1 Tɛ̀rzàlonìyà 5:12 - Mokpwe: Bakwery (New Testament)

¹² Ìmbunda ja arzu kòkò, je e rzorzomeya o lì ŋgba hwaŋga hwatò ema hwa e oŋgowàna èluhwe rzayi-rzayi. Wɔ̀ ndi hwa e timbaa, na o lì e okòlɛ nɛ mòŋgɛ ma anyu ma aŋgàmɛnɛ lì hwɛ nàa hwatò hwa ama Krirztò.

1 Tɛ̀rzàlonìyà 5:12 ပူးပေါင်းရင်းမြစ်များ

Lukàrzɛ̀ 10:7

Ndawò tɛ e kpèèlì, è lìyà aŋga. È rzì ànjiya aŋga. È lèè, e nyò tɔ̀ mamɛ ema hwa e ŋgbèlì, èhwanja è mògbèèlì à àŋgàmɛ̀nɛ̀yi lì lùwà mòrzàhwèlì mò eni. Inyɔ è rzà awa ndawò tɛ e kpèeyà.

Yòwanìrzɛ̀ 4:38

Nà ma ò òma ò lì ɛ̀ndɛ lì rzàŋga e mbòtà ema ò rzi òne. Hwahvɛhvɛ hwatò hwa gbeyà èwòlò, ndi ò wa rzɔ ò hwèlì lì lùwa mònàmɛ̀ mò èwòlò ya awu.”

Hwègbèèlì 20:28

È àwòŋgòhwɛlɛ inyɔ hwiti, na lìhwemba la hwatò ema Èlìŋgɛ̀ yà Wòtani ye e ŋgbelì ò rze ya anyu ò lì ɔŋgeya. È hwɛ nàa hwà-ɔ̀ŋgèlì hwa mɛ̀lɛ̀ŋgù e ɔŋgeya hwatò hwa ama Lohwɛ̀. A ma gbeyà ŋmèmba mò eni ò lì hwɛ e mò eni lì akeyà na e kpelì ema è Ŋmanà wà eni a ŋwelɛlɛyi ò mbarza.

Hwègbèèlì 20:35

O tenì ya hwene hweyà hwe arzɛ, imba nà mà e uŋmɛ̀lɛ̀ nanù ema, ò lì gbeyà èwòlò na ŋginyà ò ene ŋgana, aŋga nanù inyɔ e òŋgòwàna hwà-òkèlì na lì ɔ̀ŋgɛ̀lɛ̀ e mbɔrzi ema Rzàŋgò Yerzù a ma òhwe nanù ema, ‘O hwèlì mònàmɛ̀ rzayi-rzayi ò lì ŋgbàà lì aka ò lì wòwa.’”

Ròmànì 16:12

È kɔmè Trìhvàyènà na Trìhvòrza, hwaŋga hwalanà ema hwa gbèeyà e Rzàŋgò èwòlò ya màyìmbì. È kɔmè Pɛ̀rzìrzì e mbunda ya ami ya màlìŋgò, òhvɛhvɛ mòlanà ema à mà gbèyɛ èwòlò rzayi-rzayi ò lìna la ama e Rzàŋgò.

Ròmànì 16:6

È kɔmè Màlìyɛ̀, ema à mà gbèèyɛ̀ èwòlò rzayi-rzayi ò ìtììtènì ja anyu.

1 Kɔ̀rintìyà 12:28

Lohwɛ̀ à mà ŋgba hwatò hwehvɛhvɛ hwèwòlò ò tenì ya mìitelì. A ma loma lì ika lòŋgo la hwatò i Àpɔ̀rzìtòlò. O mburzà nanù, a hvɔ̀rzɔ̀ hvɛ hwà-òhwèlì hwa hwèlìŋgɛ̀. Ndèŋgana a e hvɔ̀rzɔ̀ hvɛ Hwà-òkòwèlì. Ndèŋgana a e hvɔ̀rzɔ̀ hwatò ema hwa gbeyà hweyà hwe mànyakà. Rzi a hvɔ̀rzɔ̀ hvɛ hwatò ema hwa òŋgòwàna hwanɛ̀yi hwatò. A ma hvɔ̀rzɔ̀ hwatò ema hwà mà hwɛnɛ lìhwiyè la lì tìmba hwahvɛhvɛ hwatò. Rzi a hvɔ̀rzɔ̀ hvɛ hwatò ema hwa ohwa ihvɛhvɛ mbɔrzi.

