1 Yòwanìrzɛ̀ 2:17 - Mokpwe: Bakwery (New Testament)

¹⁷ Ène rze na tɔ̀ mamɛ ema e hwèlì o tenì ema hwatò hwa ohvi e nyɔ̀ŋgi o lì luwa ya aka lì aka, ndi tɔ̀ njɛnɛ ema a gbeyà lì emeyà la ama Lohwɛ̀, a o hwɛ o lòŋgɛ na Lohwɛ̀ natɛ̀ɛ na o gbìndèyà.

1 Yòwanìrzɛ̀ 2:17 ပူးပေါင်းရင်းမြစ်များ

Matiyò 21:31

Yerzù rzìi a ijòwa ipilìrzi ndɛnɛ nanù ema, “Ima mɔ̀ wa hwanù hwàna hwahwàkɛ à mà gbeyà mamɛ ema e rzaŋgò ya awu e ma arze e?” Hwà mà alàhwɛ̀ Yerzù nanù ema, “È ŋmanà wa wòrzò.” Yerzù rzìi a hwa òhweyà nanù ema, “Nà e òhweyà na e jɔ̀kɛ̀ ema, hwàrzàŋgèlì hwa e njàŋge yà lìkànèyà, na hwaŋga hwalanà hwa àkpàlà, hwa lòma lì kpèeyà ò lìkànèyà la ama Lohwɛ̀ ndèŋgànà inyɔ.

Matiyò 24:35

È ŋmanyu nà è rze hwe ò kùwa lì aka ndi hweyòhwèlì hwe ami hwe ò hwɛ ò i hvònda ja arzɛ.

Matiyò 7:21

“Rzekɛtɛ tɔ̀ ima mɔ̀ ema à ò nò hwɛlɛ nanù ema, ‘Ìi Rzàŋgò, Rzàŋgò’ ndi à kpèeyà ò lìkànèyà là ŋmanyu. Ndi è mòtò mɛnɛ ema à gbèyi lì emeyà là ama Tatɛ̀ wà ami ema à hwèlì ò ŋmanyu yà lohwà, mɔ̀ ndi à ò kpèeyà ò Likànèyà là ama Lohwɛ̀.

Makòrzì 3:35

Tɔ̀ ima mɔ̀ ema à gbèyi lì emeyà la ama Lohwɛ̀, mɔ̀ ndi à hwèlì nyàŋgò wa ami, nà wònyanyàŋgò hwa amì.”

Yòwanìrzɛ̀ 4:14

Ndi tɔ̀ njɛnɛ ema a nyɔ̀lì malìhwa ema imba na mò ŋgba, a rza ò hwɛnɛ ahwɛ̀nɛ̀ nyìrzɛ hvɛ. Maŋga malìhwa ema imba na mò ŋgba, ma hwɛ ndi ò tenì ya eni nàa itùŋgu ema i rza hwànja. Maŋga malìhwà mà mò ŋgba lòŋgɛ la gbìndèyà.”

Yòwanìrzɛ̀ 6:58

O èŋgànɛ̀lɛ̀ imba ndi nà hwèlì èhvòòtò ema è uwɛ̀lɛ̀lɛ̀yi ò ŋmanyu yà lohwà. Nà rza enje ndi nàa èhvòòtò ema imbamba jà anyu ì mà lee tɔ̀ nɛ wɔ̀ hwa mà ŋwe. Ndi tɔ̀ njɛnɛ ema à ò lɛɛ è nyàmà nyò yà ami à ò hwɛnɛ ndi lòŋgɛ ema lì rza ò kuwa.”

Yòwanìrzɛ̀ 7:17

Ndi tɔ̀ ima mɔ̀ ema arza lì gbeyà lì emeyà lì ama Lohwɛ̀ a ò hwiya ŋga hwèyòkòlèlì hwe ami hwe uwɛ̀lɛ̀lɛ̀yi ndi òma Lohwɛ̀, ŋga ò è wònjà ya amì.

Ròmànì 12:2

È rzi keka lì òŋgama hwɛ̀ɛ̀mɛ̀ hwe hwatò hwa ene rze ya mɔ̀nyɛ̀, ndi e hwɛmɛ Lohwɛ̀ a tikòwe mèèmà me anyu, aŋga nanù e luwa mèèmà me hvènya. Èŋge ye e gbeyà e rzɔ̀ŋgìtɛ̀nɛ̀ na ò lì òŋgama hweyà na òma Lohwɛ̀ a àrzeyà. Inyɔ e hwi gbamù hweyà ema Lohwɛ̀ a lìŋgàni ndèŋgànà e òŋgama hweyà ema hwe hvòmɛ̀nɛ̀yi.

