1 Pètrò 4:7 - Mokpwe: Bakwery (New Testament)

⁷ Lirzuku la hweyà hwe arzɛ lì ma kombɛnɛ. È hwɛni lì àwòhvɛ̀lɛ̀, na lì aŋgowa, aŋga nanù e tànɛ lì kànɛ.

1 Pètrò 4:7 ပူးပေါင်းရင်းမြစ်များ

Matiyò 24:42

O èŋgànɛ̀lɛ rzɔ inyɔ hvɛ e hwɛnì lì wòwa hvònda, èhwanja è rza hwi wùùnya ema Rzàŋgò ya anyu à ò jɛ̀ɛ̀ hvɛ.

Matiyò 25:13

Yerzù rzìi à umba mònò ŋmàna ò lì òhwa nanù ema, “È wòwe hvònda, èhwanja è rza hwi wùùnya tɔ̀ è hvònda ema è Ŋmanà wà è Mòtò wà Hwènàmà à ò jɛ̀ɛ.”

Lukàrzɛ̀ 21:34

“È aŋgòwè nanù ema è rza hvàŋga e hvònda ya anyu rzayi-rzayi ò lì làa la mòlèlì na ò lì nyɔ la mimba. È rzì àkàyìrzɛ̀ hvɛ nà lìnì lòŋgɛ la nàŋgɛ. È gbeyi tɛ nanù, wòŋgò wùnyà wò è ùŋmanɛlɛ nàa ŋgùndèli.

Lukàrzɛ̀ 21:36

È aŋgòhweyà ì hvònda ja arzɛ. È kanɛ̀ ema e hwɛnɛ è ŋginyà ema è ò karzòlɛ̀ hwenè hweyà ema hwe gbeyɛ̀nɛ̀, aŋga nanù e tanɛ lì tɛmeyà ò wòrzò wò è Ŋmanà wà è Mòtò wà Hwènàmà.”

Lukàrzɛ̀ 22:46

À mà hwa ijòwa nanù ema, “Mamɛ ndeŋgàtɛ è lìmelì ndi ò ìjɔ e? È tɛ̀mɛ̀ ò ŋmanyu, e kanɛ̀, è rzì jà lì unda ò màkèkìrzɛ̀nɛ̀.”

Ròmànì 12:12

Inyɛ̀ tɔ̀ ima mòtò a hwɛnɛ mɔ̀nyɛ̀ŋgì na lìhvìtà ema a hwɛni. Inyɛ̀ tɔ̀ ima mòtò a àjùlɛ̀ ò tenì ya mètàkà. Tɔ̀ ima mòtò àjùlɛ̀ ò tenì ya màkanɛ̀.

1 Kɔ̀rintìyà 15:24

O mburzà ya hvonda lìrzukù lì o jà. O èŋge hvonda hwèlìŋgɛ̀ ema hwe kànèyà, Hwàkànèlì na iŋginyà ja ene rze, Yerzù a hwa lìmìrzɛ̀ iŋginyà ja awu jarzɛ. Aŋga ndi à o ŋgbɛ lìkànèyà oma Tatà Lohwɛ̀.

1 Kɔ̀rintìyà 7:29

Ìi wònyamòwè, mamɛ ema na hwɛnì lì e ohweyà e hwèlì ndi nanù ema, e hvonda ema jo òhvi anù rze ya mɔ̀nyɛ̀ e utù, o èŋgànɛ̀lɛ̀ lì wòteya naŋgɛ lì ɛ̀ndɛ o worzò, tɔ̀ ima mùnyanà ema a hwàayi molànà, a àŋgàmɛ̀nɛyi lì hwiya nanù ema jòjìyɛ̀ ya eni, i rza enje ndi eyà ya wòlìtò o lòŋgɛ la eni.

Ɛ̀hvìrzìyà 6:18

È kànɛ̀ na oma Èlìŋgɛ̀ yà Wòtani ye e lìyɛlɛ o ihvonda ja arzɛ. Inyɔ e ohweyà Lohwɛ̀ o lì e oŋgowàna o tɔ̀ mamɛ ema e gbeyà. È hwɛni lì aŋgowa, e kànɛ̀ o ihvonda ja arzɛ e rzi hwɛ nanù ema e ɔ̀tɔ̀. Ndèŋgànɛ̀lɛ̀ e a kànɛ̀lɛlɛ hwatò hwa arzɛ hwa ama Lohwɛ̀.

Hvìlipìyà 4:5

Inyɛ̀ hwɛ̀ɛ̀mɛ̀ hwe anyu e uŋmɛ̀lɛ̀ o worzo wo hwatò hwa arzɛ nanù ema e arzihwirzɛ. È Rzàŋgo e jà ŋmanà mbɔ.

Kòlòrzìyà 4:2

È inyàmɛnɛ o màkanɛ̀. Ndèŋgànɛlɛ e kànɛ tɛ e rzɛŋgɛnɛ mèèmà me anyu o tɔ̀ mamɛ ema e arzana Lohwɛ̀, ndèŋgànɛlɛ e a mo eka.

