1 Pètrò 4:1 - Mokpwe: Bakwery (New Testament)

¹ Kànatɛ Krirztò à mà take o hwehwɛ̀ɛlì hwe eni nàa mòtò wà hwènàmà o e nyàmà nyo, inyɔ hvɛ e àŋgàmɛ̀nɛ̀yi lì woŋgirzɛnɛ o lì luwa eŋge ŋgànà ya màlùtèyà mɛnɛ na à mà hwɛnɛ. Èhwànja tɔ̀ njɛnɛ ema a tàki o e nyàmà ya nyo ehwànja a hwèlì ndi e wa ama Yerzù, mɔ̀ à rza hwɛni hvɛ tɔ̀ eyà o lì gbeyàna wòhwe.

1 Pètrò 4:1 ပူးပေါင်းရင်းမြစ်များ

Makòrzì 3:3

Yerzù à mà òhweyà òŋgò mòtò ema à ma ɔ̀kirzɛ̀ mɔ̀ɔ̀ mò njɛmbu nanù ema, “Jà ò tɛ̀mɛ̀ ò màrzò ma hwatò hwa arzɛ!”

Ròmànì 6:11

Ŋgàna hvɔ̀kɔ hvɛ mɛnɛ inyɔ e hwɛni ndi lì a ɛnɛ inyɔ hwiti hvɛ nàa hwàtò ema hwà mà ŋwɛɛ, aŋga nanù wòhwe wò rza hwɛni lì e kànèyà hvɛ. Ndèŋgana e àŋgàmɛ̀nɛ̀ ndi ò lì a ɛnɛ inyɔ hwiti hvɛ na hwàtò ema hwa hwèlì ò lòŋgɛ na Lohwɛ̀ ò lì akeyà na Yerzù Krirztò.

Ròmànì 6:2

Jàyɛ̀ rzeketɛ nanù. Ì ma màa lì ŋwa ò èŋgànɛ̀lɛ̀ rzɔ i rza hwɛni hvɛ tɔ̀ eyà ò lì gbeyàna wòhwe hvɛ. Mamɛ ndeŋgatɛ je eleyà ò lì gbeyà wòhwe e?

Ròmànì 6:7

Mòtò a ŋwelì tɛ, wòhwe wò rza mò lɛmbɛ hvɛ.

Gàletìyà 2:20

Nà oma Yerzù à mà ŋwèeyà o mbarza, e hwèlì ndi ema imbahvɛ nà mà ŋwa. Nà rza enje lòŋgɛ hvɛ. Krirztò ndi à hwèlì o tenì ya ami. O eŋgànɛ̀lɛ̀ rzɔ tɔ̀ ima lìtumba la eyà ema na gbèeyà o rze ya mɔ̀nyɛ̀ nàŋgɛ, na e gbèeyà ndi èhwanja o lìlòkɛ̀ ema na ohvani è Ŋmanà wà ama Lohwɛ̀ ema a no lìŋgàni rzii a ŋwa o nyòla ami.

Gàletìyà 5:24

Ndèŋgàna hwaŋga hwatò ema hwa hwèlì na Yerzù Krirztò hwa rza enje hvɛ o rze ya e nyɔ̀ŋgi ya e nyàmà nyo. È gbèyi ndi nàa hwa ɛnɛ oma hwà mà wòmeyà eŋge nyɔ̀ŋgi ya e nyàma nyo ò mbarza, ndèŋgàna e ma ŋwèeyà aŋga.

Ɛ̀hvìrzìyà 6:13

O èŋgànɛ̀lɛ̀ rzɔ e akpatɛ na hwèèmà hwe arzɛ hwe njuma ema Lohwɛ̀ a e ŋgbelì aŋga nanù o wùnyà wo wòhwe hwa jèelì tɛ, e o tànɛyi lì teŋgɛ̀nɛ̀ hwàkɔ̀yèlì. È o ana natɛ̀ɛ na o lìrzùkù ndeŋgànɛ̀lɛ̀ e o tɛ̀mɛ̀ na ŋginyà.

Hvìlipìyà 2:5

Inyɛ̀ màlùtèyà ma anyu ma hwɛ ndi nàa e ma ama Yerzù Krirztò.

Hibrù 12:3

È lùtèyà nɛ Yerzù à mà emeyà lì taka o màà mà hwatò hwa wòhwe ema hwà mà mo kɔwu. È ɔ̀ŋgɛ̀lɛ̀ lìŋgi lìtake aŋga nanù inyɔ e rza ɔ̀tɔ̀ na lì kpa ŋmèma.

Hibrù 4:10

È mɔ̀ ema à kpèèlì ò èŋge èki yà lì arzìyolɛ ema Lohwɛ̀ à kàkɛ̀nɛ̀, mɔ̀ hvɛ à ò arzìyolɛ ehwànja mɔ̀ hvɛ à mà kùlɛ̀ èwòlò yà eni, ŋgana hvɔ̀kɔ nà oma Lohwɛ̀ mɔ̀ à mà arzìyolɛ è hvonda ema à mà kùlɛ̀ ewòlo yà eni.

1 Pètrò 2:21

Lìni lìtake lì e lɔ̀ɔ̀nì inyɔ ema Lohwɛ̀ à mà hvɔ̀rzɛ̀, ehwànja tɔ̀ Krirztò mɔ̀ ŋmìti à mà e tàkeya. Ndeŋgànɛ̀lɛ̀ mɔ̀ à mà hwɛ à mà e ŋgba embànelì ya lì oŋgama imbɔwu ja eni ja màtàŋga.

1 Pètrò 3:18

Nà ohwi ene eyà nanù ehwànja Krirztò mɔ̀ hvɛ à mà taka na lì ŋwa o nyòla wòhwe wo arzu o ŋgèlì hvɔ̀kɔ o iŋgèlì ja arzɛ. A ma hwɛ ndi mòtò ema à mà hwɛ lì gbeyà hweyà ema Lohwɛ̀ a arza, ndi à mà ŋwa o nyòla hwatò hwa wòhwe. A ma gbeyà ndi nanù aŋga nanù irzɔ i uka o ma Lohwɛ̀. Hwàto hwà mà mo òŋwa ndi e nyàma nyo ya eni ya e mòtò wa hwènàmà ndi e ma ŋwa. Lohwɛ̀ à mà gbeyà èlìŋgɛ̀ ya eni o lì hwɛ lòŋgɛ.