1 Kɔ̀rintìyà 15:10

Ndi o ììlì jà amà Lohwɛ̀, imba na hwèlì ndi ema na hwèlì, rzìi ììlì ja eni ema a no ŋgbelì i rza enyi ŋgundu. Ndi imba na gbèyi èwòlò lì aka inɛyi àpɔ̀rzìtòlò jarzɛ wɔ̀ tɔ̀ nɛ rzeketɛ o e ŋginyà ya ami ndi nà mà gbeyàne ene èwòlò ndi o ììlì jà mà Lohwà ema i hwèlì na imba.

1 Kɔ̀rintìyà 16:16

e arzihwirzɛ o rze ya ini nyayi ja hwatò, ndèŋgàna ya arzihwirzɛ hvɛ o rze ya tɔ̀ ima mòtò ema a gbeyà ene tumba ya èwòlò.

1 Kɔ̀rintìyà 16:18

Wɔ̀ hwa mà nò kɔ̀mɛ̀lɛ̀ na oma hwa mà e kɔ̀mɛ̀lɛ̀. Tɔ̀ ima lìtumba la eyà ema lìni lìtumba la hwatò lì ohwa i hwɛnì lì hwa ŋgbaà èluhwe.

1 Kɔ̀rintìyà 3:9

Èhwanja irzɔ hwahwàkɛ i hwèlì ndi hwàgbèèlì hwa ama Lohwɛ̀ ema i gbeyà ndi èwòlò yɔ̀kɔ. Inyɔhvɛ ema e lòkɛ̀yi, e hwèlì ndi nàa e hvaya ya ama Lohwɛ̀. Nà tànɛyi na e wowa ndi nàa wooŋgi ema Lohwɛ̀ a hwèlì a oŋga.

2 Kɔ̀rintìyà 11:23

Wɔ̀ hwa ohwa nanù ema hwa hwèlì ndi hwàgbèèlì hwa ama Yerzù Krirztò, imba hvɛ na e ohweyà nàŋgɛ nanù ema, imba nà mà gbeyà èwòlò lì hwa aka. Nà ohwa ndi nàŋgɛ nanù nàa ŋmɛnyɛ. Nà ma gbeyà èwòlò ya ŋginyà lì hwa aka, nà mà aŋgɛ̀hwɛ̀ o hwèwòwà ŋgèlì rzayi-rzayi lì hwa aka, nà mà gbiyɛhwɛ hvonji rzayi-rzayi lì hwa aka, ndèŋgàna nà mà uŋgbɛlɛlɛ e kpelì rzayi-rzayi ja ŋgèlì lì hwa aka.

2 Kɔ̀rintìyà 5:9

O èŋgànɛ̀lɛ̀ rzɔ, mèèmà me arzu me arzɛ me hwɛni ndi lì hwɛ o lì lìŋgirzɛ Yerzù o mamɛ ya arzɛ ema i gbeyà, ŋga i hwɛ o nyàmà ya nyo tɔ̀ i rzi hwɛ.

2 Kɔ̀rintìyà 6:1

Nà oma i gbeyà èwòlò ya ama Lohwɛ̀ na Lohwà, je e atɛkɛ nanù ema e ndèli ya ama Lohwɛ̀ ema i luwa e rzi hwɛ o ŋgundu.

Gàletìyà 4:11

Ène eyà e gbèyi na oki wɔ̀ŋgɔ̀ nanù ema na hvàŋgi ndi e hvonda ya ami o èwòlò ya arzɛ ema na e gbèelì.

