1 Tɛ̀rzàlonìyà 3:12 - Mokpwe: Bakwery (New Testament)

¹² I kànɛ nanù ema, inyɛ e Rzàŋgo e gbeye e ndìŋgɛ ema e ahwɛnɛnɛ mɔ̀kɔ na ɔ̀nɛyi na o hwatò hwa arzɛ e ahwàtɛ na lì hvuhva nyayi hvɔ̀kɔ hvɛ na oma e ndìŋgɛ ya arzu ema je e hwɛnelì yɔ hvɛ e ahwàtɛ.

1 Tɛ̀rzàlonìyà 3:12 ပူးပေါင်းရင်းမြစ်များ

Matiyò 22:39

È mbenda ema e ùkirzɛ̀ ihwàkɛ ema yɔ̀hvɛ e òhvi wòlìtò nà è mbenda ya wòrzò, nanù ema, ‘Lìŋgàna e mòtò ema à ò kòmbɛ̀nɛ̀ na òma ò alìŋgànɛ̀yi ò wà witi.’

Matiyò 7:12

O èŋgànɛ̀lɛ̀ rzɔ, ò gbèeyà hwahvɛhvɛ hwatò nà òma ò àrza nanù ema wɔ̀ hvɛ hwa ò gbèeyà. Nanù ndi è mbenda yà ama Lohwɛ̀ nà hwà-òhwèlì hwa hwèlìŋgɛ̀ yò òkòlɛ nà è jɔ̀kɛ̀.”

Lukàrzɛ̀ 17:5

I àpɔ̀rzìtòlò rzi jò òhweyà è Rzàŋgò nanù ema, “O jò ètirzɛ màlòkɛ̀ ma arzu.”

Ròmànì 13:8

È rzi keka, ò lì òhvana tɔ̀ mòtò tɔ̀ lìyɛmɛ. Liyɛmɛ mɛnɛ ema e hwɛni, lì hwèlì ndi ò lì lìŋgàna mɔ̀kɔ na ɔ̀nɛyi. Tɔ̀ ima mòtò ema a gbèyi nanù, nanù ò ma a ika e mbenda ya arzɛ.

2 Kɔ̀rintìyà 9:10

Lohwɛ̀ ndi à ŋgbà hwatò mamɛ ema hwa ona, rzìi a ŋgba hvɛ hwatò mamɛ ema hwa laa. A o e ŋgbà mamɛ ya arzɛ ema e hwɛni lì ona, a o hwe gbeyà o lì oŋga ndèŋgànɛlɛ a o hwe gbeyà nanù ema hwe ŋyàa mbota rzayi-rzayi. A o gbèeyà ndi ene eyà nanù lì hvomɛ̀nɛ̀ mèèmà me anyu me gbamù.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.

Hvìlipìyà 1:9

Nà kanɛ̀ nanù ema, è ndiŋgɛ ema e ohvani Lohwɛ̀ ndèŋgànɛ̀lɛ̀ e yɔ ema e àwòhvànɛ̀lɛ̀yi mɔ̀kɔ na ɔnɛyi e ɛndɛ ndi o worzo nanù mɛnɛ. Ndeŋgànɛ̀lɛ̀ nà kànɛ hvɛ nanù ema inyɛ e hwiye hweyà hwe ama Lohwɛ̀, ndèŋgànɛ̀lɛ̀ e rzɔ̀ŋgìtɛ̀nɛ̀ o lì kakohwa hweyà ema hwe lɔ̀wu na e hweyɔ ema hwe rza lɔ̀wu.

1 Tɛ̀rzàlonìyà 2:8

Je e lìŋgàni rzàyi-rzàyi, rzeketɛ o lì e ohwa Ŋmɛ̀ndì mò Gbamù mo ama Lohwɛ̀ mɛnɛ, ndi o lì arza hvɛ hveyo ò lì e oŋgowàna ehwànja je e lìŋgàni rzayi-rzayi.

1 Tɛ̀rzàlonìyà 4:1

Ìi wònyamòwè kòkò, jo òhwa hvɛ nanù ema, i ma e okolɛ nɛ e àŋgàmɛ̀nɛ̀yi lì lìya o lì òkìrzɛ̀ Lohwɛ̀ mɔ̀nyɛ̀ŋgi. Ndeŋgànɛ̀lɛ̀ o jɔ̀kɛ̀ nanù ndi hwèlìyelì hwe anyu hwe hwèlì o nàŋgɛ. O nàŋgɛ nanù, je e akowana, na lì e ohweyà o lìna la ama Rzàŋgo Yerzù nanù ema, e hwɛ ndi o lì lìyàna ene nyayi ya ɛ̀ɛ̀mɛ̀.

1 Tɛ̀rzàlonìyà 5:15

È ɛnɛ hvɛ nanù ema tɔ̀ mɔ̀kɔ wa anyu a rzi timbirzɛ wòhwe e hwèlì tɛ nanù ema mòtò a mo gbeyànì wòhwe. Ndi e keke o ihvonda ja arzɛ o lì ahwɛnɛnɛ ŋmèma mo gbamù mɔ̀kɔ na ɔ̀nɛyi na o hwahvɛhvɛ hwatò.

2 Tɛ̀rzàlonìyà 1:3

Ìi wònyamòwè ì hwɛni lì eka Lohwɛ̀ ihvonda ja arzɛ lì hvomɛ̀nɛ̀ inyɔ. È hvomɛ̀nɛ̀ ò irzɔ lì gbeyà nanù, ehwànja lìlòkɛ̀ là anyu lì hwèlì lì oŋga rzayi-rzayi, rzìi è ndìŋgɛ ema è à ohvànɛ mɔ̀kɔ nà ɔ̀nɛyi è olo rzayi.

Jèmìrzì 1:17

Tɔ̀ ima jàhwèyà ja gbamù nà tɔ̀ ima eyà ema e ondìrzɛhwɛyi gbamù, hwe uwɛ̀lɛ̀lɛ̀yi ndi o ma Tàtɛ ema a hwèlì o ŋmanyu yà lohwà. Tatɛ̀ ndi à weki hwèèmà hwe arzɛ ema hwe uŋmɛ̀lɛ̀ ŋmàye o ŋmanyu yà lohwà. Hwene hwèèmà hwe hvànya ŋmàye ndèŋgànɛ̀lɛ̀ mono ŋmàye mo ayèŋgowɛ̀ ndi Lohwɛ̀ a rza ayeŋgòwɛ̀.

2 Pètrò 1:7

O ŋmanyu ya lì gbeyà hweyà ema Lohwɛ̀ a arza, inyɔ hwatò hwa ama Krirztò inyɛ e ndìŋgɛ e hwɛ o ìtììtènì ja anyu. O ŋmanyu ya e ndìŋgɛ o ìtììtènì ja anyu ja hwatò hwa ama Krirztò, e lìŋgàne tɔ̀ ima mòtò.

2 Pètrò 3:18

Ndi tɔ̀ nanù, e hwɛnɛ ndi ɛ̀ɛ̀mɛ̀ mɛnɛ ya ama e Rzàŋgo na e Mòrzùŋgèlì wa arzu Yerzù Krirztò, a e ŋgba e ndèli ya eni nanù mɛnɛ. Èluhwe e hwɛ na mɔ̀ o nàŋgɛ natɛ̀ɛ na o mòlìkɛ̀. Inyɛ̀ wo lìya nanù.