1 Pètrò 3:1 - Mokpwe: Bakwery (New Testament)

¹ Molàndàko mɔ̀kɔ hvɛ mɛnɛ, inyɔ ijòjìyɛ̀, ya aŋgàmɛ̀nɛ̀yi o lì arzihwirzɛ inyɔ hwiti o rze ya mèjòmɛ̀ me anyu, aŋga nanù loŋgo la awu ema hwa rza lòkɛ̀yi eyà ya Lohwà, hwɛ̀ɛ̀mɛ̀ hwe anyu hwe gbamù hwe hwa gbeyà wɔ̀ hvɛ hwa timbeya Lohwɛ̀ na lì mo lòkɛ̀. Tɔ̀ e hwɛ nanù ema e rza hwa ohwèlì tɔ̀ eyà,

1 Pètrò 3:1 ပူးပေါင်းရင်းမြစ်များ

Kòlòrzìyà 3:18

Inyɔ ijòjìyɛ̀ e arzìhwìrzɛ̀lɛ̀lɛ̀ mèjòmɛ̀ me anyu. Nànù ndi hwatò ema hwa lòkɛ̀ Lohwɛ̀ hwa àŋgàmɛ̀nɛ̀yi lì gbeyà.

Ɛ̀hvìrzìyà 5:33

O eŋgànɛ̀lɛ̀ rzɔ, tɔ̀ ima mòjòmɛ̀ à hwɛnì lì lìŋgàna e jòjìyɛ̀ yà èni nà omà a alìŋganɛ mɔ̀ ŋmìti, rzìi tɔ̀ ima jòjìyɛ̀ mɔ̀ hvɛ à hwɛnì lì ŋgbàà mòjòmɛ̀ mo eni èluhwe.

1 Kɔ̀rintìyà 11:3

Nà arza ema e rzɔ̀ŋgìtɛ̀nɛ̀ nanù ema, Krirztò a hwèlì ndi moòhvo mo kànèyà tɔ̀ ima mòtò hwa mùnyanà. È mùnyanà mɔhvɛ a hwèlì ndi moòhvo mo ama e jòjìyɛ̀ ya eni. Lohwà mɔhvɛ ndi à hwèlì moòhvo mo ama Krirztò.

1 Kɔ̀rintìyà 7:16

Inyɔ ijòjìyɛ̀ ema e lòkɛ̀ Krirztò e rza hwi nanù ema, inyɔ eŋga, mèjòmɛ̀ me anyu ema me rza lòkɛ̀yi Krirztò me tànɛyi lì rzùŋgàhwà e? Tɔ̀ inyɔ mèjòmɛ̀ ema e lòkɛ̀ Krirztò e rza hwi nanù ema, inyɔ ye eŋga ijòjìyɛ̀ ja anyu ema i rza lòkɛ̀ Krirztò i tànɛyi lì rzùŋgàhwà e?

1 Pètrò 3:7

Mèjòmɛ̀ kòkò, ŋgànà hvɔ̀kɔ hvɛ mɛnɛ, inyɔ hvɛ e wowe hvonda na oma e lìyana ijòjìyɛ̀ ja anyu. È uŋmɛ̀lɛ̀ ijòjìyɛ̀ ja anyu èluhwe o hwèlìyelì hwe anyu, ijòjìyɛ̀ i rzi imbami lì uka inyɔ, ndi inyɔ na wɔ̀ e o luwa nyayi hvɔ̀kɔ ya lòŋgɛ. Lìŋgi lòŋgɛ lɔ̀ ndi lì hwèlì e ndèli ema Lohwɛ̀ à mà e ŋgbɛ. Inyɔ e rza hwa ohvi tɛ na oma inyɔ e àŋgàmɛ̀nɛ̀yi lì hwa ohva nanù oma Lohwɛ̀ a rza e hweyàna màkanɛ̀ ma anyu.

Ròmànì 7:2

Inyɛ̀ i wòwe èmɛ̀nɛ̀nì ò lìhwa. Mòlanà a hwàahwì tɛ mùnyanà, e mbenda e òhwa nanù ema a àŋgàmɛ̀nɛ̀yi ndi lì hwɛ na mòjòmɛ̀ mò eni na òma mò hwèlì ò lòŋgɛ. Ndi mòjòmɛ̀ mò eni mò ŋwelì tɛ, e mbenda ya lìhwa e rza mò kaka hvɛ ò lìŋgi lìhwa.