Hvìlipìyà 2:16

È ohweyà hwatò ŋmɛ̀ndì mò gbamù ema mo hwa ŋgbàà lòŋgɛ la gbìndèyà. È gbèyi nanù aŋga nanù, na e ohvana kumba o wùnyà ema Krirztò a o jɛ̀ɛ̀. Nà arza lì àyekìrzɛ ehwànja e o uŋmɛ̀lɛ̀ na e jɔ̀kɛ̀ nanù ema lì umbɛlɛlɛ la ami la arzɛ na èwòlò ya ŋginyà ema nà mà gbèèyɛ̀ hwe rza o ɛndɛ ndi ŋgundu.

Hvìlipìyà 2:19

Nà àhvìtɛ̀ nanù ema na e omeya Tìmòtì o lì ehvɛhvɛ ŋmanà mbɔ, e hwèlì tɛ nanù ema Rzàŋgo Yerzù a emelì tɛ, aŋga nanù ŋmɛ̀ndì ema imba na o luwɛ lì e hvomɛ̀nɛ̀, mo o no kɔ̀mɛlɛ.

Kòlòrzìyà 1:29

Ò lì gbeyà ene èwòlò, imba nà atàkìrzɛ̀ rzàyi-rzàyi ò lì è gbeyà, è ŋginyà yà ama Krirztò ema è hwèlì ò tenì yà ami yɔ̀ ndi è nò ŋgba è ŋginyà è mà nà atàkìrzɛ̀nɛ̀.

1 Tɛ̀rzàlonìyà 2:9

Ìi wònyàmòwe kòkò hwa ama Krirztò, na hwi nanù ema e ɔ̀ŋgɛ̀lɛ̀ èwòlò na lì ahvahvɛ lì ndɛnɛ ema i ma gbeye. È hvonda ema i ma e ohweyà ŋmɛ̀ndì mò gbamù mo ama Lohwɛ̀, i ma hwɛ lì gbeyà èwòlò ŋmerze na wuu aŋga nanù i rza tàkirzɛ tɔ̀ mɔ̀kɔ wa anyu.

1 Tɛ̀rzàlonìyà 4:1

Ìi wònyamòwè kòkò, jo òhwa hvɛ nanù ema, i ma e okolɛ nɛ e àŋgàmɛ̀nɛ̀yi lì lìya o lì òkìrzɛ̀ Lohwɛ̀ mɔ̀nyɛ̀ŋgi. Ndeŋgànɛ̀lɛ̀ o jɔ̀kɛ̀ nanù ndi hwèlìyelì hwe anyu hwe hwèlì o nàŋgɛ. O nàŋgɛ nanù, je e akowana, na lì e ohweyà o lìna la ama Rzàŋgo Yerzù nanù ema, e hwɛ ndi o lì lìyàna ene nyayi ya ɛ̀ɛ̀mɛ̀.

1 Tɛ̀rzàlonìyà 5:14

Ìi wònyàmòwe kòkò, nà je e ohweyà hvɛ nanù ema e kòkòwɛ̀lɛ̀ hwatò ema hwa hwèlì rzìŋgà nanù ema hwa àŋgàmɛ̀nɛ̀yi lì gbeyà èwòlò, e embɛ̀ hwaŋga ema hwa oka wɔ̀ŋgɔ̀, e oŋgowane hwaŋga ema hwa rza ohvɛɛ ŋginyà, e a àjùlɛ̀nɛ̀ mɔ̀kɔ na ɔ̀nɛyi.

1 Tìmotì 5:1

O rzi keka lì lomeya mòmbaki wa mòtò. O mo wowe wòlìto na oma o wowi e tatɛ̀ ya aŋgɔ̀. O wowe hvɛ hwaŋga hwarzàlì ema o wa akayi ŋmèmba wòlìto ò a ɛnɛ oma hwa hwèlì ndi wònyanyàŋgo wa aŋgɔ̀.

