È tìlahwì nanù ema, hwatò hwa òhwe Ŋmɛ̀ndì mò Gbamù ò hwekòmɛ̀ hwe àrzɛ ema, hwatò hwa ayèŋgòwɛ̀ ò wòhwe wò awu ò lìinà la ama Yerzù, aŋga nanù Lohwɛ̀ a hwà làkìrzɛ̀ wòhwe wò awu. Hwa wòteya lì òhwa Ŋmɛ̀ndì mò Gbamù ò Jèrurzalɛ̀mù.
Hwà-òhwèlì hwa hwèlìŋgɛ̀ hwa arzɛ hwa kòhwa hwà ma òhwa lì mò hvòmɛ̀nɛ̀, nanù ema tɔ̀ ima mòtò ema a mò lòkɛ̀yì, Lohwɛ̀ à làkìrzɛ̀ wòhwe wò eni. Ène eyà e ò gbèyɛ̀nɛ ò e ŋginyà ya lìinà la eni.”
“Lì òŋgirzɛhwɛ lì rza uwɛ̀lɛ̀lɛ̀yi na ohvɛhvɛ mòtò lì aka tɛ Yerzù, èhwanja ò rza enje tɔ̀ lì hvɛhvɛ lìnà ò tenì ya ene rze ema Lohwɛ̀ à mà ŋgbe hwatò hwa hwènàmà ema lì àŋgàmɛ̀nɛyi lì jò rzùŋgà.”
Nànù ndi lòŋgo là hwa inyɔ è mà hwɛ. Ndi inyɔ è mà rzàŋgìrzɛ̀hwɛ̀ ò wòhwe wò anyu, è emànɛ̀lɛ̀hwɛ̀yì nà Lohwɛ̀, è tɛmìrzɛ̀hwɛ̀yi ehve-ehve nà Lohwɛ̀ lì akeyà nà Rzàŋgo Yerzù Krirztò nà Èlìŋgɛ̀ yà Lohwà là arzu.
Nà oma i hwèlì mɔ̀kɔ nà Krirztò, ndèŋgànà màyija mà eni ema à jò kòmelì ɔ̀ndeŋgàtɛ̀ i kɔ̀tɔ̀hwì ò lì làkìrzɛ̀ là wòhwe wò arzu. Nà oma Lohwɛ̀ à mà gbeyɛ ene, à jò uŋmɛ̀lɛ̀ nanù ema è ndèli yà eni è olo.
Inyɔ è àwùŋmɛ̀lɛ̀nɛ̀ mɔ̀kɔ nà ɔ̀nɛyi èènjì ndèŋgana è àwòhvànɛ mèèmà mè ììlì. È àlàkìrzɛ̀nɛ̀ mɔ̀kɔ nà ɔ̀nɛyi nà oma Lohwɛ̀ à mà è làkìrzɛ̀ lì akeyà nà Krirztò.
Ndi i hwɛni tɛ lòŋgɛ la ŋmàye, na oma mɔ̀ ŋmìti hvɛ a hwɛni, aŋga nanù i hwɛ mɔ̀kɔ na ɔ̀nɛyi, ndèŋgànɛ̀lɛ̀ màyija ma ama e ŋmanà wa eni Yerzù, ma jo rzàŋgìrzɛ̀ o wòhwe wo arzu wa arzɛ.
Ndì i purzɛlɛyi tɛ wòhwe wo arzu, mɔ̀ à ondìrzɛ̀ lì kàkɛ̀nɛ̀ la eni ndèŋgànɛ̀lɛ̀ a lì gbeyà o ŋgànà ema e hvomɛ̀nɛ̀yi. Mɔ̀ a o jo làkìrzɛ̀ wòhwe wo arzu, ndèŋgànɛ̀lɛ̀ a jo rzorza wòhwe wo arzu wo arzɛ.
Inyɔ ema e hwèlì nàa hwàanà hwa ami, na e tìleya ene kààtì aŋga nanù e rza gbeyà wòhwe. Ndi e hwèlì tɛ ema mòtò a gbèyi tɛ wòhwe, irzɔ jo òhvi mòtò ema a tɛmi ehve-ehve Yerzù Krirztò. Mɔ̀ ndi à jo rzorzomeya e Tàtɛ.
Nà rza e tìleya ndi ene kaatì ehwànja e rza hwi e jɔ̀kɛ̀. Nà e tìleya ndi ehwànja e hwi e jɔ̀kɛ̀, ndèŋgànɛ̀lɛ̀ ehwànja tɔ̀ mòlàŋgà mo rza uwɛ̀lɛ̀lɛ̀yi o tenì ya e jɔ̀kɛ̀.
Imbùnda jà ami kòkò, ene mbenda ema nà è tìleyà nanù, è rza enje ndi mbenda hvènya, è hwèlì ndi mbenda yà mbolowa ema è mà hwɛnɛ natɛ̀ɛ nà ò hwèwòteli. Ène mbenda yà mbolowa è hwèlì ndi ŋmɛ̀ndì mò gbamù ema è mà lòmɛ lì hweyà.