1 Tɛ̀rzàlonìyà 2:14 - Mokpwe: Bakwery (New Testament)

¹⁴ Ìi wònyàmòwe kòkò, nyayi ya eyà yɔ̀kɔ mɛnɛ ema e ma e gbèyɛ̀nɛ o mèemba me hwatò hwa ama Lohwɛ̀ ema hwa lòkɛ̀ Yerzù Krirztò ema hwa hwèlì o Jùdeyà, yɔ ndi e ma e gbèyɛ̀nɛ inyɔ hvɛ. Inyɔ e ma tàkìrzɛ̀hwɛ o màà mà hwanu hwatò na oma wɔ̀ hvɛ hwà mà take o màà mà hwatò hwa Irzàyɛ̀lì.

1 Tɛ̀rzàlonìyà 2:14 ပူးပေါင်းရင်းမြစ်များ

Hwègbèèlì 11:19

O èŋgànɛ̀lɛ̀ rzɔ ò naŋgɛ, hwaŋga hwàlòkèlì ema hwà mà bùweyà ò lìŋgi lìrzakò la e kanjɛ̀-kanjɛ̀ lìrzakò ema Rztèhvànì à mà òŋwahwe, hwà mà ɛ̀ndɛ yɔ̀ndɔ̀ ya hvòò natɛ̀ɛ na ò hwèkòmè hwe, Hvɔ̀yènìrzìyà, Rzàyìprɔ̀rzì, na ò mbòwà ya Antìyɔ̀kì. Wɔ̀ hwà mà hwɛ lì ɛndɛ nanù, hwà mà òhweyà ndi hwatò hwa Yudà mɛnɛ ŋmɛ̀ndì mò gbamù.

Hwègbèèlì 13:50

Ndi wònyà Yudà hwà mà umbɛlɛlɛ hwàtimbelì hwa e mbòwa, na hwàmbaki hwa hwàalanà ema hwà mà hwɛ lì gbèeya Lohwɛ̀. Hwanu hwatò rzɔ hwà mà jàneyà Pàwolò na Bànàbàrzì lùwànje rzìi hwa hwà hvaya ò erzòòkà ya awu.

Hwègbèèlì 14:19

Lòŋgò là hwatò hwa wònyà Yudà hwa mà uwɛ̀lɛ̀lɛ̀yi ò mbòwà ndɛnɛ yà Antìyɔ̀kì ò erzòòkà yà Pìrzìdìyà, ndèŋganɛlɛ hwa mà uwɛ̀lɛ̀lɛ̀yi hvɛ ò è mbòwa ndɛnɛ yà Ikɔ̀nìyùmì rzi hwa uka ò è mbòwa ndɛnɛ ya Lìrzìtìrà. Wɔ̀ hwa mà lɔ̀mbɔ̀ è ŋgindi natɛ̀ɛ wɔ̀ nà è ŋgindi hwa uŋma Pàwolò màŋyàyi, rzìi hwa à mò kòòhwà ò rze, rzìi hwa mò wurzana ò mbòwà ndɛ̀nɛ, èhwanja hwa mà ɔ̀ŋgɛ̀lɛ̀ nanù ema à mà ŋwa.

Hwègbèèlì 14:2

Ndi lòŋgò la wònyà Yudà ema hwà mà rzɔ̀rzɔ̀ ò lì lòkɛ̀, hwà mà hvuŋguwa hwaŋga hwatò ema hwa rza enje wònyà Yudà, rzìi hwa hwà hvaŋga mèèmà me awu ò lì teŋgɛ̀nɛ̀ hwàlòkèlì hwa ama Yerzù.

Hwègbèèlì 14:4

Hwàtò hwa èŋge mbòwà ndɛ̀nɛ hwà mà akahwanɛ mòòŋgò ma hwàkɛ. Lòŋgò la hwatò hwà mà timbana wònyà Yudà e mburza hwanɛyi hwatò wɔ̀ hvɛ I àpɔ̀rzìtòlò.