1 Tìmotì 5:20

Mòmbaki wa ŋmèmba a toni tɛ, o mo kanje o worzo wo ŋmèmba, aŋga nanù hwanɛyi hwàmbaki hwa ŋmèmba hwa oka wɔ̀ŋgɔ̀ o lì gbeyà wòhwe.

2 Tìmotì 2:6

È mògbeyà mbota ema a gbèyi èwòlò ya gbamù, mɔ̀ ndi à àŋgàmɛ̀nɛ̀yi o lì hwɛ e mòtò wà worzo ò lì laa e mbota ya worzo.

Tàyìtùrzì 1:3

È hvonda ema Lohwɛ̀ à mà ɛnɛ nanù ema e hvomɛ̀nɛ̀, à mà gbeyà hwatò ò lì hwiya ŋmɛ̀ndì mò eni. Lohwɛ̀ à mà no ŋgba moŋgo ŋmɛ̀ndì o màà mà ami, ndeŋgànɛlɛ nà hwèlì nà mò ohwa nà e wònja ema Lohwɛ̀ e Mòrzùŋgèlì hwa arzu a no ŋgbelì.

Tàyìtùrzì 1:5

Ìi Tàyìtùrzì, nà mà ò lììya ò mbowà yà Krɛ̀tɛ aŋga nanù ò wà ò tànɛ lì tɛ̀yirzɛ mamɛ ema è rzi kulɛ̀hwɛ ò lì gbeyàhwa, ndèŋganɛlɛ ò lì hvɔ̀rzɔ̀ hwàtìmbèlì hwa mèèmbà ò tɔ̀ ima mbowà. Ò rzi hvoŋga ò lì gbeyà nà oma imba nà mà ò ohweyà ò lì gbeyà.

Tàyìtùrzì 2:15

O eŋgànɛ̀lɛ̀ rzɔ̀, o òkolɛ hwatò hwene hweyà. O embɛ nà lì kànja na lìkànèyà ema Lohwɛ̀ à mà o ŋgbɛ. O rzi keka lì emeyà nanù ema tɔ̀ mòtò tɔ̀ mɔ̀kɔ a o ndinde.

Hibrù 13:17

È hweyàne hwatimbelì hwa anyu. È gbeye hvɛ mamɛ ema hwa ohwi nanù ema e gbeye. Èwòlò ya awu e hwèlì ndi o lì e ɔŋgeya. Wɔ̀ hvɛ ndi hwa hwɛnì lì ohweyà Lohwà nɛ hwa e ɔŋgeya. È hwa ŋgbe ehvolo ò lì gbeyà nanù na mɔ̀nyɛ̀ŋgì rzeketɛ na hwetàtò. Hwenè hweyà hwe arzɛ hwe rzà jo jàneyà tɔ̀ mɔ̀rzɛ̀ŋgì.

Hibrù 13:7

È ɔ̀ŋgɛ̀lɛ̀ hwàtimbèlì hwa anyu hwa kòhwà ema hwa mà e ohweyà Eyà ya Lohwà è ɔ̀ŋgɛ̀lɛ̀ nà oma hwà mà lìya mòŋgɛ ma awu, e hwa nɔŋge matàŋgà mà awu ndeŋgànɛ̀lɛ̀ e lòkɛ̀ na oma wɔ̀ hvɛ hwà mà lòkɛ̀.

Hwèwulùwèlì 1:20

È wùndɛ̀ ema e hwèlì lì hvomɛ̀nɛ̀ lìrzàmba la rzombe ema lì hwèlì o lìya la ami la mome na lìrzamba la mboko ja gòòlù ja hwètùlù hwe hwèlì ndi: Lìrzàmbà la rzombe lì hwèlì ndi i aŋgèlì lìrzàmba ja lìrzàmba la mèèmbà, ndeŋgànɛlɛ lìrzàmba la mboko ja gòòlù ja hwètùlù hwe hwèlì ndi lìŋgi lìrzàmba la mèèmbà.”

