1 Pètrò 2:1 - Mokpwe: Bakwery (New Testament)

¹ O eŋgànɛ̀lɛ̀ rzɔ, e hwɛmɛ hwɛ̀ɛ̀mɛ̀ hwe anyu hwe wòhwe hwe arzɛ. È rza kɔ hweyà, e rza ohva mèhvìlì, mòtò a rzi nòneyà ŋmanyàŋgò wa eni, ndèŋgànɛ̀lɛ̀ inyɛ e mbɔrzi ya wòhwe e rzi wurza mòtò o hwàna.

1 Pètrò 2:1 ပူးပေါင်းရင်းမြစ်များ

Matiyò 15:7

Inyɔ hwatò hwa mèhvìlì! È Mòòhwèlì wa Èlìŋgɛ̀ Àyìrzayà à mà hvòmɛ̀nɛ̀ lìrzàkò ema à mà òhwe ò èlìŋgɛ̀ lì e hvòmɛ̀nɛ̀ nanù ema,

Matiyò 23:28

Inyɔ hvɛ e hwèlì ndi nanù mɛnɛ. O èwòka, hwatò hwa e ɛnɛ ndi hwatò hwa wòtani ndi ò tenì ya anyu, e òndi ndi na mèhvìlì na wòhwe.”

Matiyò 24:51

È rzaŋgò wa eni wa èwòlò e mò kɔ̀kìrzɛ̀ hwekɔkirzelì hwe ŋginyà. A mò kɔ̀kìrzɛ̀ na òma mɔ̀ a kɔ̀kìrzɛ̀ hwatò hwa mèhvìlì ò èki ema a ò eeya na lì kɔ̀kɔ mehvehve.”

Matiyò 7:5

Ò wà mòtò wà mèhvìlì! Lòma lì ulɛ̀ ètùmba ema yò ò hwèlì ò lìrzɔ̀ là aŋgɔ̀, aŋgà nanù ò tànɛ̀yi lì ɛnɛ̀ gbamù, è ŋmanà jùma lìmòki ema à hwèlì ò lìrzɔ̀ la ama ŋmànyɔ̀ŋgɔ̀ wà aŋgɔ̀.

Makòrzì 12:15

Ndi Yerzù à mà ayèmbɛ meeyànò me awu, rzìi a òhwa nanù ema, “Mamɛ ndèŋgàtɛ̀ e nò kèkìrzɛ nanù e? È nò jàneyà kahvà hvɔ̀kɔ ya ɛ̀ɛkɛ̀, na e inje.”

Lukàrzɛ̀ 11:44

Èwòma na inyɔ! È gbèe ndi nàa ì rzɔ̀ŋgɔ̀, ema ì rza òhvɛ màyembelì ema hwatò hwa akeyà, hwa rzà ja emba.”

Lukàrzɛ̀ 12:1

O mburzà hvònda ŋgìndì yà hwatò è mà arzàŋgànɛ natɛ̀ɛ, ò rzi hwɛ tɔ̀ ehvòlò. Aŋgà ndi Yerzù à wòteyà lì hwa òhwànà lì wòtàneyà hwà-òkòwèlì hwe eni nanù ema, “È aŋgòhweyà mehvìlì me Ihvalìrzàyì ema me hwèlì ndi nàa èhwindi ema e hvùhvà.

Lukàrzɛ̀ 6:42

Nɛ rzɔ ò tànɛyi lì òhweyà ŋmanyɔ̀ŋgɔ̀ wà aŋgɔ̀ nanù ema, ‘Ŋmanyàŋgò wà ami, inyɛ nà ò ulɛ̀ è ŋmanà jùma lìmòki ò lìrzɔ̀ là aŋgɔ̀,’ ema ò wà hwìti ò rza tànɛ̀yi lì ɛnɛ ètùmba ema è hwèlì ò lìrzɔ̀ là aŋgɔ̀ e? Ò wà mòtò wà mèhvìlì! Lòma lì ulɛ̀ ètùmba ema è ò hwèlì ò lìrzɔ̀ là aŋgɔ̀, aŋgà nanù ò tànɛ̀yi lì ɛnɛ̀ gbamù, è ŋmanà jùma lìmòki ema à hwèlì ò lìrzɔ̀ là ama ŋmànyɔ̀ŋgɔ̀ wà aŋgɔ̀.

