1 Pètrò 3:4 - Mokpwe: Bakwery (New Testament)

⁴ Ndi hwe e hwiye ndi o mòlòŋgà ema mo uwɛ̀lɛ̀lɛ̀yi ndi o tenì ya anyu moŋgo mòlòŋgà mo rza àyèŋgòwɛ̀ ehwànja mo uwɛ̀lɛ̀lɛ̀yi ndi o èlìŋgɛ̀ ema e arzihwirzɛ na lì hwɛ hviyayi. Moŋgo mòlòŋgà mɔ̀ ndi Lohwɛ̀ a ɛnɛ nanù ema mo hwèlì wòlìto.

1 Pètrò 3:4 ပူးပေါင်းရင်းမြစ်များ

Matiyò 11:29

Inyɔ e hwɛni lì emeyà ò lì nɔ̀ŋgɔ i mbɔ̀ɔ ja ami ja matàŋga, ndèŋgànà e nò òkòwàna, ehwànja na hwèlì ŋmɛɛ na òhvi hvɛ ŋmèma mò ami ema mò wɔ̀wi. È jèe e luwa la arzìyòlɛ̀.

Matiyò 21:5

“Ohweyà hwatò hwa Rzàyɔ̀nì nanù ema, Wà à ɔ̀ŋgɔ, è kìŋgɛ yà aŋgɔ̀ yè è jèeyà! À arzìhwìrzɛ̀yi, à lìyàyi ò ŋmanyu yà jàkarzì, ŋguma jàkarzì jà mòme.”

Matiyò 23:26

Inyɔ Ihvàlìrzàyì ja ndima! È lòme lì rzàŋgirzɛ e tenì ya mawònde na hwewòki ndèŋgànà i mburzà i rzàŋgirzɛhwɛ.

Matiyò 5:5

Mònàmɛ̀ nà hwatò ema hwa arzìhwìrzɛ̀yi, èhwanja è rze ya arzɛ è ò hwɛ ndi è yà awu.

Lukàrzɛ̀ 11:40

Inyɔ ndɔ̀ki ja hwatò! È mòtò ema à hwèki è mburzà, rzèke mɔ̀ hvɛ ndi à hwèki è tenì e?

Lukàrzɛ̀ 16:15

Yerzù rzìi a hwa òhweyà nanù ema, “Inyɔ è a uŋmɛ̀lɛ̀ ò màrzò ma hwatò ema è rzàŋgi, ndi Lohwɛ̀ à hwi mamɛ ema e hwèlì ò mèèmà me anyu. Èŋge eyà ema hwatò hwa wò wòlìtò rzayì-rzayì, e hwèlì ndi nàa lòwa lì uŋgbàa ò wòrzò wò ama Lohwɛ̀.”

Ròmànì 1:23

Hwa hwɛmi ò lì ŋgba Lòohwà ema lì hwèlì lòŋgɛ èluhwe rzìi hwa ŋgba ndi hwèrzìrzà ema hwatò hwa wòndɛyi nà màà mà awu èluhwe. Hwene hwèmà hwe ayèkɛnɛ̀ hwema ema hwe ŋwa, ema hwe hwèlì nàa è mòtò wà hwènàmà, hwenɔ̀ni, inyàmà nà mààhwà.

Ròmànì 2:29

Jàyɛ̀, ò tɛ̀ɛ̀tɛ̀ɛ e wònja ya wònyà Yudà e hwèlì ndi òŋgò mòtò ema a hwèlì wònyà Yuda ò tenì ya ŋmèma, ene ŋgàna e hwèlì ndi nanù ema, mòtò ema à mà endàhwɛ̀ ò ŋmèma, ndèŋgàna ene èwòlò e gbeyàhwa ndi na Èlìŋgɛ̀ ya ama Lohwɛ̀, rzeketɛ e ya e mbenda ema e tìlahwì. Èŋge tumba mòtò e ekàhwà na Lohwɛ̀ rzeketɛ ò hwatò hwa hwènàmà.