Hwèwulùwèlì 2:12

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba mò Pɛ̀gàmùmì nanù ema, “‘Mono ŋmɛ̀ndì mò uwɛ̀lɛ̀lɛ̀yì ndi nà è mɔ̀ ema à ohvi è rzɔ̀lɔ̀ ema yè èeyà hwèhvàrzù hwe ahwàkɛ.

Hwèwulùwèlì 2:18

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba mo Tìyatìrà nanù ema, “Mono ŋmɛ̀ndì mò uwɛ̀lɛ̀lɛ̀yi ndi ò mà è Ŋmàna wà ama Lohwɛ̀, ema mììrzɔ̀ mà eni mà tèeyà ndi nàa mùnya ema mò òŋwa, matàŋga mà eni hvɛ mà ɛneyà ndi nàa ɛ̀ɛkɛ̀ ema è hwɛ̀lɛ̀hwɛ̀ brɔ̀nrzi ema è hvànya.

Hwèwulùwèlì 2:3

Nà hwi nanù ema o lìinà la ami e ma wɛ̀lìrzɛ̀nɛ̀ ndèŋgànɛlɛ e ma àjùlɛ̀nɛ̀ mètàkà. Ndi tɔ̀ nɛ mèèmà me anyu me eti na oma e no oŋgama.

Hwèwulùwèlì 2:8

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Rzàmàyinà nanù ema, “È mòtò ema à hwèlì è wà worzo ndèŋgànɛ̀lɛ̀ à hwèlì è mòtò ema à hwèlì è wà lìrzùkù, mɔ̀ ema à mà ŋwa ndèŋgànɛ̀lɛ̀ à hwèlì ò lòŋgɛ hvɛ, mɔ̀ ndi à omi mono ŋmɛ̀ndì.

Hwèwulùwèlì 3:1

Oŋgo mòtò ema à mà àyɛ̀kɛ̀nɛ̀ è mòtò wà hwènàmà à mà nò òhweyà nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Rzàdìrzì nanù ema, “Mono ŋmɛ̀ndì mò uwɛ̀lɛ̀lɛ̀yi ndi nà imba ema nà tɛtì lìrzàmba là hwèlìŋgɛ̀ ema hwe uwɛlɛlɛyi o ma Lohwɛ̀, ndèŋgànɛ̀lɛ̀ hvɛ nà tɛ̀tì lìrzàmba là rzòmbe. Nà hwi èwòlò ema inyɔ è gbeyà. Hwàto hwa ohwa nanù ema è hwèlì lòŋgɛ ndi inyɔ è rza enje lòŋgɛ.

Hwèwulùwèlì 3:14

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Làwòdèrzìyà nanù ema, “Ŋmɛ̀ndì mono ema mò uwɛ̀lɛ̀lɛ̀yì nà è mɔ̀ ema à hwèlì, Inyɛ̀ wò Lìya Nànù. Mɔ̀ à gbeyà ndi nà oma Lohwɛ̀ à àrzeyà, à hwèlì ndi mboŋgi ya jɔ̀kɛ̀, ndèŋgànɛ̀lɛ̀ ò lì akeyà nà mɔ̀, ɔndi Lohwɛ̀ à mà wèkè hwèèmà hwe arzɛ natɛ̀ɛ nà ò hwèwòtèlì.

Hwèwulùwèlì 3:7

À mà nò òhweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Hvìladɛlhvìyà nanù ema, “Ŋmɛ̀ndì mono ema mò uwɛ̀lɛ̀lɛ̀yì nà è mɔ̀ ema à hwèlì wòtani nà jɔ̀kɛ̀. Mɔ̀ à hwɛni màyìmbì ò lì kànèyà nyayi hvɔ̀kɔ nà oma kìŋgɛ Dàhwitì à mà hwɛ lì kànèyà. Mɔ̀ à lìhvo tɛ lìyòhva tɔ̀ mòtò à rza tànɛ à lì umba, ndèŋgànɛlɛ à umbi tɛ lìyohva tɔ̀ mòtò à rza tànɛ à lì lìhvowa.