1 Tɛ̀rzàlonìyà 2:10 - Mokpwe: Bakwery (New Testament)10 È hwèlì ndi imboŋgi ja arzu, ndèŋgànɛ̀lɛ̀ Lohwɛ̀ mɔ̀ hvɛ a hwèlì ndi e mboŋgi ya arzu, e hvonda ema i ma hwɛ o ìtììtènì ja anyu, inyɔ ema e lòkɛ̀yi, ɛ̀ɛ̀mɛ̀ ya arzu e ma rzàŋga, i ma hwɛ lì gbeyà hweyà hwe gbamù ndèŋgànɛ̀lɛ̀ i rzi hwɛnɛ tɔ̀ njɔ̀mi tɔ̀ hvɔ̀kɔ o inyo ja arzu. အခန်းကိုကြည့်ပါ။ |
1 Tɛ̀rzàlonìyà 2:10
26 ပူးပေါင်းရင်းမြစ်များ
Mamɛ ya arzɛ ema e gbèyɛ̀nɛ̀yi, e jò ŋgbelì kumba. I tànɛyi lì ohwà na mèèmà me rzaŋgi ema o hwɛ̀ɛ̀mɛ̀ hwɛ arzu hwe arzɛ anù rze, rzɛ̀hvɔ̀nì na oma i hwèlì na inyɔ na mèèmà me wòtani, na e jɔ̀kɛ̀ ya arzu. Nànù ndi Lohwɛ̀ a mà tɛ̀yirzɛ ema e hwɛ. Rzeketɛ o lìhwiyè la arzù la mòtò wa hwènàmà, ììlì ja ama Lohwɛ̀.
I rzɔnjɛ̀lɛ̀ hwègbèèlì hwe arzu hwe wùndɛ̀ ja wòhwe, na hweyà ema hwe jànà ìrzɔnì. I rza e lùkɛ̀lɛ̀ na jòòhwì ja arzu ja wàna tɔ̀ lì tìkòwà e mbɔrzi ya Lohwà o lì e ɔnjɔ. Ndi jo òkolɛ hwatò Eyà ya Lohwɛ̀ nyayi ema hwa e rzɔŋgìtɛ̀nɛ̀. Nà oma jo òkolɛ Èya yà Lohwà na ŋmèma mɔ̀kɔ, tɔ̀ mòtò a rza tànɛyi lì ohwa o ŋmèma mo eni nanù ema i mo lukɛlɛ ndi lì lukɛlɛ. Irzɔ i hwi nanù ema Lohwɛ̀ a hwi tɔ̀ mamɛ ema i gbeyà.
Nà oma i hwi nanù ema e Rzàŋgo e o kàyìrzɛ̀ hwatò, ndèŋgànɛlɛ hvɛ na oma i mo ŋgba èluhwe, i keka o lì gbeyà nanù ema hwatò hwa hwiye nanù ema ŋmɛ̀ndì i hwa ohweyà mo hwèlì ndi e jɔ̀kɛ̀. Lohwɛ̀ a hwi i nyayi ja hwatò ema irzɔ i hwèlì, imba hvɛ na hwi nanù ema inyɔ hvɛ e hwi i nyayi ja hwatò ema irzɔ hvɛ i hwèlì, na lòkɛ̀yi hvɛ nanù ema inyɔ e hwi nanù ema, jo òhwa ndi e jɔ̀kɛ̀.
I hwi nanù ehwànja è hvonda ema ì mà è jèeyà rzi jè è ohweyà Ŋmɛ̀ndì mò Gbamù, rzeketɛ mbɔrzi mɛnɛ ndi ì mà è jàneyà. Ndi è ŋginyà yà èlìŋgɛ̀ yà wòtani yɔ̀ ndi è mà gbeyà ɔ̀ndeŋgàtɛ̀ i mà ohwa mòŋgo ŋmɛ̀ndì mò gbamù nà ŋginyà, ndèŋgànɛ̀lɛ̀ i mà hwɛ lì lòkɛ̀ nanù ema tɔ̀ mamɛ ema i mà hwɛ lì ohwa è mà hwɛ ndi è jɔ̀kɛ̀. Inyɔ è hwi nà oma ɛ̀ɛ̀mɛ̀ yà arzu è mà hwɛ è hvonda ema ì mà hwɛ nà inyɔ. Mamɛ è mà gbeyà eŋge ɛ̀ɛ̀mɛ̀ ò lì hwɛ nanù, è mà hwɛ ndi ò lì è oŋgowàna.
O rzìi keka lì emeyà nanù ema tɔ̀ mòtò tɔ̀ mɔ̀kɔ a o ndinde èhwanja o hwèlì ndi mberza. Ndi o uŋmɛ̀lɛ̀ hwatò ema hwa lòkɛ̀yì ɛ̀ɛ̀mɛ̀ ya gbamù aŋga nanù wɔ̀ hvɛ hwa gbeyà molemilemi. Hweyohwèlì hwe aŋgɔ̀, ɛ̀ɛ̀mɛ̀ ema o òhvi, hwèlìŋgànèlì hwe aŋgɔ̀ hwe hwatò, lì lòkɛ̀ la aŋgɔ̀ na Lohwɛ̀ ndèŋgàna na oma o rza gbeyà hweyà hwe mbindo hwe hwɛni ndi lì hwɛ nàa embànèlì o hwatò ema hwa lòkɛ̀.
Ndi o wa Tìmòtì o nɔŋgi gbamù hwèyòkòlèlì ema nà mà okolɛ hwatò, ndèŋgàna o nɔŋgi ɛ̀ɛ̀mɛ̀ ya ami, ndèŋgàna o òŋgami mamɛ ema na arza lì gbeyà o lòŋgɛ la ami. O hwi oma na lòkɛ̀yì Lohwɛ̀, o hwi lì àjùlɛ̀ la ami ndèŋgàna o hwi e ndìŋgɛ ya ami ema na uŋmɛ̀lɛ̀ hwatò. O hwi nɛ imba na kaki ŋmèma o ene èwòlò ema na gbeyà.
ကြော်ငြာတွေ