1 Tɛ̀rzàlonìyà 4:8 - Mokpwe: Bakwery (New Testament)

⁸ O eŋgànɛ̀lɛ rzɔ tɔ ima mòtò ema a rzɔ̀rzi hwene hwèyòkòlèlì, a rza rzɔ̀rzi ndi e mòtò wà hwènàmà ndi à rzɔ̀rzi ndi Lohwɛ̀ ema a e ŋgbelì èlìŋgɛ̀ yà wòtani.

1 Tɛ̀rzàlonìyà 4:8 ပူးပေါင်းရင်းမြစ်များ

Lukàrzɛ̀ 10:16

Yerzù rzìi a òhweyà Hwà-òkòwèlì hwa eni nanù ema, “Tɔ̀ ì ma mòtò ema à è hweyàni, ò ma ìmba ndi à hweyànì. Tɔ̀ njɛnɛ hvɛ ema à è rzɔ̀rzì, ò ma ìmba ndi à rzɔ̀rzi. Tɔ̀ ima mɔ̀ hvɛ ema à nò rzɔ̀rzi, ò ma à rzɔ̀rzi ndi òŋgò ema à nò òmi.”

Yòwanìrzɛ̀ 12:48

È mòtò ema a nò rzɔ̀rzi rzìi a rzi imanɛlɛ hvɛ ŋmɛ̀ndì mò ami, mɔ̀ à òhvi e mɔ̀ ema a mò kàyìrzɛ̀. È mbɔrzi ema na òhwi yɔ ndi e mò kàyìrzɛ̀ ò wùnyà wò hwèkàyìrzèlèlì.

Hwègbèèlì 13:41

‘È ɔŋgɔ̀ tɛ inyɔ hwatò ema e kikòwa Lohwɛ̀! È ò tàmà, ndèŋgànà e ò ŋwa, èhwanja eyà ema na ò gbèyɛ mene mèenyà, e hwèlì ndi eyà ema inyɔ e rza ò lòkɛ̀, tɔ̀ e hwɛ ndi nanù ema mòtò a e telɛlɛyi e yɔ.’”

Ròmànì 5:5

Jò òhvi tɛ lìhvìtà i rza timbana màa matò. Èhwanja Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, na òma a mà gbeyɛ e ndìŋgɛ ya eni ò lì kpèeyà ò mèèmà me arzu. À mà gbeyà ene na òma a jò ŋgbelì Èlìŋgɛ̀ yà eni yà Wòtani.

1 Kɔ̀rintìyà 2:10

Ndi, Lohwɛ̀ à mà gbeyàna Èlìŋgɛ̀ yà Wòtani o lì jò uŋmɛ̀lɛ̀, hwènè hweyà hwe arzɛ. Èlìŋgɛ̀ ya ama Lohwà è arzìrzɛ̀ hweyà hwe arzɛ, ndèŋgàna e hwi hweyà hwe arzɛ, na ìwùndɛ̀ ja ama Lohwɛ̀ ema mòtò a rza tànɛyi lì rzɔ̀ŋgìtɛ̀nɛ̀.

1 Kɔ̀rintìyà 7:40

Ndi o màlùtèyà ma ami, à ò lìŋga, e hwèlì tɛ ema a rza o hwàahwa ohvɛhvɛ mùnyanà. Èlìŋgɛ̀ yà ama Lohwɛ̀ yɔ̀ndi è nò lìyɛ̀lɛ̀ o lì e ohweyà hwenè hweyà hwe arzɛ.

2 Kɔ̀rintìyà 1:22

Lohwɛ̀ à mà jo ika embànèlì ya eni o lì uŋmɛ̀lɛ̀ nanù ema i hwèlì ndi hwatò hwa eni. A ika hvɛ Èlìŋgɛ̀ yà Wòtani o mèèmà me arzu, o lì uŋmɛ̀lɛ̀ ema i lùwa mamɛ ya arzɛ ema a jo kàkɛ̀nɛ̀yi.

Gàletìyà 4:6

Nà oma e hwèlì ndi hwàanà hwa ama Lohwɛ̀, eŋge eyà e ma gbeyà Lohwɛ̀ o lì jo òmeya Èlìŋgɛ̀ ya ama Ŋmanà eni o mèèmà me arzu. Èŋge Èlìŋgɛ̀ e ma gbeyà ema nàŋgɛ i hwɛlɛ Lohwɛ̀ nanù ema, “Ìi Tatɛ̀.”

1 Pètrò 1:12

Lohwɛ̀ à mà wùluhweyà hwanù hwà-òhwèlì hwa hwèlìŋgɛ̀ nanù ema èwòlò ya awu ema hwa gbeyà, e rza o hwa lùhwìrzɛ̀ tɔ mɔ̀rzɛ̀ŋgì ndi e hwèlì ndi èwòlò ya anyu. Lohwɛ̀ à mà omeya hwatò Èlìŋgɛ̀ yà Wòtani ema e ma uwɛ̀lɛ̀lɛ̀yi o ŋmanyu yà lohwà. Èŋge Èlìŋgɛ̀ ndi e ma gbeyà ndèŋgànà loŋgo la hwatò hwa e ohwa Ŋmɛ̀ndì mò Gbamù, ema inyɔ e hweyà yawono. Hwene hweyà hweyɔ ndi Hwà-òhwèlì hwà mà ohwe. Tɔ̀ i aŋgèlì jo hwiti jo òkeya o lì hwiya hwene hweyà.

2 Pètrò 1:21

È mbɔrzi ema hwà-òhwèlì hwa hwèlìŋgɛ hwà mà ohwe, e rzi uwɛ̀lɛ̀lɛ̀yi ndi na hwatò hwa hwènàmà, ndi Èlìŋgɛ̀ yà Wòtani ndi e ma hwɛ lì lìyɛlɛ hwatò ema hwà mà ohwa eŋge mbɔrzi. Èŋge mbɔrzi e ma uwɛ̀lɛ̀lɛ̀yi ndi o ma Lohwɛ̀.

1 Yòwanìrzɛ̀ 3:24

Hwàŋga hwatò ema hwa ika imbenda jà ama Lohwɛ̀, hwa lììyà ò lì ahvìyànɛ̀ nà mɔ̀, ndèŋgànɛ̀lɛ̀ mɔ̀ à lìya ò lì ahvìyànɛ̀ nà wɔ̀. Nànù ndi irzɔ ì hwiya nanù ema Lohwɛ̀ à hwèlì nà irzɔ. Ì hwi nanù ehwànja èlìŋgɛ̀ ema mɔ̀ à mà jò ŋgbɛ.

Judɛ 1:8

Ndi tɔ̀ nanù hwaŋga hwatò ema hwa kpèelì ò ìtììtènì jà anyu ò jùtùtà, wɔ̀ hvɛ hwa hwèlì hwa ɔ̀tɔ̀ indɔ̀tɔ̀ nanù ema lìkànèyà lì hwèlì ndi ò màa mà awu. Iŋgi ndɔ̀tɔ̀ ì hwa gbeyà ò lì gbèya hweyà hwe mbindo, ndeŋgànɛlɛ hwa rza ɛnɛ lìkànèyà là ama Lohwɛ̀ nàa tɔ̀ eyà, ndeŋgànɛlɛ wɔ̀ hwa hwɛnyɛ iŋginyà ema ì hwèlì ò ŋmanyu.