Hwègbèèlì 14:5

Ndi lòŋgò la hwatò ema hwa rza enje wònyà Yudà na lòŋgò la hwatò hwa wònyà Yudà, na hwàtìmbèlì hwa awu hwà mà kima nanù ema hwa hwɛni lì tàkirzɛ Pàwolò na Bànàbàrzì ndèŋganɛlɛ hwa hwà àŋgba mayanyi.

Hwègbèèlì 17:13

Ndi na òma hwatò hwa wònyà Yudà hwa e mbòwa ndɛnɛ ya Tɛ̀rzàlònìkà hwà mà hweye nanù ema Pàwolò a hwèlì a òhwa hvɛ eyà ya Lohwà ò mbòwa ndɛnɛ ya Bèrìyà, wɔ̀ hwà mà ɛndɛ aŋga, rzìi hwa wòteyà lì tinɛlɛ e ŋgindi ò lì jana lùwànje.

Hwègbèèlì 18:12

È hvònda ema Kàyirza à mà lìirzɛ Galìyò ò mbòkò nàa e Gɔhwina ndɛnɛ ò erzòòkà ya Àkayiyà, hwatò hwa wònyà Yudà ò mbòwa ndɛnɛ ya Kɔ̀rintò hwà mà alatanɛ, rzìi hwa ŋgbaŋgɛ Pàwolò, rzìi hwa mò jànà ò ndawò ya hwèkàyìrzèlì.

Hwègbèèlì 8:1

Rzàwòlò à mà ukeya ndèŋgànɛ̀lɛ̀ mɔ̀ à mà emeyà nanù ema hwa òŋwe Rzìtehvànɛ. O wòŋgò wùnyà mɛnɛ ŋmèmba mò Jèrurzalɛ̀mù me ma tàkìrzɛ̀hwɛ ŋginyà ò màà mà wònyà Yudà. Hwàlòkèlì hwa arzɛ hwà mà kuwa lì wuhweyà ò hwèrzòòkà hwe arzɛ hwe Jùdeyà na Rzàmàrìyà. Ndi I àpɔ̀rzìtòlò mɛnɛ ndi i ma lìiya.

Hwègbèèlì 8:3

Ndi Rzàwòlò mɔ̀ à mà arza ndi ò lì hvaŋga ŋmèmba. À mà lìŋgòwa ndawò nà ndawò tɛ, rzìi a rzììmà hwàlòkèlì, è wɔ̀ hwa wunyanà nà è wɔ̀ hwa hwalanà. Rzìi à hwa aŋgɛ wɔ̀ hwa arzɛ ò hwèwòwà.

Hwègbèèlì 9:1

Ò ene hvònda Rzàwòlò mɔ̀ à mà hwɛ ndi lì kimeya ò lì òŋwa hwàlòkèlì hwa ama è Rzàŋgò. À mà ɛndɛ lì ùŋmànɛ̀lɛ̀ è Pìlìrzì ema è Kàrzami.

Hwègbèèlì 9:13

Ànàniyarzì rzìi à mò alàhwɛ̀ nanù ema, “Ìi Rzàŋgò, rzayi-rzayi jà hwatò hwa mà nò òhweyà lì hvòmɛ̀nɛ̀ ònò mòtò, nà hweyà hwe arzɛ hwe wòhwe ema mɔ̀ à mà gbeyànɛ̀ hwatò hwa aŋgɔ̀ hwa wòtani ò mbòwà yà Jèrurzalɛ̀mù.

Hwègbèèlì 9:31

O èŋgànɛ̀lɛ̀ rzɔ, ò eŋge hvònda ya arzɛ hwatò ema hwà mà lòkɛ̀ Yerzù ò hwèrzòòkà hwe arzɛ hwe Yùdeyà, Galìlì na Rzàmàrìyà hwe ma luwa ɛ̀yɔ̀lɛ̀. Ndeŋgànɛ̀lɛ̀ hwà mà òhva wɔ̀ɔŋgɔ̀ wò ama Lohwɛ̀ na wɔ̀, ndèŋgànɛ̀lɛ̀ Èlìŋgɛ̀ yà Wòtani e ma gbeyà hwà mà imbama.

