1 Pètrò 5:4 - Mokpwe: Bakwery (New Testament)

⁴ Aŋga nanù, e kìŋgɛ ya Hwà-ɔ̀ŋgèlì hwa mɛ̀lɛ̀ŋgù e jelì tɛ mɔ̀ à e ŋgba mòrzawèlì ema mo tuti. Moŋgo mòrzawèlì mo ò hwɛ natɛ̀ɛ na o mòlìkɛ̀.

1 Pètrò 5:4 ပူးပေါင်းရင်းမြစ်များ

Yòwanìrzɛ̀ 10:11

“Imba ndi nà hwèlì e mɔ̀ɔŋgèlì wà gbamù wà mɛ̀lɛ̀ŋgù. È mɔ̀ɔ̀ŋgèlì wà gbamù wà mɛ̀lɛ̀ŋgù à wòŋgìrzɛ̀nɛ̀yi ò lì ŋwèeyà mɛ̀lɛ̀ŋgù ma eni.

1 Kɔ̀rintìyà 9:25

Tɔ̀ ima mohwaŋgelì ema a hwɛnì lì hwaŋga lìhwaŋgi, à àjùlɛ̀nɛ̀ mètàkà me arzɛ. Hwa wòŋgirzɛnɛ ndi nanù, o lì wɔ̀tìrzɛ̀hwɛ ekooto ya èluhwe ya mbonji ema e rza hwɛ natɛ̀ɛ na o mòlìkɛ̀, ndi irzɔ i gbeyà ndi èwòlò ema i lùwàna morzawelì mò mòlìkɛ̀.

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

Hibrù 13:20

O eŋgànɛ̀lɛ̀ rzɔ, Lohwɛ̀ ndi à ŋgba hwatò ɛ̀yɔ̀lɛ̀, ndeŋgànɛ̀lɛ̀ mɔ̀ ndi à hvùmùlɛ̀ Yerzù, e Rzàŋgo ya arzu. Yerzù mɔ̀ à hwèlì e Mɔ̀ŋgèlì ema e imbami wa Mɛ̀lɛ̀ŋgù ema hwà mà gbeyànɛ màyija ma eni o lì gbeyà lì emeyà la mòlìkɛ̀ o ìtììtènì ja ama Lohwɛ̀ na mɛ̀ɛlɛ̀ŋgù me eni.

Jèmìrzì 1:12

Mònàmɛ̀ mo hwɛ nà tɔ̀ ima mòtò ema à àjùlɛ̀ o tenì ya màkèkirzɛnɛ, ehwànja a kulɛ tɛ lì aka màŋga makèkirzɛ, Lohwɛ̀ a mo rzaweya morzawelì ema mo hwèlì ndi lòŋgɛ ema mɔ̀ à ohwi nanù ema a ŋgba hwatò ema hwa mo lìŋgàni.

1 Pètrò 1:4

Ì hwɛni hvɛ ò lì ambɛlɛlɛ mònàmɛ̀ ema Lohwɛ̀ à mà rzèkeyà hwatò hwa eni. À mà hwa uteya è mɔ̀ ò ŋmanyu yà lohwà aŋga ndi mò rza rzɔ̀mbɔ̀ nà lì hvàŋgeyà.

1 Pètrò 2:25

O hvonda hvɔ̀kɔ, inyɔ e ma hwɛ ndi nàa mɛ̀lɛ̀ŋgù ema me ma ɛndɛ moŋgoŋgo. Ndi o naŋgɛ Lohwɛ̀ à mà e timbirzɛ o lì oŋgama e mòtò ema a e ɔŋgeya nàa e mɔ̀ɔ̀ŋgèlì hwa mɛ̀lɛ̀ŋgù a ɔŋgeya gbaka wò mɔ̀lɛ̀ŋgù.

1 Pètrò 5:2

e hwɛ ndi nàa hwà-ɔ̀ŋgelì hwa mɛ̀lɛ̀ŋgù o hwatò hwa ama Lohwɛ̀ ema hwa hwèlì o rze ya anyu. È hwa ɔŋgeya, rzeketɛ ema ehwànja e hwɛni lì hwa ɔŋgeya, ndi ehwànja e hwɛni nyɔ̀ŋgi o lì gbeyà nanù na oma Lohwɛ̀ a arza nanù ema e hwɛ. È gbeye èwòlò ya anyu e rzi hwɛ lì oŋgama mɔ̀rzɛ̀ŋgì ndi ehwànja e hwɛni mèèmà me lì e gbeyà.

1 Yòwanìrzɛ̀ 3:2

Wònyàmòwe kòkò, o naŋgɛ nanù irzɔ i hwèlì ndi hwàanà hwa ama Lohwɛ̀, ndèŋgànɛlɛ hvɛ mamɛ ema irzɔ jo ò hwɛ o e ŋmɛlɛ irzɔ i rzi e hwi. Ndì i hwi hvɛ nanù ema Krirztò a jelì tɛ, irzɔ jo ò hwɛ ndi nàa mɔ̀, ehwànja i hwɛni lì mo ɛnɛ na oma mɔ̀ à hwèlì.

Hwèwulùwèlì 1:7

È ɔŋgɔ tɛ, à hwèlì à jà nà lìmbaki, ndèŋgànɛlɛ tɔ̀ ima mòtò à ò mò ɛnɛ, tɔ̀ hwaŋga hwatò ema hwa mà gbeyà ema à ŋwe nà oma hwa mà mò hvànɛ ò mbàrza. Màtumba mà arzɛ mà è rze yà mɔ̀nyɛ̀ hwa ò mò ɛhwɛ. Nànù mɛnɛ ndi è ò hwɛ, inyɛ è hwɛ nanù.

Hwèwulùwèlì 2:10

È rza oka metàkà ema mè hwèlì ò njiya mè è jèeyà wɔ̀ŋgɔ̀. Nà è ohweyà nanù ema, Mòkarzɛ̀ à gbeyà nanù ema hwe aŋgɛ lòŋgo là anyu ò hwèwòwà, èki ema è ò lùwa mètàkà ò tenì yà lìyomɛ̀ là mèènyà. Mɔ̀ à ò gbeyà ndi nanù, ò lì kèkirzɛ lìlòkɛ̀ là anyu, tɔ̀ è hwɛ ndi nanù ema yà à ŋwa è nò lòkɛ̀ ndi nanù mɛnɛ. È gbèyi tɛ nanù rzìi imba hvɛ nà ò è ŋgba lòŋgɛ ema lì rza kuwa nàa etaŋgi jà mòtò ema à rzùù.

Hwèwulùwèlì 3:11

Nà ò jà ŋmàna mbɔ̀, è ika ndi mèèmà mè anyu nà imba nanù mɛnɛ, aŋga nanù tɔ̀ mòtò tɔ̀ mɔ̀kɔ à rza tànɛ lì wòwa ììtàŋgi yà anyu.