1 Tɛ̀rzàlonìyà 4:9 - Mokpwe: Bakwery (New Testament)

⁹ O nàŋgɛ nanù lì hvomɛ̀nɛ̀ e ndìŋgɛ ema e ahwɛ̀nɛ̀nɛ̀yi mɔ̀kɔ na ɔ̀nɛyi nàa hwàlòkèlì hwa ama Lohwɛ̀ i rza aŋgàmɛnɛ lì atàkìrzɛ o lì e tìleya, ehwànja Lohwɛ̀ mɔ̀ ŋmìti à mà màa lì e okolɛ nɛ e àŋgàmɛ̀nɛ̀yi lì lìŋgàna mɔ̀kɔ na ɔ̀nɛyi.

1 Tɛ̀rzàlonìyà 4:9 ပူးပေါင်းရင်းမြစ်များ

Matiyò 22:39

È mbenda ema e ùkirzɛ̀ ihwàkɛ ema yɔ̀hvɛ e òhvi wòlìtò nà è mbenda ya wòrzò, nanù ema, ‘Lìŋgàna e mòtò ema à ò kòmbɛ̀nɛ̀ na òma ò alìŋgànɛ̀yi ò wà witi.’

Yòwanìrzɛ̀ 14:26

È Moòŋgòwànèlì, Èlìŋgɛ̀ yà Wòtani, ema Tatɛ̀ a e òmeya ò lìna lì ami, a ò e òkòlɛ̀ hweyà hwe arzɛ. Ndèŋgànɛ̀lɛ̀ hvɛ a ò gbeyà e ò ɔ̀ŋgɛ̀lɛ̀ hweyà hwe arzɛ ema nà mà lòmɛ lì e òhweyà.

Hwègbèèlì 4:32

Hwàlòkèlì hwa arzɛ hwà mà òhva ŋmèma nà màlùtèyà mɔ̀kɔ. Tɔ̀ mɔ̀kɔ wa awu a rza òhwe nanù ema lìrzaŋgò la ami lì hwèlì ndi e la ami, ndi wɔ̀ hwà mà akahwanɛ mamɛ ema hwà mà òhve.

Ròmànì 12:10

Inyɛ̀ tɔ̀ ima mòtò a lìŋgàne ŋmanyàŋgò wa eni na ŋmèma mò eni mò arzɛ. Inyɛ̀ tɔ̀ ima mòtò a ŋgbe ŋmanyàŋgò wa eni èluhwe lì aka mamɛ ema a aŋgbɛ mɔ̀ ŋmìti.

2 Kɔ̀rintìyà 9:1

Nàŋgɛ nanù o rza enje tɔ̀ lìtiŋga o imba lì e tìleya lì hvomɛ̀nɛ̀ èwòlò ya lì òŋgòwàna la hwatò hwa Lohwà.

Hvìlipìyà 3:15

O eŋgànɛlɛ rzɔ, inyɛ irzɔ hwa arzɛ ema i ma màa lì òŋgeyà o lìlòkɛ̀, inyɛ ja alɛ̀mbɛ̀nɛ ndi ene nyayi ya màlùtèyà o hwene hweyà. Ndi e hwèlì tɛ nanù ema inyɔ e ohvi tɛ ma hvɛhvɛ màlùtèyà o lì hvomɛ̀nɛ̀ hwene hweyà, aŋga nanù Lohwɛ̀ a o e oŋgòhwànà o lì hwe rzɔ̀ŋgìtɛ̀nɛ̀ gbamù.

1 Tɛ̀rzàlonìyà 5:1

O nàŋgɛ rzɔ̀, ìi wònyàmòwe kòkò, o rza enje tɔ̀ lìtiŋgà o lì e tìleya lì hvomɛ̀nɛ̀ e hvonda na wùùnya ema hwene hweyà hwe o gbèyɛ̀nɛ.

Hibrù 10:16

“È Rzàŋgo è ohwi nanù ema, ‘Yòòmbò ene ema nà hwɛni lì ààtɛ̀ɛ̀ ò hvonda ema è hwɛni lì jà ò worzo. Nà hwa gbeyà ò lì hwiya ì mbenda jà ami, ndèŋgàna nà hwa gbeyà ema hwa rzìi keka lì jì hvoŋga.’”

Hibrù 13:1

Inyɛ̀ e ɛndɛ o worzo ò lì alìŋgànɛ mɔ̀kɔ nà ɔ̀nɛyi nàa hwatò hwa ama Krirztò.

1 Pètrò 3:8

O lì umba ene mbɔrzi, inyɔ hwa arzɛ e hwɛni ndi lì hwɛ mòtò mɔ̀kɔ. Ya àwòhvànɛ mèèmà me ììlì. Ya alìŋgànɛ mɔ̀kɔ na ɔ̀nɛyi. È àyènjànɛ̀ na lì arzihwirzɛ.

1 Pètrò 4:8

O lì aka hweyà hwe arzɛ, ya alìŋgànɛ mɔ̀kɔ na ɔ̀nɛyi kɔ̀yi-kɔ̀yi, ehwànja e ndìŋgɛ e hwànda wòhwe rzayi-rzayi.

2 Pètrò 1:7

O ŋmanyu ya lì gbeyà hweyà ema Lohwɛ̀ a arza, inyɔ hwatò hwa ama Krirztò inyɛ e ndìŋgɛ e hwɛ o ìtììtènì ja anyu. O ŋmanyu ya e ndìŋgɛ o ìtììtènì ja anyu ja hwatò hwa ama Krirztò, e lìŋgàne tɔ̀ ima mòtò.

1 Yòwanìrzɛ̀ 2:10

Tɔ̀ njɛnɛ ema à lìŋgàni ŋmanyàŋgò tɔ̀ ndomɛ̀ wà eni, à hwèlì ndì ò tenì yà ŋmàye, eŋge ŋgànà è hwèlì ndi nanù ema eŋge tùmba mòtò è rza gbeyà tɔ̀ eyà ema è gbeyà hwahvɛhvɛ hwatò ò lì unda ò wòhwe.

1 Yòwanìrzɛ̀ 3:11

Ŋmɛ̀ndì mò gbamù ema è mà hwèye natɛ̀ɛ nà ò hwèwòtèlì mò hwèlì ndi nanù ema, è alìŋgànɛ mɔ̀kɔ nà ɔ̀nɛyi.

1 Yòwanìrzɛ̀ 3:23

È mbenda ema a ŋgbelì e hwèlì ndi nanù ema, i lòkɛ̀ o lìinà la ama è Ŋmanà wà eni Yerzù Krirztò na o lì alìŋgànɛ mɔ̀kɔ na ɔ̀nɛyi. Ène mbenda hvɛ mɛnɛ ndi Krirztò à mà jo ŋgbe.

1 Yòwanìrzɛ̀ 4:21

Ò eŋgànɛ̀lɛ̀ è mbenda yà ene ema e ŋgbàahwì tɔ̀ njɛnɛ ema à lìŋgàni Lohwɛ̀, à aŋgàmɛ̀nɛ̀yi hvɛ lKì lìŋgàna ŋmanyàŋgò wà eni.