1 Kɔ̀rintìyà 10:32

È lìya nyayi ya ŋgàna ema e rza gbeyà mòhvùŋgu nà wònyà Yudà, hwaŋga ema hwa rza enje wònyà Yudà tɔ̀ na miitelì me ama Lohwɛ̀.

1 Kɔ̀rintìyà 7:17

Tɔ̀ ima mɔ̀ hwa arzu, a lìiya hvɛ ndi o hwètɛ̀yìrzèlèlì hwe ama Rzàŋgo Yerzù na oma i ma hwɛ, o lìrzako ema Lohwɛ̀ a mà lome lì jo hwɛ̀lɛ. Èya ya ami ene ema imba na okolɛ̀ o mìitelì me arzɛ.

Gàletìyà 1:22

O eŋge hvonda ŋmèmba mò hwatò hwa mìitelì mò erzòokà ya Jùdeyà hwa rzi no hwiye hvɛ tɔ̀.

1 Tɛ̀rzàlonìyà 1:1

Imba Pàwolò, mòndèŋgè nà Rzàyìlàrzì nà Tìmòtì ndi nà è tìleyà ene kààti. Nà è tìleyà ndi inyɔ hwatò ema è hwèlì ò ŋmèmba mò è mbowà ndɛnɛ yà Tɛ̀rzàlonìya, inyɔ ema è hwèlì hwatò hwa ama Tatà Lohwɛ̀, ndèŋgànà inyɛ inyɔ è hwɛ hwatò hwa ama è Rzàŋgo Yerzù Krirztò. Inyɛ̀ è ndèli nà ɛ̀yɔ̀lɛ̀ yà ama Lohwɛ̀ è hwɛ nà inyɔ.

1 Tɛ̀rzàlonìyà 1:6

Ò inyɔ è mà oŋgama ɛ̀ɛ̀mɛ̀ yà gbamù ema ì mà hwɛ̀nɛ̀ ndèŋgànɛ̀lɛ̀ inyɔ è mà oŋgama ɛ̀ɛ̀mɛ̀ yà ama è Rzàŋgo. Èlìŋgɛ̀ yà wòtani è mà è gbeyà ò lì oka mɔ̀nyɛ̀ŋgì nà oma è mà lùwè ŋmɛ̀ndì mò gbamù ema ì mà è jàneyà.

1 Tɛ̀rzàlonìyà 3:4

Ò jɔ̀kɛ̀ e hvonda ema i ma hwɛ na inyɔ, i ma e ohweyà o worzo wo hvonda nanù ema o jɔ̀kɛ̀-jɔ̀kɛ̀ hwa o jo tàkìrzɛ̀. Ndeŋgànɛ̀lɛ̀ inyɔ e ma ɛnɛ kɔ̀yi-kɔ̀yi nanù ema eyà ene ema e ma e gbeeyɛnɛ.

2 Tɛ̀rzàlonìyà 1:1

Imba Pàwolò mondeŋge na Rzàyilàrzì na Tìmòtì ndi na e tilelì ene kààti. Nà e tilelì ndi inyɔ hwatò ema e hwèlì o ŋmèmba mo e mbowà ndɛnɛ ya Tɛ̀rzàlonìya, inyɔ ema e hwèlì e hwa ama Lohwɛ̀ Tatɛ̀ wa arzu na e hwa ama Rzàŋgo Yerzù Krirztò.

2 Tɛ̀rzàlonìyà 1:4

Ò eŋgànɛ̀lɛ rzɔ̀, ò ìtììtènì jà ŋmèmba mò hwatò hwa ama Lohwɛ̀, irzɔ jè è gbàànà kumba ò nyòla lì ajùlɛ nà lìlòkɛ̀ ema è hwɛni, nà oma hwatò hwa è tàkirzɛ nà mètàkà mè arzɛ ema è hvomɛ̀nɛ̀.