1 Tɛ̀rzàlonìyà 2:13 - Mokpwe: Bakwery (New Testament)

¹³ O hwèlì hvɛ lì hvɛhvɛ lìtiŋgà ema lì gbèyi i ŋgbàa Lohwɛ̀ jèka ihvonda ja àrzɛ. È hvonda ema i ma e jàneyà Ŋmɛ̀ndì mo ama Lohwɛ̀, e ma mo hweyà, rzìi e ma mo imànɛlɛ. Inyɔ e rzi mo imànɛlɛ ndi nàa ŋmɛ̀ndì ema mo uwɛ̀lɛ̀lɛ̀yi na mòtò wà hwènàmà ndi e ma mo emeyà ndi nàa Ŋmɛ̀ndì ema mo uwɛ̀lɛ̀lɛ̀yì o ma Lohwɛ̀ ema o jɔ̀kɛ̀ nanù ndi e hwèlì. Ndeŋgànɛ̀lɛ̀ eŋge mbɔrzi ndi Lohwɛ̀ a gbeyàna o ìtììtènì ja anyu o lì oŋgowàna inyɔ ema e lòkɛ̀.

1 Tɛ̀rzàlonìyà 2:13 ပူးပေါင်းရင်းမြစ်များ

Matiyò 10:20

È mbɔrzi ema à ò òhwɛ e rza hwɛ e ya eni ndi e uhwɛ̀lɛ̀lɛ ndi ò èlìŋgɛ̀ ya ama e Tatɛ̀ wa eni ema a òhwa ò nyòla ya eni.

Matiyò 10:40

“Tɔ̀ ima mòtò ema à è kàrzɛ̀ nàa hwààyɛ̀nì òma imba ndi à kàrzɛ̀yi. Tɔ̀ ima mòtò hvɛ ema à nò kàrzɛ̀yi nanù òma à kàrzɛ̀yi ndi Tatɛ̀ wà ami ema à mà nò òma.

Lukàrzɛ̀ 11:28

Yerzù rzìi a mò alàhwɛ̀ nanù ema, “Mònàmɛ̀ mò hwɛ ndi nà hwaŋga ema hwa hweyà Eyà ya Lohwà, rzìi hwa gbeyà nà òmà ya òhwì.”

Lukàrzɛ̀ 5:1

Wùnyà wɔ̀kɔ, nà òmà Yerzù a mà tɛ̀mɛ̀ ò mòkòkò mò yùlu ya Gɛ̀narzalɛ̀tì, ŋgìndì ndɛnɛ è mà mò tòŋgà ò lì òkànèyà eyà ya ama Lohwɛ̀.

Lukàrzɛ̀ 8:11

“Inyɛ̀ nà è tɛlɛlɛ mònò ŋmàna. Èŋge hvɔ̀ŋgɔ̀ è hwèlì ndi Eyà yà ama Lohwɛ̀.

Lukàrzɛ̀ 8:21

Yerzù rzìi a hwa tìmbirzɛlɛlɛ nanù ema, “È nyàŋgò wa ami, nà wònyanyàŋgò hwa ami hwa hwèlì ndi, è wɔ̀ ema hwa òkànèyà Eyà ya Lohwà, rzìi hwa gbeyà mamɛ e òhwì.”

Yòwanìrzɛ̀ 15:3

Hwèyòkòlelì ema nà mà e òkòlɛ hwe ma e rzaŋgirzɛ.

Yòwanìrzɛ̀ 17:17

Gbeyana e jɔ̀kɛ̀ ya aŋgɔ aŋga nanù hwa tanɛ lì ò gbèeyà. Èya ya aŋgɔ e hwèlì ndi jɔ̀kɛ̀.

Yòwanìrzɛ̀ 17:19

Wɔ̀ hwa èŋgànɛ̀lɛ̀ nà mà aŋgbɛ imba mbiti ò lì ò gbèeyà ò lì arza nanù ema wɔ̀ hvɛ hwa aŋgbɛ wɔ̀ hwiti ò lì ò gbèeyà.

Hwègbèèlì 10:33

Ɔ̀ndeŋgàtɛ̀ nà mà ò yòhwɛ ŋgelì hvɔ̀kɔ, ndeŋgànɛ̀lɛ̀ ò gbèyi gbamù ò lì jà. O naŋgɛ nanù, irzɔ hwa arzɛ i hwèlì anu ndèŋgànà Lohwɛ̀ a hwèlì na irzɔ. I hwèlì ò lì ambɛ̀lɛ̀ lì hweyà tɔ̀ mamɛ ema Rzàŋgò Lohwɛ̀ a ò òhwèlì nanù ema ò jò òhweyà.”

Hwègbèèlì 13:48

È hvònda ema hwaŋga hwatò ema hwa rza enje wònyà Yudà hwà mà hwèya ene hwà mà lìŋgà rzìi hwa kàrzɛ ŋmɛ̀ndì mò ama Rzàŋgò. Ndeŋgana hwatò hwa arzɛ ema hwà mà hvɔ̀rzɔ̀wɔ̀ ò lì luwa lòŋgɛ la gbìndèyà hwà mà lòkɛ̀ Rzàŋgò Yerzù.

