1 Pètrò 1:2 - Mokpwe: Bakwery (New Testament)

² Lì hvomɛ̀nɛ̀ hwètɛ̀yìrzèlèlì hwe ama Lohwɛ̀ è Tatɛ̀, mɔ̀ à ma lòma lì è hvɔ̀rzɔ̀. Ndeŋgànɛ̀lɛ̀ è Èlìŋgɛ̀ yà eni è mà è gbeyà ò lì hwɛ hwatò ema hwa rzàŋgì. À mà gbeyà nanù aŋga nanù inyɔ è hwɛ ò lì gbeyà mamɛ ema Yerzù Krirztò à ohwi nanù ema è gbeye. À mà gbeyà nanù aŋga nanù, màyija mà eni emà ma mà rzihweyà ò mbàrza mà gbeyà wòhwe wò anyu wò ò làkìrzɛ̀hwɛ̀. Inyɛ̀ è ndèli nà ɛ̀yɔ̀lɛ̀ yà ama Lohwɛ̀ ema lì ondìrzɛ̀hwɛyi è hwɛ nà inyɔ̀.

1 Pètrò 1:2 ပူးပေါင်းရင်းမြစ်များ

Matiyò 24:22

Ndi Lohwɛ̀ à mà màa lì utulɛ merzɔ̀ŋgi me meŋge mèenyà me mòhvùŋgu. A rzi gbèèye tɛ nanù, ò ma tɔ̀ mòtò a rza ò kàrzòwà. Ndi Lohwɛ̀ a ò utulɛ meŋge menya ò nyòla hwatò hwa eni ema mò a hvɔ̀rzì.

Matiyò 24:24

Èhwanja rzayi-rzayi ja hwatò hwa ò wurza lì kɔ̀ hweyà a lì òhwa ema wɔ̀ ndi hwa hwèlì hwaŋga ema hwa ɔ̀kirzɛ̀hwɛyi. Nà hwà-òhwèlì hwa hwèlìŋgɛ̀ hwa mòlaŋgà hwa ò wurza, hwa ò gbeyà hweyà hwe ndɛnɛ hwe mànyakà nà lì uŋmɛ̀lɛ̀ hwèembànèlì hwe ndɛnɛ hwe mànyakà. Hwa ò gbeyà ndi nanù ò lì lùkɛlɛ hwatò ema Lohwɛ̀ a hvɔ̀rzì, wɔ hwa lu tɛ njiya ya lì hwa lukɛlɛ.

Matiyò 24:31

Lìyɔ̀mi lì ndɛnɛ lì ò tòŋga, ndèŋgànà mɔ̀ à ò òma i aŋgèlì ja eni ò marzuku ma aniyɛ ma ene rze ò lì rzàŋga hwatò hwa eni ema Lohwɛ̀ à mà hvɔ̀rzɛ̀ lì wòteyà njuka hvɔ̀kɔ na enɛyi ja ene rze ya arzɛ.”

Makòrzì 13:20

Rzàŋgò à ma màa lì utùlɛ̀ meŋgɛ mèenyà me ndùtù e rzi hwɛ tɛ nanù òma tɔ̀ mòtò tɔ̀ mɔ̀kɔ a rza ò rzùŋgàhwa. Ndi ò nyòla hwaŋga hwatò ema mɔ̀ à hvɔ̀rzì à ma utùlɛ̀ mèŋge mèenyà.

Makòrzì 13:22

Rzayì-rzayì ja hwatò hwa ò ja, tɔ̀ ima mɔ̀ à ò kɔ hweyà nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi. Rzìi hwà-òhwèlì hwa hwèlìŋgɛ̀ hwa mèlàŋgà wɔ̀ hvɛ hwa ò wurza. Hwa ò gbeyà hweyà hwe mànyaka na lì uŋmɛ̀lɛ̀ hwèèmbànèlì hwe nyàyì na nyàyì. Hwa ò gbeyà nanù ò lì arza nanù ema hwa lùkɛlɛ hwaŋga ema Lohwɛ̀ à mà lòme lì hvɔ̀rzɔ̀, hwa lù tɛ hvèyò yà lì hwa lùkɛ̀lɛ.

Makòrzì 13:27

Rzìi à òma i aŋgèlì ja eni ò màrzuku ma anìyɛ ma rze ya àrzɛ lì rzàŋga hwatò ema Lohwɛ̀ a hvɔ̀rzì, lì ànjiya njuka hvɔ̀kɔ yà rze lì ukà ènɛyi njuka yà rze.

Lukàrzɛ̀ 18:7

Rzèke Lohwɛ̀ hvɛ à ò rzùulɛ̀ hwatò hwa eni ema a hvɔ̀rzì e? Hwàŋga hwatò ema hwa mò èyeyàa ŋmerze nà wuu, a ò lìya ema a rza hwa alàhwɛ̀ e?

Hwègbèèlì 15:18

Imba ndi nà mà gbeyà hwenè hweyà hwe arzɛ hwe ma hwiyahwe natɛ̀ɛ na e hvònda ya kòhwa.’”

