1 Yòwanìrzɛ̀ 2:15 - Mokpwe: Bakwery (New Testament)

¹⁵ È rzi lìŋgàna e rze, tɔ̀ ima yoma ema e hwèlì o tenì ya ene rze. È hwèlì tɛ nanù ema mòtò a lìŋgàni e rze, nanù oma a rza lìŋgàni e Tatɛ̀.

1 Yòwanìrzɛ̀ 2:15 ပူးပေါင်းရင်းမြစ်များ

Matiyò 4:8

Mòkarzɛ̀ rzìi à tìmba Yerzù hvɛ, rzìi wɔ̀ hwahwàkɛ hwa tɛ̀mɛ̀ ò ŋmanyu yà è hvàko ema è mà karzama rzayì-rzayì. Mòkarzɛ̀ rzìi à mà uŋmɛ̀lɛ̀ hwèkòmè hwe è rze yà arzɛ nà mònàmɛ̀ mò awu mò arzɛ ema mò hwèlì ò tenì.

Matiyò 6:24

“O rzà ènje tɔ̀ mògbèèlì tɔ̀ mɔ̀kɔ ema à tànɛyi lì gbèeyà rzàŋgò ihwàkɛ ò ŋgèlì hvɔ̀kɔ. À hwɛnì lì kɔ̀ɔ mɔ̀kɔ, rzìi à lìŋgàna ɔ̀nɛ̀yi. À ò gbèeyà mɔ̀kɔ nà ŋmèemà mò eni mò arzɛ, rzìi à ndinda ɔ̀nɛyi. Ò rza tanɛ̀ lì hwɛ è mògbèèlì wà àma Lohwɛ̀, rzìi ò hwɛ hvɛ è mògbèèlì wà màlì.”

Lukàrzɛ̀ 16:13

“O rzà ènje tɔ̀ mògbèèlì tɔ̀ mɔ̀kɔ ema à tànɛyi lì gbèeyà rzàŋgò ihwàkɛ ŋgèlì hvɔ̀kɔ. À hwɛnì lì kɔ̀ɔ̀ mɔ̀kɔ, rzìi à lìŋgàna ɔ̀nɛ̀yi. À ò gbèeyà mɔ̀kɔ na ŋmèma mò eni mò arzɛ, rzìi a ndinda ɔ̀nɛyi. Ò rza tanɛ̀ lì hwɛ è mògbèèlì wà àma Lohwɛ̀, rzìi ò hwɛ hvɛ è mògbèèlì wà màlì.”

Yòwanìrzɛ̀ 15:19

È mà hwɛ tɛ nàa hwatò hwa ene rze, òma e rze ye e wòwi nàa e hwe eni hwatò. Ndi na e hvɔ̀rzì ò ìtììtènì ja hwatò hwa ene rze. O èŋgànɛ̀lɛ̀ e rza enje hwatò hwa ene rze. Ɔ̀ndeŋgàtɛ̀ e rze ye e kɔwu.

Ròmànì 12:2

È rzi keka lì òŋgama hwɛ̀ɛ̀mɛ̀ hwe hwatò hwa ene rze ya mɔ̀nyɛ̀, ndi e hwɛmɛ Lohwɛ̀ a tikòwe mèèmà me anyu, aŋga nanù e luwa mèèmà me hvènya. Èŋge ye e gbeyà e rzɔ̀ŋgìtɛ̀nɛ̀ na ò lì òŋgama hweyà na òma Lohwɛ̀ a àrzeyà. Inyɔ e hwi gbamù hweyà ema Lohwɛ̀ a lìŋgàni ndèŋgànà e òŋgama hweyà ema hwe hvòmɛ̀nɛ̀yi.

Gàletìyà 1:10

Nà oma na ohwa nanù, e rza ɔ̀ŋgɛ̀lɛ̀ ndi nanù ema hwatò hwa hwènàmà hwa no tuuwe lìna la gbamù. Imba na rza arza nanù. Lohwɛ̀ ndi imba na arza nanù ema a no tuuwe lìna la gbamù. È ma hwɛ tɛ nanù ema na arza ndi ema hwatò hwa hwènàmà hwa no tuuwe lìna la gbamù, o ma na rza enje ndi e mògbèèlì hwa ama Krirztò.