Hwègbèèlì 16:14

O ìtììtènì ja hwaŋga hwalanà ò ma hwɛ mɔ̀kɔ wa awu ema à mà hwɛ̀lɛ̀hwɛ̀ Lideya ema à mà uwɛ̀lɛ̀lɛ̀yi ò mbòwà ndɛnɛ ya Tìyatìrà. A ma hwɛ ndi mòlanà wa nyòŋga ema à mà hwɛ lì àhwirzɛ̀ hwerzanja hwe teyaa ema hwe ma òhva mòrzurzuhwelì mò karzami. Oŋgò mòlàna à mà hwɛ lì gbèeyà Lohwɛ̀. Rzàŋgò à ma mò lìhvòhwa ŋmèma mò eni ò lì òkànèyà mamɛ ema Pàwolò à mà hwɛ lì òhwa.

Hwègbèèlì 17:11

Hwàtò hwa wònyà Yudà ema hwà mà hwɛ ò mbòwa ndɛnɛ ya Bèrìyà hwà mà hwɛnɛ nyɔ̀ŋgi ya lì òkànèyà eyà ya Lohwà lì aka hwatò hwa e mbòwa ndɛnɛ ya Tɛ̀rzàlònìkà. Wùnyà tɛ wɔ̀ hwà mà hwɛ lì làŋga e kààtì ya ama Lohwà ò lì rzɔ̀ŋgìtɛ̀nɛ̀ na lì ɛnɛ ŋga hweyà ema Pàwolò na Rzàyilarzi hwà mà hwɛ lì òhwa hwe ma hwɛ ndi e jɔ̀kɛ̀.

Hwègbèèlì 17:32

È hvònda ema wɔ hwà mà hweye na òma Pàwolò a òhwa lì hvòmɛ̀nɛ̀ hwehvùmuwelì ò kpelì. Lòŋgò la awu hwà mà mò kikòwa ndi hwahvɛhvɛ hwà mà òhwa nanù ema, “Ja arza nanù ema ò jò òhweyà lì hvòmɛ̀nɛ̀ mònò ŋmɛ̀ndì hvɛ.”

Hwègbèèlì 2:41

Rzayi-rzayi ja hwàtò ema hwà mà lòkɛ̀ eyà ema Petrò à mà òhwe hwà mà lùhwìrzɛ̀hwɛ̀. O wòŋgò wùnyà mɛnɛ, eyà ya hwekòlì hweyàwò hwe hwatò hwe mà ahwatɛ ò Mɔ̀rzɔ̀ŋgi mò hwàlòkèlì hwa ama Krirztò.

Hwègbèèlì 8:14

Nà òma I àpɔ̀rzìtòlò ema i ma hwɛ ò Jèrurzalɛ̀mù i ma hweye nanù ema hwatò hwa Rzàmàrìyà hwà mà emeyà Ŋmɛ̀ndì mò Gbamù mò ama Lohwɛ̀, rzi hwà hwa òmeya Pètrò nà Yòwanìrzɛ̀.

Ròmànì 10:17

O èŋgànɛ̀lɛ̀ rzɔ lì lòkɛ̀ lì jà ndi, ema mòtò a òkanelì tɛ ŋmɛ̀ndì, ndeŋgànɛ̀lɛ̀ hwatò hwa àŋgàmɛ̀nɛyi lì òhwa ŋmɛ̀ndì mò ama Krirztò aŋga nanù òma hwatò hwà mà mò lòkɛ̀.

2 Kɔ̀rintìyà 3:18

Irzɔ ema Lohwɛ̀ à mà ulɛ lìhwatu ema lì ma jo hwanda marzo, ɛ̀ɛ̀mɛ̀ ya arzu e ma gbèeyà ema hwatò hwa hwiye nɛ èluhwe ya ama Lohwɛ̀ e hwèlì. Wɔ̀ hwà mà ɛnɛ nanù ema i hwèlì ndi hwatò ema i gbèeyà hweyà na oma Lohwɛ̀ a àrzeyà. Èlìŋgɛ̀ ya wòtani e jo tikowa ndi i hvonda ja arzɛ o lì hwɛ nàa Yerzù, aŋga nanù hwatò hwa ɛnɛ nɛ mɔ̀ à imbami. Rzàŋgo, mɔ̀ ema a hwèlì ndi Èlìŋgɛ̀ mɔ̀ ndi à gbeyà hwene hweyà hwe arzɛ.

Gàletìyà 4:14

Ndi tɔ̀ nɛ e nyàmbɛ̀ ya ami e ma hwɛ ndi ema e ma hwɛnɛ lì no rzɔ̀rzɔ̀, ndi inyɔ e rzi no rzɔ̀rzɔ̀ ndeŋgànɛ̀lɛ̀ e rzi no hvaye. È ma no karzɛ ndi o a ɛnɛ ema na hwèlì ndi aŋgèlì yà ama Lohwɛ̀ tɔ̀ nàa nà mà hwɛ ndi Yerzù Krirztò.