Hwègbèèlì 2:23

Lohwɛ̀ à mà lòma lì hwiya nanù ndèŋgànɛ̀lɛ̀ mɔ̀ à mà tɛ̀yirzɛ nanù ema, e hwɛni lì òŋwa Yerzù ò lì mò akɛlɛ ò màà mà hwàkɔ̀yèlì ema hwa mò wòmeyà ò mbarza.

Hwègbèèlì 20:32

O naŋgɛ nanù na e lì ò màà mà ama Lohwɛ̀ nanù ema a e ɔŋgeya. Ŋmɛ̀ndì ema nà mà e òhweyà lì hvòmɛ̀nɛ̀ e ndèli ya ama Lohwɛ̀ mò e òŋgòwàna. Nà hwɛni ŋginyà ò lì e ètìrzɛ̀ ndèŋgànɛ̀lɛ̀ na e ŋgba e ndèli ema Lohwɛ̀ à mà rzekeya hwatò hwa eni.

Ròmànì 1:5

O lì akeyà nà lìinà là eni ɔ̀ndeŋgàtɛ̀ Lohwɛ̀ à nò ŋgbelì è ndèli yà eni ema nà hwɛ è àpɔ̀rzìtòlò, aŋga nanù hwatò ema hwa rza enje wònyà Yudà hwa ò lòkɛ̀ nà lì hweyàna Krirztò. Ène è gbeyà lìinà là eni lì hwɛnɛ èluhwe.

Ròmànì 1:7

Ò èŋgànɛ̀lɛ̀ rzɔ, nà è tìlèlì inyɔ hwa arzɛ ema è hwèlì ò èkòmè ya Ròmànì. È hwèlì ndi hwatò ema Lohwɛ̀ à lìŋgàni ndèŋgànɛ̀lɛ̀ à mà è hvɔ̀rzɔ̀ ò lì hwɛ hwatò wà eni. Inyɛ̀ è ndèli nà ɛ̀yɔ̀lɛ̀ ema hwe uwɛ̀lɛ̀lɛ̀yi òma Lohwɛ̀ è Tatɛ̀ yà arzu, nà è Rzàŋgò Yerzù Krirztò è hwɛ nà inyɔ.

Ròmànì 11:2

Lohwɛ̀ a rzi kìnyɛ̀lɛ̀yi hwatò hwa eni, ema mɔ̀ à mà lòme lì hvɔ̀rzɔ̀, natɛ̀ɛ na ò hwewòtelì. Inyɔ e hwi mamɛ ema e tìlahwì ò e kààtì ya Lohwà nɛ Èlàyijà à mà hwɛ lì rzòrzòmeya Lohwɛ̀ ò lì mò òhweyà hweyà ema hwatò hwa Irzàyɛ̀lì hwà mà hwɛ lì gbeyà.

Ròmànì 11:28

Wònya Yudà hwa hwèlì ndi hwàkɔ̀yèlì hwa ama Lohwɛ̀ nàŋgɛ èhwanja hwa rza lòkɛ̀ Ŋmɛ̀ndì mò Gbamù, ndèŋgànɛ̀lɛ̀ ene e gbèyɛ̀nɛ ndi nanù aŋga nanù inyɔ hwatò ema e rza enje wònyà Yudà e luwa lì kɔ̀tɔ̀wɔ. Tɔ̀ nɛ e hwèlì nanù, Lohwɛ̀ à mà hvɔ̀rzɔ̀ wònyà Yudà ndèŋgànà a hwa lìŋgàni hvɛ nanù mɛnɛ èhwanja ò yòmbò ema à mà ààtɛ̀ na imbamba ja awu.

Ròmànì 15:16

Lohwɛ̀ à mà nò ŋgba e ndèli ya eni ò lì hwɛ e mògbèèlì wa ama Yerzù Krirztò, ò lì òhweyà hwatò ema hwa rza enje wònyà Yudà, ŋmɛ̀ndì mò gbamù. Nà gbèeyà ndi ene èwòlò nàa pìlìrzì ò lì òhwa Ŋmɛ̀ndì mò Gbamù ema mò uwɛ̀lɛ̀lɛ̀yi ò ma Lohwɛ̀, aŋga nanù hwatò ema hwa rza enje wònyà Yudà hwa ò hwɛ ndi nàa jàhwèyà ema nà mà ŋgbɛ ema je imayɛnɛhwɛ na Lohwɛ̀. Lohwɛ̀ a ò hwe emeyà èhwanja Èlìŋgɛ̀ yà Wòtani e ma hwa gbeyà ema hwa emàyɛ̀lɛ̀hwɛ̀ ò wòrzò wò ama Lohwɛ̀.

Ròmànì 16:19

Tɔ̀ ima mòtò à mà hweyà lì hvòmɛ̀nɛ̀ lì hweyàna la anyu la ŋmɛ̀ndì mò gbamù, ò lìni lìtìŋga, ò eŋgànɛ̀lɛ̀ na e òkani mɔ̀nyɛ̀ŋgì. Ndi imba na arza nanù ema inyɔ e gbèèye hweyà hwe gbamù, ndi e rzi keka lì ika mèèmà ò lì rzɔ̀ŋgìtɛ̀nɛ̀ mamɛ ema e hwèlì wòhwè.

