1 Tɛ̀rzàlonìyà 4:7 - Mokpwe: Bakwery (New Testament)

⁷ Lohwɛ̀ a rzi jo hvɔ̀rzè o lì hwɛnɛ ɛ̀ɛ̀mɛ̀ ya èèti, ndi mɔ̀ à mà jo hvɔ̀rzɔ̀ o lì hwɛnɛ ɛ̀ɛ̀mɛ̀ ya wòtani.

1 Tɛ̀rzàlonìyà 4:7 ပူးပေါင်းရင်းမြစ်များ

Ròmànì 1:7

Ò èŋgànɛ̀lɛ̀ rzɔ, nà è tìlèlì inyɔ hwa arzɛ ema è hwèlì ò èkòmè ya Ròmànì. È hwèlì ndi hwatò ema Lohwɛ̀ à lìŋgàni ndèŋgànɛ̀lɛ̀ à mà è hvɔ̀rzɔ̀ ò lì hwɛ hwatò wà eni. Inyɛ̀ è ndèli nà ɛ̀yɔ̀lɛ̀ ema hwe uwɛ̀lɛ̀lɛ̀yi òma Lohwɛ̀ è Tatɛ̀ yà arzu, nà è Rzàŋgò Yerzù Krirztò è hwɛ nà inyɔ.

1 Kɔ̀rintìyà 1:2

Nà tìleya ndi ŋmèmba mò hwatò hwa Lohwɛ̀ ema mò hwèlì ò mbowà ndɛnɛ̀ yà Kɔ̀rintò. Inyɔ ema è hwɛ̀lɛ̀hwɛ̀yi nà Lohwɛ̀ ò lì hwɛ hwatò hwa eni hwa wòtani. À è gbèyi wòrzaŋgi èhwanja e ahviyànɛ nà Yerzù Krirztò. Nànù mɛnɛ hvɛ ndi à hvɔ̀rzì hwatò hwa arzɛ o èki ya arzɛ ema hwa kanɛ̀ o lìna la ama Rzàŋgo Yerzù Krirztò. È Rzàŋgo ya awu nà è yà arzù.

Gàletìyà 5:19

Mamɛ hweyàrzèlì hwe e nyàmà ya nyo e gbeyà hwe ɛneya telele. Hwene hweyàrzèlì hwe nyàmà nyo hwe hwèlì ndi mòrzònje, hwe gbèelì hwe hweyà hwe mbindo, e àkpàlà.

Ɛ̀hvìrzìyà 1:4

Ndèŋgànà Lohwɛ̀ à è wèka è rze, à mà màà lì jò hvɔ̀rzɔ̀ ò lì hwɛ hwatò wà eni mòndèŋge nà Yerzù Krirztò. À gbèyi ndi nanù, aŋga nanù irzɔ ì hwɛ wòtani ema ì rza ohva màtònà ò worzò wò ama Lohwɛ̀. Nà oma Lohwɛ̀ à jò lìŋgàni,

Ɛ̀hvìrzìyà 2:10

Lohwɛ̀ à mà jo wèka o lì hwɛ mamɛ ema i hwèlì naŋgɛ. Nà oma i hwèlì mɔ̀kɔ na Yerzù Krirztò, mɔ̀ à jo ŋgbelì lòŋgɛ aŋga nanù, i gbeyà hwèwòlò hwe gbamù nanù ndi Lohwɛ̀ à mà tɛ̀yirzɛ natɛ̀ɛ na e hvonda ya koohwa ema i luwa ene tumba ɛ̀ɛ̀mɛ̀ o lòŋgɛ.

Ɛ̀hvìrzìyà 4:1

O èŋgànɛ̀lɛ̀ rzɔ imba ema na hwèlì ndi nàa mòtò wa hwèwòwà èhwanja o nyòla èwòlò ema na gbèeya Rzàŋgo, nà è rzòrzòmèyà nanù ema hwɛ̀ɛ̀mɛ̀ hwe anyu hwe hwɛ ndi na oma Lohwɛ̀ a arza, na oma Lohwɛ̀ à mà e hwɛlɛ à mà e lìya.

Ɛ̀hvìrzìyà 4:19

Hwa rza oka irzɔ̀ni hwa gbèi tɛ eyà ya wòhwe, hwa aŋgbèlɛ̀yi wɔ̀ hwiti o lì gbeyà mamɛ ema e nyàma ya nyo ya arza. Hwa ohvi e nyɔ̀ŋgi i hvonda ja arzɛ o lì gbèeyà hweyà hwe ŋgàndi.

1 Tɛ̀rzàlonìyà 2:3

Èya ema i ma hwɛ lì e ohweyà nanù ema e gbeye e rzi hwɛ ndi nanù ema i ma ohva màlùtèyà ma wòhwe tɔ̀ e ma hwɛ ndi eyà ema i rzi tànɛ lì gbeyà, tɔ̀ o lì e lukɛlɛ.

2 Tìmotì 1:9

Lohwɛ̀ à mà jò rzùŋga ndèŋgànɛlɛ à mà jò hwɛlɛ ò lì hwɛ hwatò hwa eni. Mɔ̀ à gbèyi nanù rzeketɛ ò nyòla eyà ema ì gbèyi, ndi à gbèyi ndi nanù lì hvomɛ̀nɛ̀ hwètɛ̀yirzèlèlì à mà tɛ̀yirzɛ̀ ndèŋgàna hwèwòtelì hwe ene rze. À mà jò ŋgba è ndèli yà eni nà oma à jò òmelì Yerzù Krirztò anu rze.

Hibrù 12:14

È keke e hwɛnɛ ɛ̀yɔ̀lɛ̀ na hwatò hwa arzɛ na lì lìya lòŋgɛ la wòtani, èhwanja hwaŋga ema hwa rza nɔ̀ŋgɔ lòŋgɛ la wòtani hwa rza o ɛnɛ e Rzàŋgo.

2 Pètrò 2:10

À ò kɔ̀kìrzɛ̀ hwatò rzɛ̀hvɔ̀nì hwaŋga hwatò ema hwa oŋgama èèti yà è nyàma nyo yà mòtò wà hwènàmà rzi hwa hvàka lìkànèyà là ama Lohwɛ̀. Hwanu hwà-òkòlèlì hwa mòlaŋgà hwa kolì ndèŋgànà hwa ohvi hvɛ è kumba. Ndeŋgànɛ̀lɛ̀ hwa rza ŋgbelì tɔ̀ èluhwe ò iŋginyà jà è ŋmanyu yà lohwà. Wɔ̀ hwa hwɛnyɛ ndi iŋgi ŋginyà lì hwɛnyɛ, è rzi hwɛ lì oka tɔ̀ wɔ̀ŋgɔ̀ tɔ̀ wɔ̀kɔ.