1 Tɛ̀rzàlonìyà 2:16 - Mokpwe: Bakwery (New Testament)

¹⁶ Hwà mà keka hvɛ lì jo tɛmirzɛ o lì ohwa ŋmɛ̀ndì mo ama Lohwɛ̀ o hwatò ema hwa rza enje wònyà Yudà, aŋga nanù hwaŋga hwatò ema hwa rza enje wonyà Yuda hwa rza o rzùŋgàhwà. O ihvonda ja àrzɛ, wɔ̀ hwa hwàtɛ ndi wòhwe o wòhwe, natɛ̀ɛ o lìrzùkù, Lohwɛ̀ a àŋgàmɛ̀nɛ̀yi lì hwa kɔ̀kìrzɛ̀.

1 Tɛ̀rzàlonìyà 2:16 ပူးပေါင်းရင်းမြစ်များ

Matiyò 12:45

Èŋge èlìŋgɛ̀ e ɛ̀ndɛ̀ ò lì jànà hwehvɛhvɛ hwèlìŋgɛ̀ hwe wòhwe lìrzambà, ema hwe hwèlì wòhwe lì mò àka, rzìi hwe jà ò lì kpèeyà òŋgò mòtò, rzìi hwe arzɛ̀kɛ̀lɛ̀ aŋga. Lìŋgi lìrzàkò rzɔ, òŋgò mòtò a hwɛ wòhwe lì aka mamɛ à mà lòme lì hwɛ. O èŋgànɛ̀lɛ̀, nanù ndi e ò gbèyɛ̀nɛ na ene nyɔ̀ŋgɔ̀nì ya yàwònò.”

Matiyò 23:32

È ɛndɛ ò wòrzò e umbulɛ èwòlò ema i mbamba ja anyu i ma wòteyà!

Matiyò 24:14

Mònò ŋmɛ̀ndì mò gbamù lì hvòmɛ̀nɛ̀ lìkànèyà la ama Lohwà mò òhwahwa ò marzuku ma e rze ya arzɛ nàa mbòŋgi ò hwèkòmè, ndèŋgàna lìrzukù lì e ja.

Matiyò 24:6

È ò hwèya injùmà nà mɛɛ̀ndi me njùma ndi tɔ mɔ̀kɔ hwa anyu a rzi keka lì tumeya. Hwenè hweyà hwe hwɛni lì gbèyɛnɛ ndi rzeketɛ hweyɔ ndi hwe uŋmɛ̀lɛ̀ nanù ema lìrzukù lì ma jà.

Matiyò 3:12

Ɛ̀rzɛ̀ŋgbɛ̀nì ema è hwèlì ò lìya là eni, ò lì rzɛ̀ŋgbɛnɛ hwèyàrzà ò hvɔ̀ŋgɔ̀ ema ì hwèlì ò kɛ̀lɛ. À kulɛ tɛ lì rzɛ̀ŋgbɛ, à rzàŋgà ì hvɔ̀ŋgɔ̀ jà gbamù, à ji ùtà. Rzìi à rzàŋgà hvɛ hwèyàrzà, à hwe rzòwà ò mùnya ema mò rza lìma.”

Makòrzì 16:16

Tɔ̀ ima mòtò ema à lòkɛ̀yi rzìi a lùhwìrzɛ̀hwɛ̀ à ò kɔtɔ̀wɔ. Ndì tɔ̀ ima mòtò ema a rza lòkɛ̀ a ò kɔkìrzɛhwɛ̀.

Hwègbèèlì 13:45

È hvònda wònyà Yudà hwà mà ɛnɛ e ŋgìndì, hwà mà òndana na lìrziŋga. Rzìi hwa wòteya lì teŋgɛ̀nɛ̀ mamɛ ema Pàwolò à mà hwɛ lì òhwa na ò lì mò rzòrzòlɛ hweyòlì.