Yòwanìrzɛ̀ 1:47

Nà òma Yerzù à mà ɛnɛ Nàtànìyɛ̀lì à jà rzìi à òhwa lì mò hvòmɛ̀nɛ̀ nanù ema, “Ɔ̀ŋgɔ tɛ, è timɛtìmɛ yà ŋmanà wà mùnyanà hwa Irzàyɛ̀lì ònò mòtò ema à rza òhvɛ̀yi tɔ̀ njɔ̀mi!”

Ròmànì 1:29

Wɔ̀ hwa òndanɛ nà inyàyi jà arzɛ jà wòhwe ò mèèmà mè awu. Hwa hwèlì ekɔ̀nì, hwa hwèlì wɔ̀ɔ̀, hwa uŋmɛ̀lɛ̀ ŋmèma mò wòhwe, hwa àwòndànɛ̀ ìnòna, hwa òŋwa hwatò, hwa lìŋgàni mòhvùŋgu, hwa lìŋgàni jɔ̀ɔ̀nji, hwa òndi mèhvìlì, hwa lìŋgàni lì inda hwatò.

1 Kɔ̀rintìyà 14:20

Ìi wònyàmowe kòkò, e rzi hwɛ̀nɛ̀ hvɛ màlùtèyà ma hwàna. È hwɛ ndi nàa jùma hwàna ema hwa rza hwiyɛ wòhwe. Ndi o màlùtèyà ma anyu e hwɛ ndi nàa hwàmbaki hwa hwatò.

1 Kɔ̀rintìyà 5:8

O èŋgànɛ̀lɛ̀ rzɔ ya anjàwòlɛ̀ o ene ndèma, rzeketɛ na lìwu la mbarzi lì hvènya, na ehwindi ya mbolowa. Ɛ̀ɛmɛ̀ ya arzu ihvonda ja arzɛ e hwɛnì ndi lì hwɛ nàa hwatò hwa ama Lohwɛ̀, ene ŋgàna e hwèlì ndi ema i rza gbeyà hweyà hwe wòhwe ndèŋgàna i rza ohva hvɛ ɛkɔ̀ni. Irzɔ i hwɛnì lì hwɛnɛ hwɛ̀ɛ̀mɛ̀ hwe hvènya, o lì oŋgamà Krirztò na ŋmèma mɔ̀kɔ, i hwɛnì hvɛ lì ohwa e jɔ̀kɛ̀.

2 Kɔ̀rintìyà 12:20

Nà oka wɔ̀ŋgɔ̀ nanù ema na jelì tɛ o lì e ɛnɛ na e ùŋmanɛlɛ e gbeyà hweyà ema na rza lìŋganɛyi, ndèŋgànɛlɛ imba hvɛ na gbeyà hweyà ema inyɔ hvɛ e rza lìŋgànɛyi. Nà oka wɔ̀ŋgɔ̀ nanù ema na jelì tɛ na e ùŋmanɛlɛ o motaŋgo, e anònànɛ̀yì mɔ̀kɔ na ɔ̀nɛyi, e ahwɛ̀nɛ̀nɛ̀yi hwètàtò, e rza o arza nanù ema ohvɛhvɛ mòtò a hwɛnɛ èluhwe, e àhwɛ̀nyɛ̀nɛ̀yì, e a o àyìndànɛ̀, e o òhva kumba ndèŋgàna e o gbeyà ndi hweyà hwe mbùnakɛ̀.