1 Kɔ̀rintìyà 7:31

Hwatò ema hwa gbeyàna hwèèmà hwe ene rze ya mɔ̀nyɛ̀, wɔ̀ hwa rza ika mèèmà me awu aŋga. Èhwanja na oma ene rze e hwèlì nanù, e rza inda tii.

Kòlòrzìyà 1:9

Ò lìni lìtiŋgà rzɔ, irzɔ i hwèlì jè è kànɛ̀lɛ̀lɛ̀ tɔ̀ ima hvonda. Ì kanɛ̀ nanù ema inyɛ Lohwɛ̀ à gbèye inyɔ è rzɔ̀ŋgìtɛ̀nɛ̀ kɔ̀yi-kɔ̀yi eyà ema mɔ̀ à arza nanù ema è gbèyè. Ì kanɛ̀ nanù ema Lohwɛ̀ à è ŋgbe lìhwiyè nà lì rzɔ̀ŋgìtɛ̀nɛ̀ aŋga nanù è rzɔ̀ŋgìtɛ̀nɛ̀ gbamù eyà yà Èlìŋgɛ̀.

Kòlòrzìyà 4:12

Èpàhvràrzì mɔ̀ hvɛ a e omelì ikɔ̀mi. Mɔ̀ hvɛ a hwèlì ndi mòtò ema a uwɛ̀lɛ̀lɛ̀yi o mbowà ndɛnɛ ya anyu ndeŋgànɛlɛ a hwèlì ndi mògbèèlì wa ama Yerzù Krirztò. Mɔ̀ a e kànɛlɛlɛ ihvonda ja arzɛ. Inyɛ̀ Lohwɛ̀ mɔ̀ ŋmitɛ-ŋmitɛ a gbeeye na e jɔ̀kɛ̀ eyà ema mɔ̀ à arza nanù ema inyɔ e gbeye. Ndèŋgana inyɔ e àŋgàmɛ̀nɛ̀yi lì e gbeye.

1 Tɛ̀rzàlonìyà 4:3

È hwèlì ndi lì emeyà la ama Lohwɛ̀ nanù ema inyɔ e hwɛ ndi nàa hwatò hwa wòtani. Ène ŋgànà e hwèlì ndi nanù ema, e rzi keka lì àyinɛ̀lɛ̀ o tenì ya tɔ̀ ima lìtumba la mòrzònje.

1 Tɛ̀rzàlonìyà 5:18

O tɔ̀ ima eyà ema ye e gbeeyɛnɛ, e ŋgbe Lohwɛ̀ jekà, ehwànja lì emeyà la ama Lohwɛ̀ lìini o inyɔ ema e hwèlì mɔ̀kɔ na Yerzù Krirztò.

Hibrù 10:36

È hweni ndi o lì àjùlɛ̀, aŋga nanù e gbeyà ndi na oma Lohwɛ̀ a àrzeyà, ndèŋgàna inyɔ e lùwa mamɛ ema Lohwɛ̀ a kàkɛ̀nɛ̀ nanù ema e luwa.

Jèmìrzì 4:14

Inyɔ e rza hwi tɔ̀ nɛ ema lòŋgɛ la anyu la ŋmɛlɛ ema wo o jɛɛ lì o hwɛ̀ɛ. Mòŋgɛ ma anyu ma gbèyi ndi nàa lìmbàki ema lì ɛneyà o ŋmanà hvoka wa hvondà rzìi lì nyɔ̀ŋgɔ.

1 Pètrò 1:5

Lohwɛ̀ à gbeyàna è ŋginyà yà eni ò lì è kɔmɛ̀lɛ̀ lìlòkɛ̀ là anyu, natɛ̀ɛ è lùwa lì rzuŋgàhwa. Lìŋgi lì rzuŋgàhwa lì ò ɛnɛhwɛ o wùnyà wo lìrzukù.

1 Pètrò 4:2

O ene ŋgànà rzɔ, lì wòteyà naŋgɛ lòŋgɛ la anyu la ene rze lì hwɛni ndi lì hwɛ na oma Lohwɛ̀ àrzeyà rzeketɛ ema hweyà hwe rze hwe a e kànèyà.