1 Yòwanìrzɛ̀ 2:13 - Mokpwe: Bakwery (New Testament)

¹³ Inyɔ ema è hwèlì nàa ì tatɛ̀ ja ami, na e tìleya ehwànja e mo hwi e mɔ̀ ema a hwèlì natɛ̀ɛ na o hwewotelì. Hwèrzɔ̀mbɛ̀ hwe hwatò, na e tìleya ehwànja e akayi e Mɔ̀ ema a hwèlì Wòhwe.

1 Yòwanìrzɛ̀ 2:13 ပူးပေါင်းရင်းမြစ်များ

Matiyò 11:27

“Tatɛ̀ wa ami a nò ŋgbelì hweyà hwe arzɛ ò màà mà ami. Tɔ̀ mòtò a rza hwi a hwiya e ŋmanà lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi a hwiya nɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.

Matiyò 13:19

Mòtò a hweyi tɛ ŋmɛ̀ndì mò lì hvòmɛ̀nɛ̀ lìkànèyà la ŋmanyu rzìi à rzi mò rzɔ̀ŋgìtɛ̀nɛ̀, Mòkarzɛ̀ a jà, rzìi à mò ulɛnɛ̀ è mɔ̀ ò ŋmèma mò eni. Lini lìtumba là hwatò lì gbe ndi nàa iŋgi hvɔ̀ŋgɔ̀ ema i ma unda ò njiya.

Matiyò 13:38

e hvaya e hwèlì ndi e rze ya arzɛ, i hvɔ̀ŋgɔ̀ ja gbamù i hwèlì ndi hwatò ema hwa hwèlì ò rze ya lìkànèyà la ama Lohwɛ̀, hwèwùlè hvɛ hwe hwèlì ndi hwaŋga hwatò ema hwa hwèlì na mòkarzɛ̀.

Matiyò 5:37

È òhwi tɛ nanù ema e gbèya eyà, e òhwe ndi ema, ‘Ɛ̀ɛ, na e gbèya.’ Tɔ e ò hwɛ ndi nanù ema, ‘Jàyɛ̀, na rza e gbèya.’ Tɔ̀ mamɛ ema e òhwi lì aka nanù, e uhwɛ̀lɛ̀lɛyi ndi na Mòkarzɛ̀.”

Lukàrzɛ̀ 10:22

“Tatɛ̀ wà ami a nò ŋgbelì hweyà hwe arzɛ ò màa mà ami. Tɔ̀ mòtò à rza hwi njɛnɛ è ŋmanà à hweli lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi njɛnɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.”

Yòwanìrzɛ̀ 14:7

Yerzù rzìi a òhweyà hwà-òkòwèlì hwa eni nanù ema, “Nàŋgɛ ema e ma nò hwiyɛ, e hwi hvɛ e Tatɛ̀ ya ami. Liwòteya nàŋgɛ lì ɛ̀ndɛ ò wòrzò, e ma mò hwiya, ndèŋgànɛ̀lɛ̀ hvɛ e ma mò ɛnɛ.”

Yòwanìrzɛ̀ 14:9

Yerzù rzìi a mò alàhwɛ̀ nanù ema, “Ìi Hvìlìpì, ò rza nò hwi e? Tɔ̀ nɛ na hwèlì ò ìtììtènì ja anyu ene hvònda ya arzɛ e? È mɔ̀ ema à mà nò ɛnɛ, à mà ɛnɛ Tatɛ̀. Nɛ rzɔ ò wa ò tànɛyi lì tɛ̀mɛ̀ nàŋgɛ rzìi ò òhwa òma, ‘O jò uŋmɛ̀lɛ̀ Tatɛ̀ e?’

Yòwanìrzɛ̀ 16:3

Wɔ̀ wò ò gbeyà ndi hwèŋge hweyà èhwanja, wɔ̀ hwa rzi hwi Tatɛ̀ tɔ̀ imba.

