1 Tɛ̀rzàlonìyà 4:13 - Mokpwe: Bakwery (New Testament)

¹³ Ìi wònyàmòwe kòkò, ja arza nanù ema e hwiye e jɔ̀kɛ̀ lì hvomɛ̀nɛ̀ hwaŋga ema hwà mà ŋwɛɛ, aŋga nanù e rza ɛhwɛ nàa hwatò ema hwa rza hwɛnɛ lìhvìtà.

1 Tɛ̀rzàlonìyà 4:13 ပူးပေါင်းရင်းမြစ်များ

Matiyò 27:52

Irzɔ̀ŋgɔ̀ ima lìhvòweya rzayi-rzayi ja hwatò hwa Lohwà ema hwà mà lòmɛ lì ŋwa, hwà mà hvùmùwà.

Yòwanìrzɛ̀ 11:24

Mata rzìi a mò alàhwɛ̀ nanù ema, “A ò hvùmùwà hvɛ e hvònda hwanɛ̀yi hwa arzɛ hwa ò hvùmùwɛ̀ ò wùnyà wò lìrzukù.”

Hwègbèèlì 13:36

Irzɔ i hwi nanù ema e hvònda ema kiŋgɛ Dàhwitì a hwèlì lòŋgɛ, à mà gbèeya Lohwɛ̀ na òma Lohwɛ̀ à mà arze. O mburza nanù, à mà ŋwa, hwà mà mò imeya ò ekì ema hwà mà imeya imbamba ja eni ò eŋgànɛ̀lɛ̀ à mà rzɔ̀mbɔ̀.

Hwègbèèlì 7:60

Aŋga ndi a à rzùma màwɔ̀ŋgɔ̀ŋgɔ̀ ma eni ò rze, rzìi a eyà na lìlò lì kàrzàmi nanù ema, “Ìi Rzàŋgò, ò hwa làkìrzɛ̀ ò wònò wòhwe ema hwa gbeyà.” Nà òma à mà kulɛ ò lì òhwa nanù, rzìi a ŋwa.

Hwègbèèlì 8:2

Ŋgurzu ja hwatò ema hwà mà ika mèèmà me awu me arzɛ ò lì gbèeyà Lohwɛ̀, hwà mà imeya Rzìtehvànɛ. Hwà mà hwɛ ò lì mò eyà na ò lì mò ɛhwɛ.

Ròmànì 1:13

Wònyamòwè kòkò, nà lìŋgàna nanù ema è hwiye nanù ema, nà mà òhva mɔ̀ŋgɛ̀lɛ̀ rzayi-rzayi ja ŋgelì ò lì jà lì è ɛnɛ ndi nàtɛ̀ɛ nà nàŋgɛ è njiya è rzi lìhvòhwèlì. Nà lìŋgàna lì jà aŋga ò lì gbeyà èwòlò ò ìtììtènì jà anyu ema è ŋyàa hwehvùma nyàyi hvɔ̀kɔ nà òma nà mà gbèeyà hvɛ hwahvɛhvɛ hwatò ema hwa rza enje wònyà Yudà.

1 Kɔ̀rintìyà 10:1

Wònyamòwè kòkò, nà arza ndi lì e ɔ̀ŋgɛ̀lɛ̀nɛ mamɛ ema e mà gbèyɛnɛ i mbamba ja arzu ema i mà nɔ̀ŋgɔ Morzè e hvonda hwà mà anjiye o Ìjiptò. Hwà mà hwɛ ndi o rze ya lìmbaki ema lì ma hwa tìmba. Hwà mà aka hvɛ ŋmànja mo teya na mataŋga e rzi hwɛ lì inda lìwɔti wɔ̀ɔ.

1 Kɔ̀rintìyà 12:1

Ìi wònyàmowe, lì hvomɛ̀nɛ̀ mamɛ ema inyɔ e ma tile o lì hvomɛ̀nɛ̀ màahweyà ema mà uwɛ̀lɛ̀lɛ̀yi na Èlìŋgɛ̀ yà Wòtani, imba na rza arza ema inyɔ e hwiye e jɔ̀kɛ̀ lì hvomɛ̀nɛ̀ maŋga màhwèyà.

1 Kɔ̀rintìyà 15:6

Rzìi à mà wurzeya hvɛ lì aka hwègbe hweta hwe hwatò ema hwà mà hwe lì mo nɔ̀ŋgɔ o ŋgelì hvɔ̀kɔ. Lòŋgò la hwaŋga hwatò hwe e hwèlì lòŋgɛ, lòŋgo hvɛ hwà mà ŋwa.