Hwègbèèlì 13:50

Ndi wònyà Yudà hwà mà umbɛlɛlɛ hwàtimbelì hwa e mbòwa, na hwàmbaki hwa hwàalanà ema hwà mà hwɛ lì gbèeya Lohwɛ̀. Hwanu hwatò rzɔ hwà mà jàneyà Pàwolò na Bànàbàrzì lùwànje rzìi hwa hwà hvaya ò erzòòkà ya awu.

Hwègbèèlì 14:19

Lòŋgò là hwatò hwa wònyà Yudà hwa mà uwɛ̀lɛ̀lɛ̀yi ò mbòwà ndɛnɛ yà Antìyɔ̀kì ò erzòòkà yà Pìrzìdìyà, ndèŋganɛlɛ hwa mà uwɛ̀lɛ̀lɛ̀yi hvɛ ò è mbòwa ndɛnɛ yà Ikɔ̀nìyùmì rzi hwa uka ò è mbòwa ndɛnɛ ya Lìrzìtìrà. Wɔ̀ hwa mà lɔ̀mbɔ̀ è ŋgindi natɛ̀ɛ wɔ̀ nà è ŋgindi hwa uŋma Pàwolò màŋyàyi, rzìi hwa à mò kòòhwà ò rze, rzìi hwa mò wurzana ò mbòwà ndɛ̀nɛ, èhwanja hwa mà ɔ̀ŋgɛ̀lɛ̀ nanù ema à mà ŋwa.

Hwègbèèlì 14:2

Ndi lòŋgò la wònyà Yudà ema hwà mà rzɔ̀rzɔ̀ ò lì lòkɛ̀, hwà mà hvuŋguwa hwaŋga hwatò ema hwa rza enje wònyà Yudà, rzìi hwa hwà hvaŋga mèèmà me awu ò lì teŋgɛ̀nɛ̀ hwàlòkèlì hwa ama Yerzù.

Hwègbèèlì 14:5

Ndi lòŋgò la hwatò ema hwa rza enje wònyà Yudà na lòŋgò la hwatò hwa wònyà Yudà, na hwàtìmbèlì hwa awu hwà mà kima nanù ema hwa hwɛni lì tàkirzɛ Pàwolò na Bànàbàrzì ndèŋganɛlɛ hwa hwà àŋgba mayanyi.

Hwègbèèlì 17:13

Ndi na òma hwatò hwa wònyà Yudà hwa e mbòwa ndɛnɛ ya Tɛ̀rzàlònìkà hwà mà hweye nanù ema Pàwolò a hwèlì a òhwa hvɛ eyà ya Lohwà ò mbòwa ndɛnɛ ya Bèrìyà, wɔ̀ hwà mà ɛndɛ aŋga, rzìi hwa wòteyà lì tinɛlɛ e ŋgindi ò lì jana lùwànje.

Hwègbèèlì 19:9

Ndi lòŋgò la awu hwà mà hwɛnɛ maniya ndèŋgànà hwa rzi emeyà ò lì lòkɛ̀. Hwà mà hwɛ lì òhwa hweyà hwe wòhwe ò marzò ma hwatò hwa arzɛ lì hvòmɛ̀nɛ̀ e Njiya ya ama e Rzàŋgò. O eŋgànɛ̀lɛ̀ rzɔ Pàwolò à mà hwa hwɛmɛ rzìi a ɛndɛ na hwatò ema hwà mà lòkɛ̀. Wùnyà tɛ mɔ̀ na wɔ hwà mà hwɛ ndi ò hvenda ò tenì ya e ndawò ya hwèyòkòlèlì ya ama e mòòkòlèlì Tìlanùrzì.

Hwègbèèlì 21:21

Wɔ hwà mà òhwahwɛlɛ lì hvòmɛ̀nɛ̀ ò wa nanù ema, ò òkòlɛ wònyà Yudà hwa arzɛ ema hwa lìya ò hwèkòmè hwe hwaŋga hwatò ema hwa rza enje wònyà Yudà, nanù ema wɔ̀ hwa rza oŋgàmà e mbenda ya ama Mòrzè. Wɔ hwa òhwa nanù ema, ò wa ò hwa òhweyà nanù ema hwa rzi enda hwàanà hwa awu, ndèŋgàna hwa rza òŋgama ɛ̀ɛ̀mɛ̀ ya wònyà Yudà.