Yòwanìrzɛ̀ 16:33

Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

Yòwanìrzɛ̀ 17:21

Ìi Tatà, na kànɛ nanù ema wɔ̀ hwa hwɛ mòtò mɔ̀kɔ. Inyɛ̀ hwa hwɛ mɔ̀kɔ na irzɔ na òma ò wa ò hwèlì mɔ̀kɔ na imba ndèŋgàna na òma imba na hwèlì mɔ̀kɔ na ò wa. Inyɛ̀ hwa hwɛ mòtò mɔ̀kɔ aŋga nanù e rze e lòkɛ̀ nanù ema ò wa ndì ò nò òmi.

Yòwanìrzɛ̀ 17:3

Lòŋgɛ la gbìndèyà lì hwèlì ndi nanù ema wɔ̀ hwa ò hwiye, ò wa ema ò hwèlì Lòohwà la jɔ̀kɛ̀ na ò lì hwiya Yerzù Krirztò ema ò wa ò òmi.

Yòwanìrzɛ̀ 8:19

Rzìi hwa mò ijòwa nanù ema, “One e Rzàŋgò ya aŋgɔ̀ yɔ e hwèlì e?” Yerzù rzìi a hwa timbirzɛlɛlɛ nanù ema, “È rza nò hwi imba tɔ̀ Rzàŋgò wa ami. È ma nò hwiya tɛ ò mà è hwi hvɛ Rzàŋgò wà ami.”

2 Kɔ̀rintìyà 4:6

Lohwɛ̀ ema à mà ohwa nanù ema, “Ŋmàye mo hvanye o èki ema e ma loma lì hwɛ jìtìtì,” Mɔ̀ ndi à gbèyi moŋgo ŋmɛ̀ndì mo ama Yerzù o lì hwɛ nàa ŋmàye ema mo hvànya o mèèmà me arzu. Lohwɛ̀ à mà jo gbeyà ene o irzɔ hwa arzɛ ema i lòkɛ̀yi Yerzù ene eyà. Lohwɛ̀ à mà gbeyà ndi nanù, aŋga nanù hwatò hwa hwiya nanù ema mɔ̀ à hwèlì wòlìto ò ma hwatò hwà mà hwiya nanù ema Yerzù Krirztò a hwèlì ndi nàa mɔ̀.

1 Tìmotì 5:1

O rzi keka lì lomeya mòmbaki wa mòtò. O mo wowe wòlìto na oma o wowi e tatɛ̀ ya aŋgɔ̀. O wowe hvɛ hwaŋga hwarzàlì ema o wa akayi ŋmèmba wòlìto ò a ɛnɛ oma hwa hwèlì ndi wònyanyàŋgo wa aŋgɔ̀.

Tàyìtùrzì 2:6

Ŋgànà hvɔ̀kɔ hvɛ mɛnɛ o kɔ̀mɛ̀lɛ̀ mèlekà me wunyanà wɔ̀hvɛ hwa hwiye lì alɛ̀mbɛ wɔ̀ hwiti.

1 Yòwanìrzɛ̀ 1:1

Nà e tìleya o lì hvomɛ̀nɛ̀ e mɔ̀ ema a hwèlì e mbɔrzi yama Lohwɛ̀ ema e jànà lòŋgɛ. Mɔ̀ à mà hwɛ nàtɛ̀ɛ na o hwewotelì, I ma hweya hweyà o lì mo hvomɛ̀nɛ̀, i ma mo ɛnɛ̀ na mìirzɔ ma arzu, i ma mo ɔ̀ŋgɔ, ndèŋgànɛlɛ i ma mo tahva na màà mà arzù.

1 Yòwanìrzɛ̀ 2:1

Inyɔ ema e hwèlì nàa hwàanà hwa ami, na e tìleya ene kààtì aŋga nanù e rza gbeyà wòhwe. Ndi e hwèlì tɛ ema mòtò a gbèyi tɛ wòhwe, irzɔ jo òhvi mòtò ema a tɛmi ehve-ehve Yerzù Krirztò. Mɔ̀ ndi à jo rzorzomeya e Tàtɛ.