Ɛ̀hvìrzìyà 2:2

Ò eŋge hvonda è mà nɔ̀ŋgɔ̀ hweyà hwe wòhwe hwe hwatò hwa ene rze. È mà hwɛ lì hweyàna è mòkànèlì ema à kànèyà hwèlìŋgɛ̀ hwe wòhwe ema hwe hwèlì ò yululì. Nàtɛ̀ɛ nà yàwònò, eŋge èlìŋgɛ̀ è hwèlì è kànèyà hwatò ema hwa gbeyà mamɛ ema Lohwɛ̀ à ohwi nanù ema hwa rza gbeyà.

1 Tìmotì 6:10

Mòtò ema a ohvi nyɔ̀ŋgi ndɛnɛ o lì arza wolì rzayi-rzayi a gbeyà hweyà hwe wòhwe o lì luwa woŋgo wolì. Ène eyà e ma gbeyà lòŋgo la hwatò hwà mà rzɔnjɛ̀lɛ̀ lì lòkɛ̀ Krirztò ndèŋgànɛlɛ hwa ohvi ndùtù rzayi-rzayi o mèèmà me awu.

Jèmìrzì 1:27

O lì gbèeyà Lohwɛ̀ o ŋgànà ema e hwèlì Wòrzàŋgì ndèŋgànà o jɔ̀kɛ̀ ya ama Tatɛ̀ Lohwɛ̀, e hwèlì ndi o lì ɔŋgeya i nyuhwe ja hwàna na mekurze me hwalana ema me tàka, na lì àwòhvɛ̀ la eni la gbamù e rzi hwɛ nanù ema hweyà hwe mbindo hwe e rze ya mɔ̀nyɛ̀ hwe mo atukɛ o nyo.

Jèmìrzì 4:4

Inyɔ e hwèlì ndi nàa hwatò ema hwa hwèlì o ndawò ja màahwa ndi hwa gbeyà mòrzònje. È rza hwi nanù ema e ikayi tɛ mèèmà me anyu o hwema hwe rze, hwe e gbeyà inyɔ e jà ndi hwàkɔ̀ɔ̀yèlì hwa ama Lohwɛ̀ e? O eŋgànɛlɛ rzɔ tɔ̀ ima mòtò ema a lìŋgàni o lì ika ŋmèma mo eni o hwema hwe ene rze, à mà agbeyɛ mɔ̀ ŋmìti mɔ̀kɔ̀yèlì wa ama Lohwɛ̀.

1 Yòwanìrzɛ̀ 3:17

Tɔ̀ njɛnɛ ema a ohvi erzàŋgo rzi a ɛnɛ ŋmanyàŋgò wa eni a endèli rzìi a rzi mo hwɛneya ŋmèma mo ììlì o lì mo oŋgòhwànà, nɛ rzɔ mɔ̀ à tanɛyi lì ohwa nanù ema a lìŋgàni Lohwɛ̀ e?

1 Yòwanìrzɛ̀ 4:5

Hwàŋga hwà-òhwèlì hwa hwèlìŋgɛ̀ hwa mòlàŋgà wɔ̀ hwa hwèlì ndi hwatò hwa è rze, ò èŋgànɛ̀lɛ̀ hweyà ema hwa ohwa hwe hwèlì ndi hweyà hwe ene rze. Ndèŋgànɛ̀lɛ̀ hwatò hwa rze hwà hwa hweyàna.

1 Yòwanìrzɛ̀ 5:10

Tɔ̀ ima mòtò ema a lòkɛ̀ è Ŋmanà wà ama Lohwɛ̀, eŋge ŋgànà e hwèlì ndi nanù ema a hwi nanù ema hwene hweyà hwe arzɛ hwe hwèlì ndi e jɔ̀kɛ̀. Ndi tɔ̀ ima mòtò ema a rza lòkɛ̀ Lohwɛ̀ e gbèyi ndi nàa mɔ̀ à ohwa ndi nanù ema Lohwɛ̀ a hwèlì mòlàŋga, ehwànja mɔ̀ à rza lòkɛ̀ hweyà ema Lohwɛ̀ a ohwa o lì hvomɛ̀nɛ̀ è Ŋmanà wà eni.