1 Kɔ̀rintìyà 14:34

Hwaalanà hwa hwɛnì lì lìya ŋmɛ̀ɛ o tenì yà màndawò ma ama Lohwà. Hwa hwɛnì ndi lì arzìhwirzɛ̀, nà omà e mbenda ya ama Morzè e ohwì.

Matiyò 18:15

“Ŋmànyàŋgò wa aŋgɔ̀ a ò gbeyànì tɛ wòhwe ɛndɛ ò mò uŋmɛ̀lɛ̀ lìwurze la eni ò wòrzò wò inyɔ hwahwàkɛ mɛnɛ, a ayèmbɛ tɛ lùurzè la eni aŋga nanù ò ma ò wa na ŋmanyàŋgò wa aŋgɔ̀ e ma rzeeya.

Kòlòrzìyà 4:5

È hwɛni lì aŋgowa nà oma inyɔ è gbèeyà nà hwaŋga hwatò ema hwa rza enje hwàlokelì hwa ama Krirztò. È gbeyàne ihveyo ja arzɛ ema e lùu o lì gbeyà gbamù.

Hibrù 11:8

Lìlòkɛ̀ lɔ̀ ndi lì ma gbeyà ema Abràhamù a hweyàne Lohwɛ̀, e hvonda ema Lohwɛ̀ à mà mo òhweyà ema a anjiya o e mbowà ema à mà lìya lì ɛ̀ndɛ lì lìya o ehvɛhvɛ èki ema mɔ̀ à mà mo rzekeya ema a lìye. A ma hweyàna Lohwɛ̀, rzìi a ɛ̀ndɛ, tɔ̀ nɛ mɔ̀ à rzìi hwiye èki ema à mà hwɛ lì ɛndɛ.

2 Tɛ̀rzàlonìyà 1:8

À ò kɔ̀kìrzɛ̀ hwatò ema hwa rzɔ̀rzì Lohwɛ̀, ndèŋgànɛ̀lɛ̀ hwa rzɔ̀rzì ò lì oŋgamà Ŋmɛ̀ndì mò Gbamù ema mò òhwa lì hvomɛ̀nɛ̀ Rzàŋgo wà arzu Yerzù.

Ròmànì 6:17

Ndi jèka i hwɛ nà Lohwɛ̀. Èhwanja tɔ̀ nɛ ò hvònda hvɔ̀kɔ e ma hwɛ hwàkòmì ò rze ya wòhwe, ndi ò naŋgɛ e òŋgama e jɔ̀kɛ̀ ya hweyà hwe arzɛ ema hwà mà e òkòlɛ na ŋmèma mɔ̀kɔ.

1 Pètrò 4:17

È hvonda e ma uka ema hwèkàyìrzèlèlì hwe hwɛni lì wòteyà ema Lohwɛ̀ a hwɛni lì wòteyà lì kàyìrzɛ̀ hwatò. Mɔ̀ a o wòteyà ndi o lì kàyìrzɛ̀ hwatò hwa eni. È hwèlì tɛ nanù ema Lohwɛ̀ a tanɛ tɛ lì jo wotàneya irzɔ ema i hwèlì hwatò hwa ama Krirztò, mamɛ e o hwɛ e mbàko ya hwaŋga hwatò ema hwa rza lòkɛ̀ɛ Ŋmɛ̀ndì mò Gbamù ema mo uwɛ̀lɛ̀lɛ̀yì o ma Lohwɛ̀ e?

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.

Hibrù 5:9

Lohwɛ̀ à mà mo gbeyà o lì hwɛ e Pìlìrzì e Kàrzàmi ema e hvomɛ̀nɛ̀, aŋga nanù, hwatò ema hwa mo hweyàna, hwa o luwa lìrzùŋgàhwa ema lì o hwɛ natɛ̀ɛ na o gbìndèyà.

Ròmànì 10:16

Rzeketɛ hwatò hwa arzɛ wɔ̀ ndi hwa mà emeyà Ŋmɛ̀ndì mò Gbamù. È mòòhwèlì wà èlìŋgɛ̀ Àyìrzayà mɔ̀ ŋmìti à mà òhwa nanù ema, “Ìi Rzàŋgò njɛnɛ hwa awu à lòkɛ̀ mònò ŋmɛ̀ndì ema jò òhwa e?”

1 Pètrò 3:2

wɔ̀ hwa o ɛnɛ ɛ̀ɛ̀mɛ̀ ya anyu ya gbamù ya Wòrzàŋgì.