2 Kɔ̀rintìyà 1:8

Wònyamòwè kòkò, ì lìŋgànì ema inyɔ hvɛ e rzɔ̀ŋgìtɛ̀nɛ̀ kɔ̀yi-kɔ̀yi mòtàkà ema i lu o tenì yà erzòòkà ya Èrzìyà. Mòtàkà ema i lu mo ma jò lìtana nyayi ema i rzi hwiyè ema i karzòwà.

Ɛ̀hvìrzìyà 2:12

È ɔ̀ŋgɛ̀lɛ hvɛ ema o eŋge hvonda inyɔ e rzìi hwiye Krirztò. Inyɔ e rzi ahvìyànɛ̀ mondeŋge na hwatò hwa Irzàyɛ̀lì ema wɔ̀ ndi Lohwɛ̀ à mà hvɔ̀rzì. È rzi hwɛnɛ tɔ̀ eyà o lì gbeyàna yòòmbò ema Lohwɛ̀ à mà ohwe nanù ema a gbeyà mamɛ a hwɛni lì gbeyà. Nà oma e ma hwɛ o rze e rzi hwɛnɛ tɔ̀ lìhvìtà, ndèŋgàna e rzi hwiye Lohwɛ̀.

Ɛ̀hvìrzìyà 2:3

Irzɔ hwa arzɛ hvɛ i mà hwɛ ndi nàa wɔ̀. I mà hwɛ hvɛ ndi lì gbeyà hweyà o lì òkìrzɛ̀ e nyàma nyo mɔ̀nyɛ̀ŋgì. I ma hwɛ lì gbeyà hweyà hwe wòhwe na oma inyo ja arzu i ma arze nà e hweyɔ hvɛ ema màlùtèyà ma arzu ma mà arze. Wono wòhwe ema i ma hwɛ lì gbeyà, wo ma hwɛnɛ lì gbeyà Lohwɛ̀ o lì jo kɔ̀kìrzɛ̀ molemilemi na oma a kɔ̀kìrzɛ̀ hwatò hwa arzɛ.

1 Tɛ̀rzàlonìyà 4:14

Nà oma irzɔ i lòkɛ̀ nanù ema Yerzù à mà ŋwa rzìi a hvùmùwà o kpelì, o eŋgànɛ̀lɛ rzɔ̀ i lòkɛ̀ nanù ema e hvonda ema Yerzù a o timbɛ o rze, Lohwɛ̀ a o gbeyà hwaŋga hwàlòkèlì hwa arzɛ hwa ama Krirztò ema hwà mà lomɛ lì ŋwa o lì hvùmùwà rzìi hwa hwɛ na Krirztò.

1 Tɛ̀rzàlonìyà 4:15

Hwèyòkolelì ema je e okòlɛ nàŋgɛ hwe hwèlì ndi hwèyòkòlèlì hwe ama Rzàŋgo. Hweŋge hwèyòkòlèlì hwe hwèlì ndi nanù ema, irzɔ ema jo ò hwɛ o lòŋgɛ o wùnyà ema Rzàŋgo à ò jɛ̀ɛ̀, i rza tànɛ lì hwɛ o worzo rzìi hwatò ema hwà mà ŋwɛɛ rzìi hwa hwɛ o mbùrza.

1 Tɛ̀rzàlonìyà 5:10

Yerzù à mà jo ŋwèeyà aŋga nanù, i hwɛ lòŋgɛ tɔ̀ i ŋwa, e hvonda ema a o jɛ̀ɛ̀, irzɔ jo ò hwɛ na mɔ̀.

1 Tɛ̀rzàlonìyà 5:6

Ò eŋgànɛ̀lɛ rzɔ, inyɛ i rzi hwɛ nàa hwatò ema hwa gbèyi ndi nàa hwa hwèlì ò ijɔ. Ndi inyɛ i wòwe hvonda nà ò lì àwòhvɛ̀ irzɔ hwiti gbamù.

2 Pètrò 3:4

o lì ohwa nanù ema, “A ma ohwa nanù ema a jà hvɛ, one mɔ̀ à hwèlì nàŋgɛ e? Irzàŋgo ja arzu i ma màa lì ŋwa kohwaa, ndi tɔ̀ ima eyà e hwèlì ndi nanù mɛnɛ, na oma e ma hwɛ natɛ̀ɛ na o ewèkelì ya e rze.”

2 Pètrò 3:8

Imbùnda ja ami kòkò, e rzi hvoŋgà ene eyà ya awɔ̀kɛ, o rza enje tɔ hwètìkòwèlì o mirzɔ̀ ma ama e Rzàŋgo lì hvomɛ̀nɛ̀ wùnyà wɔ̀kɔ na ikolì ja meya. O mɔ̀ hwe ahwàkɛ, hwe hwèlì ndi nyayi hvɔ̀kɔ.