Hwègbèèlì 23:12

O enɛyi eka ya elele, lòŋgò la hwatò hwa wònyà Yudà hwà mà arzàŋganɛ rzìi hwa weka ŋmànò. Hwà mà aàtɛ hwèyi nanù ema wɔ̀ hwa rza ò laa tɔ̀ lì nyɔ tɔ̀ yòma natɛ̀ɛ hwa òŋwa Pàwolò.

Hwègbèèlì 24:9

Rzìi hwanɛ̀yi hwatò hwa wònyà Yudà wɔ hvɛ hwa làtà ò mene mèrzàmbelì ò lì òhwa nanù ema hweyà hwe arzɛ ema Tɛ̀tùlùrzì a òhwi hwe hwèlì ndi e jɔ̀kɛ̀.

Hwègbèèlì 25:2

Aŋga ò Jèrurzalɛ̀mù, ema ipìlìrzì ndɛnɛ na hwàmbaki hwa hwatò hwa wònyà Yudà wɔ hwà mà òhweyà Hvɛ̀rzìtùrzì hweyà ema hwa òhwa nanù ema Pàwolò à mà gbeya. Wɔ̀ hwà mà rzòrzòmeya Hvɛ̀rzìtùrzì,

Hwègbèèlì 25:7

È hvònda ema hwà mà jàne Pàwolò aŋga, hwatò hwa wònyà Yudà ema hwà mà uwɛ̀lɛ̀lɛ̀yi ò Jèrurzalɛ̀mù hwà mà mò tɛmeya ò tòŋgòŋgò. Wɔ̀ hwà mà wòteyà lì òhwa hweyà hwe wòhwe ema wɔ hwà mà òhwe nanù ema à mà gbeyà. Ndi hwa rzìi tànɛ lì uŋmɛ̀lɛ̀ tɔ̀ lìtiŋga tɔ̀ lɔ̀kɔ nanù ema mɔ̀ à mà gbeyà hwene hweyà.

Hwègbèèlì 4:12

“Lì òŋgirzɛhwɛ lì rza uwɛ̀lɛ̀lɛ̀yi na ohvɛhvɛ mòtò lì aka tɛ Yerzù, èhwanja ò rza enje tɔ̀ lì hvɛhvɛ lìnà ò tenì ya ene rze ema Lohwɛ̀ à mà ŋgbe hwatò hwa hwènàmà ema lì àŋgàmɛ̀nɛyi lì jò rzùŋgà.”

Hwègbèèlì 9:23

O mburza ya rzayi-rzayi ja mèenyà ema me ma aka, wònyà Yudà hwà mà arzàŋganɛ rzìi hwa wèka ŋmanò mò lì òŋwa Rzàwòlò.

1 Kɔ̀rintìyà 10:33

È gbèyè ndi nà oma imba nà gbeyà. Nà kèka lì okìrzɛ̀ tɔ̀ ima mɔ̀ mɔ̀nyɛ̀ŋgì o hweyà hwe arzɛ ema na gbeyà, na rza ɔ̀ŋgɛ̀lɛ̀ ndi hweyà hwe ami mɛnɛ ndi o gbamù wo hwatò hwa arzɛ aŋga nanù Lohwɛ̀ a hwa rzùŋgà wɔ̀ hwa arzɛ.

Gàletìyà 5:11

Wònyamòwè kòkò, na ɛndi tɛ o worzo ò lì ohwa nanù ema mòtò a kànɛ̀yi lì endàhwà ndèŋgàna Lohwɛ̀ a o mo emeyà nàa mòtò ema a rzaŋgi na oma wònyà Yudà hwa lòkɛ̀yi, mamɛ ndèŋgàtɛ̀ inyɔ e no kàyìrzɛ e? Imba nà mà hwɛ tɛ lì ohwa nanù ema hwa àŋgàmɛ̀nɛ̀yi lì enda mòtò, e rzi hwɛ imba lì ohwa lì hvomɛ̀nɛ̀ e kpelì ya ama Yerzù o mbarza o ma eŋge e rza tàtìrzɛ̀ wònyà Yudà.

