1 Pètrò 4:4 - Mokpwe: Bakwery (New Testament)

⁴ Imbunda ema e ma hwɛ lì gbèyɛ̀nɛ hwene hweyà hwe wòhwe o hvonda ema e ma aka, hwa tàmi naŋgɛ o lì ɛnɛ nanù ema inyɔ e rza enje na wɔ̀ hvɛ o lì gbeyà hwene hweyà hwe ndɔ̀ki na mɔ̀lɔ̀kɔ̀rzɔ̀. Hweŋge hweyà ndi hwe gbèyi hwa e hwɛ̀nyɛ̀.

1 Pètrò 4:4 ပူးပေါင်းရင်းမြစ်များ

Matiyò 23:25

“Mòjèmà na inyɔ Hwà-òkòlèlì hwa mbenda, nà Ihvàlìrzàyì, inyɔ hwatò hwa mèhvìlì! È rzàŋgirzɛ i mburzà ja mawònde na hwewòki, ndi i tenì ja awu jò òndi ndi na hwèèmà ema inyɔ e ma hvùmàne hwatò nà njɔ̀ŋgu.

Lukàrzɛ̀ 15:13

O mburzà ŋgùrzù ja mènya, ɛnɔ̀ŋgɔ̀nì rzìi e àhwirzɛ̀ erzàŋgò ya eni ya àrzɛ. À ɛ̀ndɛ ò ehvɛhvɛ èkòmè ema e ma rzɔ̀lɛ̀nɛ̀ hvòò. Oŋgò ndi à mà kpèeyà mòlàakò nà lòŋgɛ la mɔ̀lɔ̀kìrzà a kùwa lì hvàŋga wòlì wa arzɛ ema a mò òhvè.

Hwègbèèlì 13:45

È hvònda wònyà Yudà hwà mà ɛnɛ e ŋgìndì, hwà mà òndana na lìrziŋga. Rzìi hwa wòteya lì teŋgɛ̀nɛ̀ mamɛ ema Pàwolò à mà hwɛ lì òhwa na ò lì mò rzòrzòlɛ hweyòlì.

Hwègbèèlì 18:6

Ndi wɔ̀ hwà mà hwɛ lì teŋgɛ̀nɛ̀ Pàwolò na lì mò òhwàna hweyà hwe wòhwe, à mà titòwa e rzɔ̀wɛ̀ ema e ma mò hwɛ ò mataŋgà mà eni ò lì uŋmɛ̀lɛ̀ nanù ema e kɔ̀kìrzɛ̀ ya ama Lohwɛ̀ e hwèlì lì hwa ambɛ̀lɛ̀ rzìi mɔ̀ à hwa òhweyà nanù ema, “È wɔ̀lɛ̀nɛ̀ tɛ òma inyɔ hwiti ndi e arzi. Nà rza enje e ya ami ò tenì. Li wòteya nàŋgɛ̀ na ɛ̀ndɛ ndi lì òhweyà hwaŋga hwatò ema hwa rza enje wònyà Yudà ŋmɛ̀ndì mò gbamù.”

Ròmànì 13:13

Inyɛ̀ i hwɛnɛ hwɛ̀ɛ̀mɛ̀ hwe gbamù nàa hwatò ema hwa hwèlì ò ŋmàye. È rzi ɛndɛ ò indèma ema hwatò hwa nyɔ mimba rzi hwa wòma, i rzi hwɛnɛ nyìrzɛ̀ ya mòrzònje. È rzi gbeyà hweyà hwe ndɔ̀ki. È rzi tɔ̀wɔ ndèŋgànà e rzi hwɛnɛ inòna.

Ɛ̀hvìrzìyà 5:18

È rzì woma mboma yà mimba, èhwanja mà è tìmbìrzɛ̀ ndi hwèèti hwe hwatò. Ndi tɔ̀ nanù, inyɛ Èlìŋgɛ̀ yà Wòtani e hwɛ o tenì ya anyu.

1 Pètrò 2:12

È hwɛnɛ hwɛ̀ɛ̀mɛ̀ hwe gbamù o ìtììtènì ja hwaŋga hwatò ema hwa rza lòkɛ̀ Lohwɛ̀, aŋga nanù tɔ̀ nɛ wɔ hwa e rzàmba nanù ema e gbeyà wòhwe, wɔ hwa ɛnɛ hwegbèèlì hwe anyu hwe gbamù. Èŋge e gbeyà hwa eka Lohwɛ̀ o wùnyà wo hwejèelì hwe eni.

1 Pètrò 3:16

Ndi e gbeye nanù na mèèmà ema me lìhvohwèlì. Inyɔ e gbeyà tɛ nanù, inyɔ e arzihwirzɛ na èluhwe ya arzɛ ndèŋgànɛ̀lɛ̀ inyɔ e lìhvowe mèèmà me anyu o hwatò ema hwa ohwa hweyà hwe wòhwe o lì e teŋgɛ̀nɛ̀ ehwànja e oŋgama Krirztò. Wɔ̀ hwa o òka ìrzɔnì hwa ɛni tɛ hwɛ̀ɛ̀mɛ̀ hwe anyu hwe gbamù.

2 Pètrò 2:12

Ndi hwaŋga hwà-òkòlèlì hwa mòlaŋgà, hwa gbeyà ndi hweyà ò màlùtèyà mà awu, nàa nyàmà jà waŋga. Iŋgi nyàmà ja waŋga ì ŋyàhwɛlɛyì ndi ò lì lɛ̀mbɛ̀hwɛ̀ nà lì oŋwahwa. Hwàŋga hwà-òkòlèlì hwa mòlaŋgà wɔ̀ hwa ohwa ndi hweyà hwe wòhwe ò tɔ̀ ima eyà ema hwa rzɔ̀ŋgìtɛ̀nɛ̀. Ò eŋgànɛ̀lɛ̀ rzɔ, Lohwɛ̀ à hwa nyɔ̀ŋgìrzɛ̀ nà oma hwatò hwa oŋwa iŋgi nyàmà jà waŋga.

2 Pètrò 2:22

Mamɛ ema e ma hwa gbèyɛ̀nɛ e uŋmɛ̀lɛ̀i ndi nanù ema, ŋmàna mo òhwa ndi e jɔ̀kɛ̀ nanù ema, “È ŋgbàà e timba ndi o lì laa mamɛ ema e ma màa lì yohwa” ndèŋgànɛ̀lɛ̀ “È ŋgòwa ema e ma rzorzahwɛ e rza hvoŋga o lì anyɔ̀kɛlɛ o tenì ya lìrzanja.”

Judɛ 1:10

Ndi hwaŋga hwatò ema hwa mà è kpèeyà ò ìtììtènì yà anyu, hwa ohwa wòhwe lì hvomɛ̀nɛ̀ hweyà ema hwa rza rzɔ̀ŋgìtɛ̀nɛ̀. Tɔ̀ mamɛ ema è hwa jɛ̀lɛ̀lɛ̀yi ò màlùtèyà mà awu, ɔndi hwa gbeyà. Wɔ̀ hwa gbeyà ndi hweyà nàa nyàmà ja waŋga. Hwèŋge hweyà mɛnɛ ndi hwe hwa jàneyà e kpelì.