Ɛ̀hvìrzìyà 4:31

È ulɛ̀ màlùtèyà mà wòhwe mà arzɛ ema mè è hwèlì ò mèèmà mè anyu, rzìi è hwɛmɛ lì ambirzɛnɛ nà hwètàtò hwe ŋginyà ema hwe hwèlì ò mèèmà mè anyu. È hwàà, motàŋgo, nà ɛkɔ̀ni ò mèèmà mè anyu. È rzi tɔ̀wɔ tɔ̀ lì ahwɛnyɛnɛ mɔ̀kɔ nà ɔ̀nɛyi, è rzi ahwɛ̀nɛ̀nɛ̀ wɔ̀ɔ̀ nà tɔ̀ ima mòtò.

1 Tɛ̀rzàlonìyà 2:3

Èya ema i ma hwɛ lì e ohweyà nanù ema e gbeye e rzi hwɛ ndi nanù ema i ma ohva màlùtèyà ma wòhwe tɔ̀ e ma hwɛ ndi eyà ema i rzi tànɛ lì gbeyà, tɔ̀ o lì e lukɛlɛ.

1 Tìmotì 3:11

Tɔ̀ hwàalanà hwa hwànu wunyanà, wɔ̀ hvɛ hwa àŋgàmɛ̀nɛ̀yi lì hwɛnɛ ɛ̀ɛ̀mɛ̀ ya gbamù. Wɔ̀ hwa rza hwɛni lì hwɛ hwalana ema hwa inda hwatò, hwa hwɛ hvɛ lì alɛ̀mbɛnɛ, hwa hwɛ hvɛ ndi hwalana ema hwatò wa hwɛni lì lòkɛ̀ tɔ̀ mamɛ ema hwa gbeyà.

Tàyìtùrzì 2:3

Ŋgànà hvɔ̀kɔ hvɛ mɛnɛ, o òkolɛ hwàwululu hwa hwalanà o lì gbeyà hweyà nyayi ema e ŋgbàà Lohwɛ̀ èluhwe o tɔ̀ mamɛ ema wɔ̀ hwa gbeyà. O hwa ohweyà nanù ema hwa rzi keka lì inda tɔ̀ mòtò, hwa rzi aŋgbɛ wɔ hwiti o lì nyɔ mimba emà mà hwa wòmirzɛ̀. Ndi o hwa ohweyà nanù ema hwa okòlɛ̀ hwatò hweyà ema hwe hvomɛ̀nɛ̀.

Hibrù 12:1

Nà oma, ŋgìndì ndɛnɛ ya mboŋgi e jo toŋgi, inyɛ i hvàke tɔ̀ ima lìtumba la eyà ya wòhwe ema e jo kakumɛ̀nɛyi. Inyɛ̀ i hwàŋge hvɛ lìhwaŋgi ema lì jo hwèlì o worzo na lì àjùlɛ̀.

Jèmìrzì 1:21

O eŋgànɛ̀lɛ̀ rzɔ, inyɔ e hwɛmɛ hweyà hwe arzɛ hwe mbindo na hweyà hwe arzɛ hwe wòhwe ema e gbeyà. Nà lì arzìirzɛ lì arzɛ inyɔ ye emeyà eyà ema Lohwɛ̀ à mà onɛ o mèèmà me anyu. Èŋge eyà ndi Lohwɛ̀ a gbeyàna o lì e rzùŋgànà mòŋgɛ ma anyu.

Jèmìrzì 3:14

Ndi e ohvi tɛ inona ja wòhwe o tenì ya mèèmà me anyu, ndèŋgànɛlɛ e lùteyà ndi o inyɔ hwiti, e rzi gbeyàna lìhwiyè ema e hwɛni o lì gbeyà wòhwe o lì teŋgɛ̀nɛ̀ hwèyòkòlèlì hwe jɔ̀kɛ̀ o lì àyekìrzɛ.