Ɛ̀hvìrzìyà 3:13

Ò èŋgànɛ̀lɛ̀ rzɔ nà è àtɛ̀kɛ̀ ema, è rzi tùùhweyà ŋmèma èhwanja mètàkà ema nà lùwa inyɔ ndeŋgatɛ nà mè lùwa. Imba nà hwèlì ndi ò lì è tàkeyà. Moŋgo mòtakà mɔ̀ ndi mò è jàneyà mɔ̀rzɛ̀ŋgi.

Ɛ̀hvìrzìyà 3:8

Tɔ̀ nɛ nà rza hwɛnɛ wòlìto ò ìtììtènì ja hwatò hwa ama Lohwɛ̀, Lohwɛ̀ à mà nò ŋgbà è ndèli yà eni ò lì ohweyà hwaŋga hwatò ema hwa rza enje wònyà Yudà lì hvomɛ̀nɛ̀ mònàmɛ̀ ema Krirztò à ŋgbà. Tɔ̀ mòtò wà hwènàmà à rza tànɛyi lì hwiya nɛ̀ mono mònàmɛ̀ mò hwèlì.

1 Tɛ̀rzàlonìyà 1:10

Hwa ohwa hvɛ nà oma inyɔ è ambɛ̀lɛ̀lɛ̀ hwèjèelì hwe è Ŋmanà wà ama Lohwɛ̀ ema à uwɛ̀lɛ̀lɛ̀yi ò ŋmanyu yà lohwà. Oŋgo Ŋmanà wà ama Lohwɛ̀ Yerzù, ema à jò rzùŋgi ò è kɔ̀kìrzɛ̀ yà ama Lohwɛ̀ ema è jà, mɔ̀ ndi Lohwɛ̀ à mà hvùmùlɛ̀.

2 Tɛ̀rzàlonìyà 2:10

A gbeyàna nyayi na nyayi ja meyano me wòhwe o hwatò ema mòŋgɛ ma awu mo ò hvàŋgahwɛ̀. Mòŋgɛ ma awu ma o hvàŋgahwà ehwànja wɔ̀ hwa rzɔ̀rzì o lì lìŋgàna e jɔ̀kɛ̀ ema e o hwa kɔ̀tɛ.

1 Tìmotì 2:4

Lohwɛ̀ mɔ̀ à arza nanù ema mòtò tɛ a rzuŋgahwe na o lì rzɔŋgìtɛ̀nɛ̀ e jɔ̀kɛ̀ ya Eyà ya Lohwà.

Hibrù 6:8

Ndi mɔ̀nyɛ̀ mo wùrzìrzɛ tɛ ndi hwènyɛ̀ŋgɛ̀yɛ̀ŋgɛ̀ na hwèwùlè hwe wòhwe, nanù oma moŋgo mɔ̀nyɛ̀ mo rza hwɛnì tɔ̀ mɔ̀rzɛ̀ŋgi. Moŋgo mɔ̀nyɛ̀ mo hwèlì o mbèmbè ya lì jemahwa na Lohwɛ̀, rzìi o lìrzukù moŋgo mɔ̀nyɛ̀ mo rzɛlɛhwɛ o mùnya.

Hwèwulùwèlì 22:11

Hwàto ema hwa gbeyà wòhwe inyɛ hwa eleyà ndi o lì gbeyà wòhwe. Inyɛ̀ hwaŋga ema hwa gbeyà hweyà hwe mbìndo inyɛ hwa eleyà ndi o lì gbeyà hweyà hwe mbìndo. Hwàŋga ema hwa gbeyà hweyà ema hwe hvomɛ̀nɛ̀, inyɛ hwa eleyà ndi o lì gbeyà hweyà ema hwe hvomɛ̀nɛ̀, ndèŋgànɛ̀lɛ̀ hwaŋga ema hwa hwèlì wòtani inyɛ hwa eleyà ndi o lì hwɛ wòtani.”