Ròmànì 6:6

Irzɔ i hwi nanù ema na òma hwà mà wòmeyà Krirztò ò mbarza hwà mà mò wòmeyà na ɛ̀ɛ̀mɛ̀ ya mòlòmɛ̀ ema i ma òhve. Ène e ma gbèyɛ̀nɛ ndi nanù aŋga nanù e ŋginyà ya eŋge ɛ̀ɛ̀mɛ̀ ya mòlòmɛ̀ ema e ma hwɛ lì jò gbèeyà ò lì gbeyà wòhwe e hwɛni lì hvaŋgahwa ya arzɛ ya arzɛ. Ène eyà e gbeyà nanù ema wòhwe wò rza jò wòwa hvɛ nàa hwàkòmì.

Ròmànì 7:22

O tenì ya ŋmèma mò ami, e mbenda ya ama Lohwɛ̀ yɔ ndi imba na lìŋgàni lì nɔŋgɔ ihvònda ja arzɛ.

2 Kɔ̀rintìyà 10:1

Imba Pàwolò, ema na arzihwirzɛ na ŋmɛɛ nàa Krirztò, na e rzorzomeya. Lòŋgo la hwatò hwa ohwa nanù ema na hwèlì tɛ na inyɔ na oka wɔ̀ŋgɔ̀ ndèŋgàna hwa ohwa nanù ema na rza enje tɛ na inyɔ na e tìleya kààtì ema ja ambirzɛnɛ.

2 Kɔ̀rintìyà 4:16

Lìtìŋga lìinì ɔ̀ndeŋgàtɛ̀ i rzi tu mèèmà o lì ohwa ŋmɛ̀ndì mò gbamù. Tɔ̀ nɛ i ŋginyà ja arzu e hwèlì lì ɔ̀ndeyà, ndi Lohwɛ̀ a jo ŋgbà ŋginyà o tenì ja arzu.

Gàletìyà 5:23

Èlìŋgɛ̀ yà Wòtani yɔ ndi e gbeyà mòtò a arzìirzɛ na lì alɛ̀mbɛ mo ŋmìti. O rza enje tɔ̀ mbenda lì teŋgɛ̀nɛ hwene hweyà.

Ɛ̀hvìrzìyà 4:2

Tɔ̀ mamɛ ema è gbèeyà, è à rzììrzɛ, è hwɛ hvɛ hviyayi, rzìi è ajùlɛ̀nɛ̀ mɔ̀kɔ nà ɔ̀nɛyi. È à ùŋmɛlɛnɛ è ndìŋgɛ nà oma è ajùlɛ̀nɛ̀ mɔ̀kɔ nà ɔ̀nɛyi.

Kòlòrzìyà 3:12

È hwèlì ndi nàa hwatò ema Lohwɛ̀ à mà hvɔ̀rzɛ̀, inyɔ è ondi wòtani ndèŋgànɛ̀lɛ̀ à è lìŋgàni rzàyi-rzàyi. Ò èŋgànɛlɛ rzɔ inyɔ è àŋgàmɛ̀nɛ̀yi lì hwɛnɛ mèèmà mè ììlì, è hwɛni lì hwɛnɛ mèèmà mè gbamù, è hwɛni lì arzìirzɛ̀. È hwɛni lì hwɛ hviyayi, ndèŋgànɛlɛ è hwɛni lì àjùlɛ̀.

Kòlòrzìyà 3:3

Inyɔ è hwiye nanù ema nà oma Krirztò à ŋwelì è gbèyi ndi nàa inyɔ hvɛ è mà ŋwa.

1 Tɛ̀rzàlonìyà 4:11

Je e rzorzomeya hvɛ nanù ema, inyɛ tɔ̀ ima mòtò a hwɛnɛ lòŋgɛ la wɔ̀ti-wɔ̀ti, inyɛ tɔ̀ mòtò a rza ɔŋgɔ mamɛ ema ŋmanyàŋgò a gbeyà, ndèŋgànɛlɛ inyɛ tɔ̀ ima mòtò a gbeye èwòlò ya eni. Nànù ndi i ma e ohweyà nanù ema e a gbeyà.

