1 Pètrò 4:9 - Mokpwe: Bakwery (New Testament)

⁹ È akàrzɛ̀nɛ̀yi mɔ̀kɔ na ɔ̀nɛyi e rzìi hwɛ lì àyèŋgòwɛ̀.

1 Pètrò 4:9 ပူးပေါင်းရင်းမြစ်များ

Ròmànì 12:13

O ìtììtènì ja anyu ja hwatò hwa ama Krirztò, e hwèlì tɛ ema mɔ̀kɔ wa anyu a endèli tɛ yòma, e mɔ̀ ema a e òhvi inyɛ a mò ŋgbe e yɔ. Tɔ̀ njɛnɛ ema a e jɛlɛlɛ nàa ŋmɛ̀nì e mò karzɛ gbamù.

Ròmànì 16:23

Gàyiyùrzì, e mòtò ema ò ndawò ya eni ndi na hwèlì, ema ò ndawò ya eni ɔ̀ndi ŋmèmba mò wònya Krirztò mò tàneyà, mɔ̀ hvɛ a e òmelì ikɔ̀mi. Ɛ̀ràrztùrzì, ema mɔ̀ ndi à uta malì ma e mbòwa, na ŋmanyàŋgò hwa arzu Kwàtùrzì wɔ̀ hvɛ hwa e òmelì ikɔ̀mi.

2 Kɔ̀rintìyà 9:7

Mòtò tɛ a ŋgbe wolì na oma ŋmèma mo eni mo mò ohwèlì. È rzi hwɛ nanù ema a tinɛlɛhwɛyi, èhwanja, Lohwà a lìŋgàni e mòtò ema a ŋgbà na ŋmèma ema mo rzaŋgi.

Hvìlipìyà 2:14

È gbeye hweyà hwe arzɛ e rzi hwɛ lì àyiŋgòwɛ̀ tɔ̀ o lì kɔɔ hvènda.

1 Tìmotì 3:2

O eŋgànɛ̀lɛ̀, e mòtimbèlì hwa ŋmèmba, a hwɛni ndi lì hwɛ mòtò ema a rza luwahwa màtonà. Ndèŋgàna a hwɛni ndi lì ohva jòjìyɛ̀ hvɔ̀kɔ. A hwɛni ndi lì hwɛ mòtò ema a alɛ̀mbɛ mɔ̀ ŋmìti, mòtò ema a lùtèyà kɔ̀yi-kɔ̀yi, mòtò ema hwatò hwa ŋgba èluhwe, a hwɛni ndi lì hwɛ mòtò ema a kàrzɛ hwàyɛ̀nì o ndawò ya eni, na mòtò ema a hwi o lì okolɛ hwatò.

Tàyìtùrzì 1:8

Ndi tɔ̀ nanù e mòtimbèlì wa ŋmèmba a àŋgàmɛ̀nɛ̀yi ndi lì hwɛ mòtò ema a kàrzɛ hwatò ema hwa jà o lì mo hvɛhvɛ, ndèŋgànɛ̀lɛ̀ a hwèlì ndi mòtò ema a lìŋgàna hwema hwe gbamù. A àŋgàmɛ̀nɛ̀yi ndi lì hwɛ mòtò ema a hwi lì àwòhvɛ̀ la eni na hwahvɛhvɛ hwatò, mòtò ema hwègbèèlì wa eni hwe tɛnɛ̀nɛ̀, ema a hwèlì wòtani, ndèŋgànɛ̀lɛ̀ a hwèlì mòtò ema àkuwɛ̀ɛ mɔ̀ ŋmìti.

Hvìlɛ̀mɔ̀nì 1:14

Ndi tɔ̀ nanù, nà rza arza lì ò tindɛ̀lɛ̀ ema ò nò òŋgòwane. Ndi, nà ò lìŋgàna nanù ema ò nò òŋgòwane ndi ehwànja ò wà hwìti ò lìŋgàni lì nò òŋgòwàna. Ò èŋgànɛ̀lɛ̀ rzɔ, nà rza tànɛ lì gbeyà tɔ̀ eyà ema ò wà ò rzi imànɛ̀lɛ̀.

Hibrù 13:16

È rzi hvoŋga hvɛ o lì gbeyà gbamù, na o lì òŋgòwàna hwahvɛhvɛ hwatò ema hwa hwèlì o lìtake. Tɔ̀ mamɛ ema mòtò a ohvi inyɛ a e gbeyàne o lì oŋgowàna mɔ̀kɔ na ɔ̀nɛyi. Màhweyà manù ema mà lìŋgìrzɛ Lohwɛ̀.

Hibrù 13:2

È rzì hwɛmɛ o lì karzɛ hwàyɛ̀nì o màndà ma anyu o i hvonda ja arzɛ. Nànù ndi lòŋgo la hwatò hwà mà gbeye hwà mà karzɛnɛ i aŋgèlì o màndà ma awu e rzi hwɛ lì hwiya.

Jèmìrzì 5:9

Ìi wònyamòwè kòkò, e rza arzàrzòwànɛ̀ mɔ̀kɔ na ɔ̀nɛyi e rzi jà lì hwɛ Lohwɛ̀ a ohwa nanù ema e hwèlì ndi hwatò hwa wòhwe. È hwiye nanù ema e mòkàyìrzèlì a e hwɛlɛlɛ̀yi ndi o toŋgoŋgo.