1 Tɛ̀rzàlonìyà 4:11 - Mokpwe: Bakwery (New Testament)

¹¹ Je e rzorzomeya hvɛ nanù ema, inyɛ tɔ̀ ima mòtò a hwɛnɛ lòŋgɛ la wɔ̀ti-wɔ̀ti, inyɛ tɔ̀ mòtò a rza ɔŋgɔ mamɛ ema ŋmanyàŋgò a gbeyà, ndèŋgànɛlɛ inyɛ tɔ̀ ima mòtò a gbeye èwòlò ya eni. Nànù ndi i ma e ohweyà nanù ema e a gbeyà.

1 Tɛ̀rzàlonìyà 4:11 ပူးပေါင်းရင်းမြစ်များ

Makòrzì 13:34

Wò ò hwɛ ndi nàa mòhwɛnɛ wà ndawò a ɛ̀ndɛ tɛ yɔ̀ndɔ̀ a lìya hwàgbèèlì hwa eni. À ŋgbà mòtò tɛ è yà eni èwòlò, rzìi a òhweyà e mɔ̀ɔ̀ŋgèlì wà hwèkpeyànèlì hwe èwòka ema a gbè èwòlò ya eni gbamù.

Hwègbèèlì 18:3

Èhwanja mɔ̀ hvɛ à mà hwɛ ndi mòòŋgelì wa màwòndò na òma wɔ hvɛ hwà mà hwɛ, ò eŋgànɛ̀lɛ̀ mɔ̀ hvɛ à mà lìya rzìi a à gbeyà èwòlò na wɔ̀.

Hwègbèèlì 20:35

O tenì ya hwene hweyà hwe arzɛ, imba nà mà e uŋmɛ̀lɛ̀ nanù ema, ò lì gbeyà èwòlò na ŋginyà ò ene ŋgana, aŋga nanù inyɔ e òŋgòwàna hwà-òkèlì na lì ɔ̀ŋgɛ̀lɛ̀ e mbɔrzi ema Rzàŋgò Yerzù a ma òhwe nanù ema, ‘O hwèlì mònàmɛ̀ rzayi-rzayi ò lì ŋgbàà lì aka ò lì wòwa.’”

Ròmànì 12:11

È rzi keka ò lì hwɛ rziŋga. Inyɛ̀ tɔ̀ ima mòtò a hwɛnɛ e nyɔ̀ŋgi ya lì gbèeyà e Rzaŋgò na ŋmèma mò eni mò arzɛ.

Ròmànì 15:20

Ɛkɔ̀ɔ̀nji ya ami e hwèlì ndi ò lì òhwa Ŋmɛ̀ndì mò Gbamù ò hwèki ema hwatò hwa rzi hweyi lì hvòmɛ̀nɛ̀ Krirztò. Nà ò gbeyà nanù aŋga nanù na rza ò ɛndɛ ò ekì ema òhvɛhvɛ mòtò à mà tòma èwòlò.

1 Kɔ̀rintìyà 4:12

Irzɔ i gbeyà èwòlò ya imbami na màà mà arzu, ò lì lùwa lì làa la arzu la wùnyà. Hwatò hwa jò jemi tɛ ì hwa nàmìrzɛ̀, hwatò hwa jò tàkirzɛ tɛ i hwa àjùlɛ̀nɛ̀.

2 Kɔ̀rintìyà 5:9

O èŋgànɛ̀lɛ̀ rzɔ, mèèmà me arzu me arzɛ me hwɛni ndi lì hwɛ o lì lìŋgirzɛ Yerzù o mamɛ ya arzɛ ema i gbeyà, ŋga i hwɛ o nyàmà ya nyo tɔ̀ i rzi hwɛ.

Ɛ̀hvìrzìyà 4:28

Hwàyihwɛ̀ hwa hwɛmɛ lìihwa. Ndi tɔ̀ nanù hwa gbeyàne màà mà awu o lì gbeyà èwòlò na ŋmèma mɔ̀kɔ. Aŋga nanù, hwa luwa yoma ema hwa tànɛyi lì oŋgowàna hvɛ mèlìrza me hwatò.

1 Tìmotì 2:2

È kànɛlɛlɛ ikiŋgɛ̀ na hwanɛyi hwatimbelì hwa arzɛ hwa lìkànèyà. Ène e gbèeyà mɔ̀ŋgɛ̀lɛ̀ ma arzu ma hwɛ o ɛ̀yɔ̀lɛ̀ e rzi hwɛ tɔ̀ mòhvùŋgu, jo ò gbèeyà ndi na oma Lohwɛ̀ a arza nanù ema i gbeye na lì mo ŋgbaà èluhwe ihvonda ja arzɛ.

1 Tìmotì 5:13

Ndeŋgànɛ̀lɛ̀ hvɛ Hwèrzɔ̀mbɛ̀ hwe mekurze hwe nyàmɛ̀lɛ lì lìya nanù e rzi hwɛ lì gbeyà tɔ̀ eyà na o lì hvɛhvɛ hwahvɛhvɛ hwatò ò mandawò ma awu. Rzeketɛ ema hwa rza hwɛ ndi rziŋga mɛnɛ, ndi hwa inda hwatò na o lì ohwa hweyà ema hwe rza hwa hvomɛ̀nɛ̀. Wɔ̀ hwa ohwa lì hvomɛ̀nɛ̀ hweyà ema hwa rza àŋgàmɛ̀nɛ̀yi lì ohwa.

Tàyìtùrzì 3:14

Ndèŋgànɛ̀lɛ̀ o gbeye hwatò hwa arzu o lì okowa o lì gbeyà hweyà hwe gbamù. Wɔ̀ hwa àŋgàmɛ̀nɛ̀yi lì oŋgòwànà o lì gbeyà hweyà ema hwe arzahwa nanù ema mòtò a hwe gbeye. Wɔ̀ hwa rza gbeyà hweyà hwe ŋgàndi.

1 Pètrò 3:4

Ndi hwe e hwiye ndi o mòlòŋgà ema mo uwɛ̀lɛ̀lɛ̀yi ndi o tenì ya anyu moŋgo mòlòŋgà mo rza àyèŋgòwɛ̀ ehwànja mo uwɛ̀lɛ̀lɛ̀yi ndi o èlìŋgɛ̀ ema e arzihwirzɛ na lì hwɛ hviyayi. Moŋgo mòlòŋgà mɔ̀ ndi Lohwɛ̀ a ɛnɛ nanù ema mo hwèlì wòlìto.

1 Pètrò 4:15

È hwèlì tɛ nanù ema e taka, e rza hwɛ ndi nanù ema ehwànja inyɔ e oŋwa hwatò, tɔ̀ ehwànja e ma ìhwa, tɔ̀ ehwànja e hwèlì ndi hwatò hwa wòhwe, tɔ̀ ehwànja e hwèlì ŋmalì o hweyà hwe hwatò.