2 Tìmotì 4:5

Ndi o wa Tìmòtì, o hwɛni lì hwiya lì àwòhvɛ̀lɛ̀ la aŋgɔ̀ ihvonda ja arzɛ. O ajùlɛ̀nɛ̀ mòtàkà, o gbèyè èwòlò ya e mòtò ema a ohweyà hwatò Ŋmɛ̀ndì mò Gbamù mò ama Lohwɛ̀, ndèŋgàna o gbeye hvɛ èwòlò ya arzɛ ema Lohwɛ̀ à mà o òhweyà à mà o gbeye.

Tàyìtùrzì 2:12

O nyòla ene ndèli, Lohwɛ̀ à mà jo òkolɛ o lì rzɔ̀njɛlɛ hweyà ema a rza arza nanù ema i gbeye, ndèŋgànɛ̀lɛ̀ o lì hwɛmɛ e nyɔ̀ŋgì ya lì gbeyà mamɛ ema hwatò hwa è rze yà mɔ̀nyɛ̀ ema hwa rza hwiyɛ Lohwɛ̀ hwa gbeyà. O lì okolɛ o lì gbeyà hweyà nàa hwatò ema hwa hwi nɛ hwa gbeyà hweyà, o lì gbeyà hweyà ema hwe hvomɛ̀nɛ̀, na o lì gbeyà hweyà ema Lohwɛ̀ a arza nanù ema i gbeye anu rze ya mɔ̀nyɛ̀.

Hibrù 10:25

Inyɛ̀ i rza ɔ̀tɔ̀ o lì arzàŋganɛ èki yɔ̀kɔ o i hvonda ja arzɛ na oma hwahvɛhvɛ hwatò hwa gbeyà. Ndi inyɛ ja a kɔ̀mɛ̀lɛ̀nɛ mɔ̀kɔ na ɔ̀nɛyi, rzɛ̀hvɔ̀nì nàŋgɛ ema e ɛnɛ Èyu ya ama Rzàŋgo e ma kombɛnɛ.

Hibrù 9:26

Èma hwɛ tɛ nanù, o ma Krirztò à mà àŋgàmɛ̀nɛ̀yi lì taka hvɛ o rzayi-rzayi ja ŋgelì lì wòteya ewèkelì ya e rze ya mɔ̀nyɛ̀. Ndi e rzi hwɛ nanù, Krirztò mɔ̀ à mà jà ndi o ŋgelì hvɔ̀kɔ o iŋgèlì ja arzɛ nàŋgɛ ema e rze ya mɔ̀nyɛ̀ e a kombɛnɛ lìrzukù. Mɔ̀ à mà aŋgbɛ e nyo ya eni nàa jàhwèyà o lì ulɛ wòhwe wo tɔ̀ ima mòtò.

1 Pètrò 1:13

O eŋgànɛlɛ rzɔ, e a kpatɛ, e woŋgirzɛnɛ o lì gbeyà èwòlò ema Lohwɛ̀ a arza nanù ema e gbeye. È wowe hvonda ndèŋgànɛ̀lɛ̀ e ika mèèmà me anyu o e ndèli ema Lohwɛ̀ a e ŋgba o e hvonda ema Yerzù Krirztò a jà o lì e àwuŋmɛ̀lɛ̀.

1 Pètrò 3:7

Mèjòmɛ̀ kòkò, ŋgànà hvɔ̀kɔ hvɛ mɛnɛ, inyɔ hvɛ e wowe hvonda na oma e lìyana ijòjìyɛ̀ ja anyu. È uŋmɛ̀lɛ̀ ijòjìyɛ̀ ja anyu èluhwe o hwèlìyelì hwe anyu, ijòjìyɛ̀ i rzi imbami lì uka inyɔ, ndi inyɔ na wɔ̀ e o luwa nyayi hvɔ̀kɔ ya lòŋgɛ. Lìŋgi lòŋgɛ lɔ̀ ndi lì hwèlì e ndèli ema Lohwɛ̀ à mà e ŋgbɛ. Inyɔ e rza hwa ohvi tɛ na oma inyɔ e àŋgàmɛ̀nɛ̀yi lì hwa ohva nanù oma Lohwɛ̀ a rza e hweyàna màkanɛ̀ ma anyu.

1 Pètrò 5:8

Ya aŋgowe, e wowe hvonda. Mòkarzɛ̀ e mɔ̀kɔ̀yèlì wa anyu a hwèlì a ahwa ndi nàa njila ema e rzìŋga o lì arza njɛnɛ ema a tàawa.

Hwèwulùwèlì 16:15

Yerzù à ohwi nanù ema, “È okànèyà, nà ò jà ò wùnyà ema tɔ̀ mòtò à rza ò hwiyɛ nàa ŋmìhwɛ̀ à jà. Mònàmɛ̀ nà oŋgo mòtò ema à ò lìya ehvɛ̀nyɛ̀, ndèŋgànɛ̀lɛ̀ à ò ohvɛ mààtù mà eni, aŋga nanù mɔ̀ à rza ò ɛndɛ̀nɛ̀ morzombo ò lì luwa erzàmbo ò marzo mà hwatò.”