìi a hwa ijòwa nanù ema, “Ìi mbunda ja ami, e rzi lɛmbi tɔ̀ yòma e?” Rzìi hwa mò alàhwɛ̀ nanù ema, “Jàyɛ̀, i rza lɛmbi tɔ̀ yòma.”

Ròmànì 13:11

Ndeŋgànɛlɛ è hwi nanù ema è hvònda è mà uka ema inyɔ è hwɛni lì imòwa ò ijɔ. È hwɛni lì imòwa ò ijɔ èhwanja ò naŋgɛ hwèkɔ̀tèlì hwe arzu hwe mà kòmbɛnɛ lì aka eŋge hvònda ema i mà lòme lì lòkɛ̀ Krirztò.

Ròmànì 13:12

Jììtìtì i mà lìŋga ŋmanà mbɔ̀ òma wùùnya wò ma yahwa ò eŋgànɛ̀lɛ̀ rzɔ, inyɛ i rzɔ̀njɛ̀lɛ hweyà hwe wòhwe ema i ma hwɛ lì gbeyà. Inyɛ̀ i wɔ̀te màwɔ̀ti ma njuma ò lì ana e njuma ya ŋmàye.

Hibrù 1:2

Ndì ò mene mèènyà me lìrzùkù rzɔ, Lohwɛ̀ à jò òhwìrzɛ̀nɛ̀ ndi lì akeyà nà è Ŋmanà wà eni. Lì akeyà nà mɔ̀ ndi Lohwɛ̀ à mà wèke è ŋmanyu yà lohwà nà rze yà mɔ̀nyɛ̀. Ndeŋgànɛ̀lɛ̀ mɔ̀ ndi Lohwɛ̀ à hvɔ̀rzì nanù ema a hwɛni ewèkèlì ya arzɛ ema Lohwɛ̀ à mà wèkɛ.

1 Pètrò 1:20

Lohwɛ̀ à mà mo hvɔ̀rzɔ̀ ndeŋgàna e rze ye e wekahwa. Ndi mɔ̀ à mà wuluwahwa o mene mèenyà me lìrzùkù o nyòla ya anyu.

1 Pètrò 1:5

Lohwɛ̀ à gbeyàna è ŋginyà yà eni ò lì è kɔmɛ̀lɛ̀ lìlòkɛ̀ là anyu, natɛ̀ɛ è lùwa lì rzuŋgàhwa. Lìŋgi lì rzuŋgàhwa lì ò ɛnɛhwɛ o wùnyà wo lìrzukù.

1 Pètrò 4:7

Lirzuku la hweyà hwe arzɛ lì ma kombɛnɛ. È hwɛni lì àwòhvɛ̀lɛ̀, na lì aŋgowa, aŋga nanù e tànɛ lì kànɛ.

2 Pètrò 2:1

Ò è hvonda yà kòhwàà ò mà wurza hwà-òhwèlì hwa hwèlìŋgɛ̀ hwa mòlaŋgà ò ìtììtènì jà hwatò. Ŋgànà hvɔ̀kɔ hvɛ nanù mɛnɛ ɔndi hwà-òkòlèlì hwa mòlaŋgà hwa ò wurzɛ ò ìtììtènì jà anyu. Wɔ̀ hwa ò gbeyàna meyàno ò lì okòlɛ̀ hwèyòkòlèlì hwe mòlaŋgà, hweŋge hwèyòkòlèlì hwe ò hvàŋga hwatò ema hwa hwe lòkɛ̀. Hwàŋga hwà-òkòlèlì hwa mòlàŋga hwa ò rzɔ̀rzɔ̀ è Rzàŋgo ema mɔ̀ ndi à hwa ulɛ̀yi ò tenì yà wòhwe. Ène eyà è ò gbeyà hwa ò ahvàŋgelɛ wɔ̀ hwiti kàrzi-kàrzi.

2 Pètrò 3:3

Eyà ya worzo e aŋgàmɛ̀nɛ̀yi lì rzɔ̀ŋgìtɛ̀nɛ̀ nanù ema o mene mèènyà me lìrzùkù, lòŋgo la hwatò hwa o wurza ema mòŋgɛ ma awu, ma o kànèyàhwɛlɛ ndi na e nyìrzɛ̀ ya awu ya e nyàmà ya nyo hwa e yɔ̀eyà,

1 Yòwanìrzɛ̀ 2:22

Njɛnɛ mò à hwèlì è wà mòlàŋgà e? È mòtò wà mòlàŋgà à hwèlì ndi è mɔ̀ ema à ohwa nanù ema rzeketɛ Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi. Èŋge nyayi yà mòtò ndi è hwèlì è Mɔ̀kɔ̀yèlì wà ama Krirztò. A rzɔ̀rzɔ̀ Tatɛ̀ nà è Ŋmanà wà eni wà Mùnyanà.

1 Yòwanìrzɛ̀ 4:1

Imbùnda jà ami kòkò, è rza lòkɛ̀ hwatò hwa arzɛ ema hwa ohwa nanù ema hwa ohvi Èlìŋgɛ̀ yà ama Lohwɛ̀. Ndi è hwa kèkìrzɛ̀ ò lì hwiyà ŋga èlìŋgɛ̀ ema è hwèlì ò tenì yà awu, è uwɛ̀lɛ̀lɛ̀yi ndi ò mà Lohwɛ̀. È hwa kèkìrzɛ̀ ehwànja rzayi-rzayi jà hwà-òhwèlì hwa hwèlìŋgɛ̀ hwe mòlàŋgà hwa mà bùweyà ò è rze yà arzɛ.

1 Yòwanìrzɛ̀ 4:3

Ndi tɔ̀ ima mòtò ema à rza ohwa nanù ema Yerzù Krirztò à mà jà anu rze ya mɔ̀nyɛ̀ nàa mòtò wà hwènàmà, nanù oma à rza ohvi èlìŋgɛ̀ yà ama Lohwɛ̀ ò tenì ya eni. Èlìŋgɛ̀ ema eŋge nyayi yà mòtò yà ohvi ò tenì yà eni, è hwèlì ndi èlìŋgɛ̀ ema è uwɛ̀lɛ̀lɛ̀yì ndi ò è Mɔ̀kɔ̀yèlì wà ama Krirztò. Inyɔ è mà hweyà nanù ema eŋge èlìŋgɛ̀ è hwɛni lì jà, ndèŋgànɛ̀lɛ̀ ò naŋgɛ yɔ̀ è mà màa lì jà.

2 Yòwanìrzɛ̀ 1:7

Hwàlùkèlì rzayì-rzayì hwa mà kpèeyà ò rze, hwatò ema hwa rza emeyà nanù ema Yerzù Krirztò à mà ŋyàahwa ò rze nàa mòtò wà hwènàmà. Tɔ̀ ima mòtò wà nanù à hwèlì ndi molùkelì ndèŋgàna è mɔ̀kɔ̀yèlì wà ama Krirztò.

Judɛ 1:18

Hwa mà è ohweyà nanù ema, “Ò mèènyà mè lìrzukù ema mè ò jɛ̀ɛ̀, hwatò ema hwa è yɔ̀ɔ̀yeyà hwa ò jà, wɔ̀ ema hwa oŋgàma ndi hweyàrzèlì hwe awu hwe è nyàma nyo ema hwe rza enje hwetɛirzelelì hwe ama Lohwɛ̀.”