Jèmìrzì 4:11

Ìi wònyànyàŋgo wa ami kòkò, e rzà àwòhwànɛlɛ hweyà hwe wòhwe mɔ̀kɔ na ɔ̀nɛ̀yi, tɔ̀ njɛnɛ ema a ohwi eyà ya wòhwe o lì teŋgɛ̀nɛ̀ ŋmanyàŋgò wa eni, tɔ̀ lì mo kàyìrzɛ̀, nanù oma a ohwa ndi hweyà hwe wòhwe lì teŋgɛ̀nɛ̀ e mbendà ya ama Lohwɛ̀ ndèŋgànɛlɛ mɔ̀ à ohwi nanù ema e mbenda e rza lɔ̀wu. O òhwi tɛ nanù ema e mbendà ya ama Lohwɛ̀ e rza lɔ̀wu, eŋge ŋgànà e hwèlì ndi nanù ema e gbeyà hweyà ema e mbendà ya ama Lohwɛ̀ e ohwi nanù ema e rza gbeyà. Nànù oma o ma awòwɛ̀ o wà witi o lì hwɛ e mòkàyìrzèlì.

Jèmìrzì 4:5

È ɔ̀ŋgɛ̀lɛ nanù ema o ŋgundu ndi e tìlahwì o kààtì ya Lohwà nanù ema, “Èlìŋgɛ̀ ema Lohwɛ̀ a jo ikà o mèèmà me arzu e hwèlì ndi e ya eni, ndeŋgànɛlɛ mɔ̀ à nòneyà eŋge Èlìŋgɛ̀.”

Jèmìrzì 5:9

Ìi wònyamòwè kòkò, e rza arzàrzòwànɛ̀ mɔ̀kɔ na ɔ̀nɛyi e rzi jà lì hwɛ Lohwɛ̀ a ohwa nanù ema e hwèlì ndi hwatò hwa wòhwe. È hwiye nanù ema e mòkàyìrzèlì a e hwɛlɛlɛ̀yi ndi o toŋgoŋgo.

1 Pètrò 2:16

È lìya nàa hwatò hwa wònja. Ndi e rzi gbeyàna eŋge wònja ya anyu, o lì gbeyà wòhwe. Ndi e lìya nàa hwàgbèèlì hwa ama Lohwɛ̀.

1 Pètrò 2:22

Mɔ̀ a rzi gbeye tɔ̀ wòhwe, ndèŋgànɛ̀lɛ̀ o rzi hwɛ tɔ̀ mòtò ema à mà mo hweyàna eyà ya lì kɔ̀ o wàna ya eni.

1 Pètrò 3:10

Nà oma e tìlahwì o kààti ya Lohwà nanù ema, “Tɔ̀ njɛnɛ ema arza lòŋgɛ là mɔ̀nyɛ̀ŋgi, na o lì ɛnɛ hvɛ mèènyà me gbamù, inyɛ a rza ohwa hweyà hwe wòhwe, ndèŋgànɛ̀lɛ̀ a rza ohwa hweyà hwe lì kɔ.

1 Pètrò 4:2

O ene ŋgànà rzɔ, lì wòteyà naŋgɛ lòŋgɛ la anyu la ene rze lì hwɛni ndi lì hwɛ na oma Lohwɛ̀ àrzeyà rzeketɛ ema hweyà hwe rze hwe a e kànèyà.

1 Pètrò 4:4

Imbunda ema e ma hwɛ lì gbèyɛ̀nɛ hwene hweyà hwe wòhwe o hvonda ema e ma aka, hwa tàmi naŋgɛ o lì ɛnɛ nanù ema inyɔ e rza enje na wɔ̀ hvɛ o lì gbeyà hwene hweyà hwe ndɔ̀ki na mɔ̀lɔ̀kɔ̀rzɔ̀. Hweŋge hweyà ndi hwe gbèyi hwa e hwɛ̀nyɛ̀.

Hwèwulùwèlì 14:5

Wɔ̀ hwa rzi kɔ̀ɔ tɔ̀ eyà tɔ̀ wùnyà. Ndeŋgànɛ̀lɛ̀ hwa rza ohvi tɔ̀ njɔ̀mi.