1 Pètrò 2:2 - Mokpwe: Bakwery (New Testament)

² È aŋgàmɛ̀nɛ̀yi lì keka lì ana o lì luwa mòlelì mo èlìŋgɛ̀ ema mo rzàŋgi, nyayi hvɔ̀kɔ nàa mɛ̀ɛŋgɛ̀ me hwàna me èyeya mànyɔ̀ŋgɔ̀ ma màhwɛ, aŋga nanù, e lelì tɛ, e oŋga o lì luwa lìrzùŋgahwà lì anyu.

1 Pètrò 2:2 ပူးပေါင်းရင်းမြစ်များ

Matiyò 18:3

rzìi à òhwa nanù ema, “Nà è jɔ̀kɛ̀ nà è òhweyà nanù ema, è rza tikòhwi tɛ mòŋgɛ mà anyu rzìi è hwɛ nàa ini njuma ŋmanà, è rza ò tànɛ̀ lì kpeya ò lìkànèyà là ŋmanyu.

Matiyò 19:14

Yerzù rzìi a hwa òhweyà ama, “È hwɛmɛ hwàànà hwarzàlì hwa jèe na imba e rzi keka lì hwa iŋga èhwanja ini nyayi ja hwatò ndi i hwɛnì lìkànèyà là ŋmanyu.”

Makòrzì 10:15

Nà è òhweyà è jɔ̀kɛ̀ nanù ema, tɔ̀ ima mɔ̀ ema à rza ìmànɛ̀lɛ̀ Lìkànèyà là ama Lohwɛ̀ nàa ŋmanà mòrzàlì, à rza lì kpèeyà.”

Lukàrzɛ̀ 18:17

Nà è òhweyà è jɔ̀kɛ̀ nanù ema, tɔ̀ ima mɔ̀ ema à rza ìmànɛ̀lɛ̀ lìkànèyà la ama Lohwɛ̀ nàa ŋmanà mòrzàlì a rza lì kpèeyà.”

Ròmànì 6:4

Lìlùhwìrzɛ̀ ema i ma luwe, lì uŋmɛ̀lɛ̀ nanù ema irzɔ i ma ŋwa rzi ji imawɛlɛhwɛ na mɔ̀. Ène eyà e ma gbèyɛ̀nɛ ndi nanù, aŋga nanù i luwa ɛ̀ɛ̀mɛ̀ e hvènya. Ène e hwèlì ndi na òma e Tatɛ̀ e ma tɛmirzɛ Krirztò ò lòŋgɛ lì hvènya.

1 Kɔ̀rintìyà 14:20

Ìi wònyàmowe kòkò, e rzi hwɛ̀nɛ̀ hvɛ màlùtèyà ma hwàna. È hwɛ ndi nàa jùma hwàna ema hwa rza hwiyɛ wòhwe. Ndi o màlùtèyà ma anyu e hwɛ ndi nàa hwàmbaki hwa hwatò.

Ɛ̀hvìrzìyà 2:21

Mɔ̀ ndi à gbèyi ema e ndawò e tɛ̀mɛ̀. Mɔ̀ ndi à e nyàlirzɛ̀ o lì uka e ndawò ya wòtani ya ama Rzàŋgo.

Ɛ̀hvìrzìyà 4:15

I rza ò hwɛ nanù ndi i hwɛ ò lì ohwa è jɔ̀kɛ̀ nà lì à uŋmɛ̀lɛ̀nɛ è ndìŋgɛ mɔ̀kɔ nà ɔ̀nɛyi. Inyɛ̀ ì gbèyi nanù, aŋga nanù jò òŋga ò ì hvèyò ja arzɛ nà lì hwɛ nàa Yerzù Krirztò ema mɔ̀ ndi à hwèlì mòòhvò.

2 Tɛ̀rzàlonìyà 1:3

Ìi wònyamòwè ì hwɛni lì eka Lohwɛ̀ ihvonda ja arzɛ lì hvomɛ̀nɛ̀ inyɔ. È hvomɛ̀nɛ̀ ò irzɔ lì gbeyà nanù, ehwànja lìlòkɛ̀ là anyu lì hwèlì lì oŋga rzayi-rzayi, rzìi è ndìŋgɛ ema è à ohvànɛ mɔ̀kɔ nà ɔ̀nɛyi è olo rzayi.

1 Pètrò 1:23

È hwɛni lì hwiya nanù ema Lohwɛ̀ à mà è ŋgbàà lòŋgɛ lì hvènya ò lì akeyà nà è mbɔrzi yà eni. Èŋge mbɔrzi è mà jana lòŋgɛ, ndèŋgànɛ̀lɛ̀, è rza enje ndi eyà ema è hvaŋgèya. È ò hwɛ natɛ̀ɛ nà ò mòlìkɛ̀. Lohwɛ̀ ema à hwèlì ò gbìndèyà, mɔ̀ ndi à è ŋgbelì lìŋgi lòŋgɛ, rzeketɛ è mòtò wà hwènàmà.

2 Pètrò 3:18

Ndi tɔ̀ nanù, e hwɛnɛ ndi ɛ̀ɛ̀mɛ̀ mɛnɛ ya ama e Rzàŋgo na e Mòrzùŋgèlì wa arzu Yerzù Krirztò, a e ŋgba e ndèli ya eni nanù mɛnɛ. Èluhwe e hwɛ na mɔ̀ o nàŋgɛ natɛ̀ɛ na o mòlìkɛ̀. Inyɛ̀ wo lìya nanù.