Kòlòrzìyà 1:6

Mono ŋmɛ̀ndì mò gbamù ema mò jànà mònàmɛ̀ mò ama Lohwɛ̀, mò hwèlì mò ohwahwɛlɛ nà lì nyàla ò è rze ya arzɛ. Wùùnyà wò worzo ema è mà mò hwèye, inyɔ è mà rzɔ̀ŋgìtɛ̀nɛ̀ nanù ema Lohwɛ̀ à hwɛ̀nèlì hwatò hwa wòhwe ŋmèma mo gbamù.

Hibrù 4:12

È hwèlì e jɔ̀kɛ̀ nanù ema, Eyà ema e uwɛlɛlɛyi o ma Lohwɛ̀, e hwèlì lòŋgɛ, ndèŋgànɛ̀lɛ̀ e hwɛni màyìmbi. È èeyà lì aka rzɔ̀lɔ̀ ema ye hwàhwì ò hwèhvarzù hwe ahwàkɛ. Eyà yà ama Lohwɛ̀ è kpèeyà mòtò natɛ̀ɛ nà ò tenì yà eni nà ò èlìŋgɛ̀ yà eni. È kpèeyà mòtò natɛ̀ɛ nà ò tenì yà matìŋga nà ò tenì yà hwèèrzè. Èŋge eyà è emba màlùtèyà mà mòtò nà tɔ̀ ima eyà ema mòtò à arza lì gbeyà.

Hibrù 4:2

Ŋmɛ̀ndì mò gbamù mò ama Lohwɛ̀ hvɛ ema mò jò òhwahwɛlɛyi, ì mà mò hweyà ŋgana hvɔ̀kɔ nà oma wɔ̀ hvɛ hwa mà mò hwèye. Ndi moŋgo ŋmɛ̀ndì mò gbamù ema hwa mà hwèye, mò rzi ohve tɔ̀ màanda nà wɔ̀, èhwanja wɔ̀ hwa rzi lòkɛ̀ mamɛ ema hwa mà hwèye.

Jèmìrzì 1:18

Lohwɛ̀ à mà kàkɛ̀nɛ̀ nanù ema a jo ŋgba lòŋgɛ lì hvènya, e hvonda ema à mà jo ŋgbe eyà ya eni ya jɔ̀kɛ̀. A ma gbeyà ndi nanù, aŋga nanù o ìtììtènì ja ewèkelì ya eni ya arzɛ irzɔ i hwɛ ndi nàa e mbota ya eni ya worzo ema e mo ŋgbààhwà nàa làhweyà.

1 Pètrò 1:23

È hwɛni lì hwiya nanù ema Lohwɛ̀ à mà è ŋgbàà lòŋgɛ lì hvènya ò lì akeyà nà è mbɔrzi yà eni. Èŋge mbɔrzi è mà jana lòŋgɛ, ndèŋgànɛ̀lɛ̀, è rza enje ndi eyà ema è hvaŋgèya. È ò hwɛ natɛ̀ɛ nà ò mòlìkɛ̀. Lohwɛ̀ ema à hwèlì ò gbìndèyà, mɔ̀ ndi à è ŋgbelì lìŋgi lòŋgɛ, rzeketɛ è mòtò wà hwènàmà.

1 Pètrò 1:25

Ndi eyà ya ama Rzàŋgo e hwèlì ihvonda ja arzɛ.” Ŋmɛ̀ndì mò Gbamù mono ema mo ma e ohwahwɛlɛ.

1 Pètrò 2:2

È aŋgàmɛ̀nɛ̀yi lì keka lì ana o lì luwa mòlelì mo èlìŋgɛ̀ ema mo rzàŋgi, nyayi hvɔ̀kɔ nàa mɛ̀ɛŋgɛ̀ me hwàna me èyeya mànyɔ̀ŋgɔ̀ ma màhwɛ, aŋga nanù, e lelì tɛ, e oŋga o lì luwa lìrzùŋgahwà lì anyu.

2 Pètrò 3:2

Nà arza nanù ema e ɔ̀ŋgɛ̀lɛ̀ hweyà ema hwe ma ohwahwa, natɛ̀ɛ na e kohwaa na hwà-òhwèlì hwa hwèlìŋgɛ̀. Ndeŋgànɛlɛ inyɔ e àŋgàmɛ̀nɛ̀yi lì ɔ̀ŋgɛ̀lɛ̀ eyà ema e Rzàŋgo na e Mòrzùŋgèlì wa arzu à mà ohweyà i àpɔ̀rzìtòlò nanù ema hwa e ohweyà.

1 Yòwanìrzɛ̀ 3:3

Tɔ̀ njɛnɛ ema a hwɛni lìni lìhvìtà o ma Krirztò, a arzàŋgìrzɛ̀ mɔ̀ ŋmìti ŋgànà hvɔ̀kɔ hvɛ na oma Krirztò a rzàŋgi.