1 Yòwanìrzɛ̀ 2:12

Inyɔ ema è hwèlì nàa hwàanà hwa ami, nà è tìleya ehwànja Lohwɛ̀ à mà è làkìrzɛ̀ wòhwe wò anyu ò lìinà là ama Yerzù Krirztò.

1 Yòwanìrzɛ̀ 2:14

Inyɔ ema e hwèlì nàa hwàanà hwa ami, na e tìleya ehwànja e hwi Tatɛ̀. Inyɔ ema e hwèlì nàa i tatɛ̀ ja ami na e tìleya èhwanja e hwi, e mɔ̀ ema a hwèlì aŋga natɛ̀ɛ na o hwewotelì. Hwèrzɔ̀mbɛ̀, na e tìleya ehwànja e imbami ndèŋgànɛlɛ Eyà ya Lohwà e hwèlì o tenì ya anyu, ndèŋgànɛlɛ e akayi e Mɔ̀ ema a hwèlì Wòhwe.

1 Yòwanìrzɛ̀ 3:12

È rzi hwɛ ndi nàa Keni. Keni à mà hwɛ ndì mòtò wà ama Mòkarzɛ̀ ndèŋgànɛ̀lɛ̀ à mà oŋwa ŋmanyàŋgò wà eni. Mamɛ ndèŋgatɛ à mà mò òŋwa e? À mà mò òŋwa ndi ehwànja mɔ̀ Keni hwègbèèlì hwe eni hwe mà onda ndi wòhwe ndi hwègbèèlì hwe ama ŋmanyàŋgò wà eni hwe mà hwɛ ehve-ehve.

1 Yòwanìrzɛ̀ 4:4

Inyɔ ema è hwèlì nàa hwàanà hwa ami, è hwèlì ndi hwatò hwa ama Lohwɛ̀, ndèŋgànɛlɛ è mà màà lì kpìrzɛ hwà-òhwèlì hwa hwèlìŋgɛ̀ hwa mòlàŋgà. Èhwànja Èlìŋgɛ̀ yà ama Lohwɛ̀ ema è hwèlì ò tenì yà anyu, è imbami lì aka Mòkarzɛ̀ ema à kànèyà hwatò hwa ene rze.

1 Yòwanìrzɛ̀ 5:18

Ì hwi nanù ema tɔ̀ ima mòtò ema à mà jɛ̀ɛ̀ è ŋmanà wà ama Lohwɛ̀ à rza tànɛ lì eleyà ò wòhwe. Oŋgo ema à mà jɛ̀ɛ̀ è ŋmanà wà ama Lohwɛ̀, Yerzù à mò kombɛ̀ komba-komba aŋga nanù è Mɔ̀ wà Wòhwe à rza mò gbeyà tɔ̀ eyà yà wòhwe.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.

Hwèwulùwèlì 12:11

Màyìja ma ama e Ŋguma ya Mɔ̀lɛ̀ŋgù na imboŋgi ja jɔ̀kɛ̀ ema hwà mà tɛ̀mɛ̀, i ma gbeyà hwà mà rzùùwanà Mòkarzɛ̀. Wɔ hwà mà emeyà tɔ̀ e kpelì o lì ohwa tɔ̀ eyà ya ama Lohwɛ̀ ehwànja ŋmɛ̀ndì ema hwà mà hwɛ lì ohwa mo ma hwɛ ndi e jɔ̀kɛ̀.

Hwèwulùwèlì 2:7

Tɔ̀ njɛnɛ ema à ohvi màto inyɛ à hwèye mamɛ ema è Èlìŋgɛ̀ yà Wòtani è ohweyà mììtèlì. Tɔ̀ njɛnɛ ema à rzùwanì wòhwe nà mò ŋgba è wònja ò lì làa ehvùma ema è gbeyà hwatò hwa hwɛ̀ɛ̀ lòŋgɛ natɛ̀ɛ nà ò gbìndèyà, ema è uwɛlɛlɛ ò gbee ema wò tɛ̀mi ò hvayà yà Pàlàdìrzì.”