1 Tɛ̀rzàlonìyà 5:8 - Mokpwe: Bakwery (New Testament)

⁸ Ndi kànàtɛ̀ irzɔ i hwèlì ndi hwatò hwa ŋmerze, inyɛ ja alɛ̀mbɛ. Inyɛ̀ lìlòkɛ̀ ema i hwɛnelì Yerzù na e ndìŋgɛ ema i hwɛnelì hwahvɛhvɛ hwatò, inyɛ hwe hwɛ ndi nàa lìwɔti la hwɛ̀ɛkɛ̀ ema mòtò a wɔ̀ti o nyo ya eni o lì iŋga e ŋgeŋge ya eni o e hvonda ya njuma. Lìhvìtà ema e hwɛni o nyòla hwèrzùŋgèlì ema e o luwɛ, inyɛ hwe hwɛ ndi nàa mòtò a wɔ̀ti tàmba ema hwa gbeyànì hwɛ̀ɛkɛ̀.

1 Tɛ̀rzàlonìyà 5:8 ပူးပေါင်းရင်းမြစ်များ

1 Kɔ̀rintìyà 13:13

O hwèlì hweyà hweyàwò ema hwe hwèlì, ndi lì lòkɛ̀, lìhvìtà, nà e ndìŋgɛ, ndi eyɔ ema e akayi hwe arzɛ e hwèlì ndi e ndìŋgɛ.

2 Kɔ̀rintìyà 6:7

Ŋmɛ̀ndì ema jo òhwa, mo hwèlì ndi ŋmɛ̀ndì mo jɔ̀kɛ̀, ndèŋgànɛlɛ e ŋginyà ya ama Lohwɛ̀ yɔ ndi i gbeyàna o lì mo òhwa. Nà oma i gbeyà hweyà hwe gbamù, e ma gbeyà hwatò hwa rza ohvi tɔ̀ eyà ya wòhwe o lì jo rzambana.

Gàletìyà 5:5

O irzɔ, Èlìŋgɛ̀ ya ama Lohwɛ̀ e ma jo gbeyà o lì ohva lìhvìtà nanù ema, Lohwɛ̀ a o jo emeyà nàa hwatò ema hwa hwèlì wòtani èhwanja je emelì Krirztò.

Ɛ̀hvìrzìyà 6:11

È akpatɛ rzɔ nà hwèèmà hwe arzɛ hwe njuma è mà Lohwɛ̀ à è ŋgbèlì, aŋga nanù è tànɛyi lì teŋgɛ̀nɛ̀yi Mòkarzɛ̀ meyànò mè eni.

Ɛ̀hvìrzìyà 6:23

Inyɛ̀ ɛ̀yɔ̀lɛ̀ yà ama Lohwɛ̀ è Tatɛ̀ yà arzu nà Rzàŋgo wà arzu Yerzù Krirztò è hwɛ nà inyɔ hwàlòkèlì. Wɔ̀ hwa ò è gbèeyà ò lì lìŋgana mɔ̀kɔ nà ɔ̀nɛyi nanù mɛnɛ nà ò lì lòkɛ̀ hvɛ Krirztò nanù mɛnɛ.

1 Tɛ̀rzàlonìyà 5:5

Inyɔ hwa arzɛ è hwèlì ndi hwatò hwa ŋmàye, nà hwatò hwa ŋmèrze. Irzɔ i rza enje hwatò hwa wùù tɔ̀ hwatò hwa jìtìtì.

2 Tɛ̀rzàlonìyà 2:16

Inyɛ̀ Rzàŋgo wà arzu, Yerzù Krirztò mɔ̀ ŋmìti nà Lohwɛ̀, Tatɛ̀ wà arzu, mɔ̀ ema à mà jò lìŋgàna ndèŋgànɛ̀lɛ̀ ò è ndèli yà eni, à jò ètìrzɛ̀ mèèmà mè arzu nà gbèti ema wò rza kuwa, ndèŋgànɛlɛ à jò ŋgbe lìhvìtà ò hweyà hwe gbamù.

Hibrù 6:19

Lìŋgi lìhvìtà lì hwèlì ndi nàa yòoma ema e gbeyà mòŋgɛ ma arzu o lì ètìrzɛ̀hwɛ o hwetɛmelì. Lìni lìhvìta ndi lì gbeyà irzɔ ja akeyà o lìhwàtù ema lì kekayi lìyohva o lì uka o ekì ema e hwèlì wòtani, ekì ema Lohwɛ̀ a hwèlì.

1 Pètrò 1:13

O eŋgànɛlɛ rzɔ, e a kpatɛ, e woŋgirzɛnɛ o lì gbeyà èwòlò ema Lohwɛ̀ a arza nanù ema e gbeye. È wowe hvonda ndèŋgànɛ̀lɛ̀ e ika mèèmà me anyu o e ndèli ema Lohwɛ̀ a e ŋgba o e hvonda ema Yerzù Krirztò a jà o lì e àwuŋmɛ̀lɛ̀.

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.

1 Yòwanìrzɛ̀ 1:7

Ndi i hwɛni tɛ lòŋgɛ la ŋmàye, na oma mɔ̀ ŋmìti hvɛ a hwɛni, aŋga nanù i hwɛ mɔ̀kɔ na ɔ̀nɛyi, ndèŋgànɛ̀lɛ̀ màyija ma ama e ŋmanà wa eni Yerzù, ma jo rzàŋgìrzɛ̀ o wòhwe wo arzu wa arzɛ.