2 Tɛ̀rzàlonìyà 3:12

O lìna la ama Rzàŋgo Yerzù Krirztò i kànèyà hwanu hwatò na lì hwa kòkòwɛ̀lɛ̀ nanù ema hwa lìya lòŋgɛ ema lì tɛnɛnɛ rzìi hwa gbeye èwòlò ya awu o lì luwa lì laa la wùnyà.

1 Tìmotì 2:2

È kànɛlɛlɛ ikiŋgɛ̀ na hwanɛyi hwatimbelì hwa arzɛ hwa lìkànèyà. Ène e gbèeyà mɔ̀ŋgɛ̀lɛ̀ ma arzu ma hwɛ o ɛ̀yɔ̀lɛ̀ e rzi hwɛ tɔ̀ mòhvùŋgu, jo ò gbèeyà ndi na oma Lohwɛ̀ a arza nanù ema i gbeye na lì mo ŋgbaà èluhwe ihvonda ja arzɛ.

2 Tìmotì 2:25

O òkolɛ hwaŋga hwatò ema hwa o teŋgɛ̀nɛ, aŋga nanù wɔ̀ hwa hwiya nanù ema hweŋge hweyà ema wɔ̀ hwa ohwa lì o teŋgɛ̀nɛ hwe rza enje e jɔ̀kɛ̀. O hwa okolɛ tɛ o hwa ajùlɛ̀nɛ̀, o hwɛni lì hwɛnɛ lìhvìtà nanù ema Lohwɛ̀ a gbeyà ema hwa embɛ lùùrzè la awu aŋga nanù hwa a eŋgohwɛ̀, ndèŋgàna hwa rzɔŋgìtɛ̀nɛ̀ e jɔ̀kɛ̀ ya mamɛ ema eyà ya Lohwà e ohwa.

Tàyìtùrzì 3:2

O hwa ohweyà nanù ema hwa rzi keka lì ohwàna tɔ̀ mòtò eyà ya wòhwe, ndi inyɛ hwa hwɛ o ɛ̀yɔ̀lɛ̀ na hwatò nà ò lìŋgànà hwahvɛhvɛ hwatò, nà o lì arzìhwìrzɛ̀lɛ̀lɛ̀ o hwatò hwa arzɛ.

Jèmìrzì 1:21

O eŋgànɛ̀lɛ̀ rzɔ, inyɔ e hwɛmɛ hweyà hwe arzɛ hwe mbindo na hweyà hwe arzɛ hwe wòhwe ema e gbeyà. Nà lì arzìirzɛ lì arzɛ inyɔ ye emeyà eyà ema Lohwɛ̀ à mà onɛ o mèèmà me anyu. Èŋge eyà ndi Lohwɛ̀ a gbeyàna o lì e rzùŋgànà mòŋgɛ ma anyu.

1 Pètrò 1:23

È hwɛni lì hwiya nanù ema Lohwɛ̀ à mà è ŋgbàà lòŋgɛ lì hvènya ò lì akeyà nà è mbɔrzi yà eni. Èŋge mbɔrzi è mà jana lòŋgɛ, ndèŋgànɛ̀lɛ̀, è rza enje ndi eyà ema è hvaŋgèya. È ò hwɛ natɛ̀ɛ nà ò mòlìkɛ̀. Lohwɛ̀ ema à hwèlì ò gbìndèyà, mɔ̀ ndi à è ŋgbelì lìŋgi lòŋgɛ, rzeketɛ è mòtò wà hwènàmà.

1 Pètrò 3:15

È ŋgbe Krirztò èluhwe nanù ema mɔ̀ ndi à hwèlì e Rzàŋgo ya mòŋgɛ ma anyu. È awoŋgirzɛnɛ o ihvonda ja arzɛ o lì alàhwɛ̀ tɔ̀ imà mòtò ema a e ijòwa o lì ohwa lì hvomɛ̀nɛ̀ lìhvìta ema e ohvani Krirztò.