Ròmànì 16:26

Ndi ò nàŋgɛ eŋge jɔ̀kɛ̀ e ma jò wuluhwàhwɛlɛ. Mɔ̀ à mà e wuluhwa nàŋgɛ na hweyà ema hwà-òhwèlì hwa hwèlìŋgɛ̀ hwà mà tile ò e kààtì ya ama Lohwɛ̀. Mɔ̀ à mà gbeye ndi nanù, aŋga nanù hwatò hwa arzɛ̀ hwa hwèkòmè hwe ya arzɛ hwa mò lòkɛ̀ na lì mò hweyàne.

Ròmànì 8:13

Èhwanja e gbèyi tɛ ndi na òma e nyàmà nyò ya arza nanù òma e hwɛni lì ŋwa. Ndi e hwèlì tɛ ò ŋginyà ya Èlìŋgɛ̀ ya ama Lohwɛ̀ rzìi e òŋwa hweyà hwe wòhwe ema e gbeyà, nanù òma e luwa lòŋgɛ.

Ròmànì 8:33

Njɛ̀nɛ a tànɛyi lì òhwa nanù ema hwatò ema Lohwɛ̀ a hvɔ̀rzì hwa tùu ŋmàŋgò e? Lohwɛ̀ mɔ̀ ŋmìti ndi à òhwi nanù ema irzɔ i hwèlì ndi hwatò ema ji emeyàlɛhwɛ ò wòrzò wò eni.

1 Kɔ̀rintìyà 1:30

Lohwɛ̀ ndi à è jani ò lì hwɛ mòtò mɔ̀kɔ nà Yerzù Krirztò. Hweyà ema Yerzù Krirztò à mà gbèye hwe jò gbèyi ò lì hwiya nanù ema mɔ̀ ndi à hwèlì lìhwiyè là ama Lohwɛ̀. Ène ŋgàna è uŋmɛ̀lɛ̀ nanù ema Yerzù Krirztò ndi à jò gbèyi ò lì gbeyà hweyà hwe jɔ̀kɛ̀, ò lì hwɛ hwatò ema hwa hwèlì wòtani, nà lì ulɛ̀hwɛ̀ ò wòhwe.

1 Kɔ̀rintìyà 6:11

Nànù ndi lòŋgo là hwa inyɔ è mà hwɛ. Ndi inyɔ è mà rzàŋgìrzɛ̀hwɛ̀ ò wòhwe wò anyu, è emànɛ̀lɛ̀hwɛ̀yì nà Lohwɛ̀, è tɛmìrzɛ̀hwɛ̀yi ehve-ehve nà Lohwɛ̀ lì akeyà nà Rzàŋgo Yerzù Krirztò nà Èlìŋgɛ̀ yà Lohwà là arzu.

2 Kɔ̀rintìyà 10:5

I hwe gbeyàna hvɛ o lì wuulɛ tɔ̀ ima johwi ja lì ayèkirzɛ̀, ema hwa ohwa ema i gbeyà ema hwatò hwa rza hwiya Lohwɛ̀. I gbeyà hwatò ò lì tikowa màlùtèyà ma awu aŋga nanù màlùtèyà ma awu ma arzɛ ma o hwɛ ndi nàa Krirztò a arza ama mà hwɛ.

Kòlòrzìyà 3:12

È hwèlì ndi nàa hwatò ema Lohwɛ̀ à mà hvɔ̀rzɛ̀, inyɔ è ondi wòtani ndèŋgànɛ̀lɛ̀ à è lìŋgàni rzàyi-rzàyi. Ò èŋgànɛlɛ rzɔ inyɔ è àŋgàmɛ̀nɛ̀yi lì hwɛnɛ mèèmà mè ììlì, è hwɛni lì hwɛnɛ mèèmà mè gbamù, è hwɛni lì arzìirzɛ̀. È hwɛni lì hwɛ hviyayi, ndèŋgànɛlɛ è hwɛni lì àjùlɛ̀.

2 Tɛ̀rzàlonìyà 2:13

Ndi wònyamòwè kòkò ema è lìŋgàhwɛnɛ nà Rzàŋgo Yerzù, jà àŋgàmɛ̀nɛ̀yi lì eka Lohwɛ̀ ihvonda jà arzɛ ò lì è hvomɛ̀nɛ̀. Irzɔ ì mò eka ehwànja Lohwɛ̀ à mà è hvɔ̀rzɔ̀ inyɔ hwatò hwa Tɛ̀rzàlonìya ò lì hwɛ hwatò hwa worzo ò lì lùwa mòrzùŋgèlì ò lì akeyà nà è ŋginyà yà èlìŋgɛ̀ yà wòtani, aŋga nanù inyɔ è hwɛ hwatò hwa eni ema hwa hwèlì wòtani. Ndèŋganɛlɛ mɔ̀ à mà è gbeyà ò lì luwa mòrzùŋgèlì, ò nyòla lìlòkɛ̀ là anyu ò jɔ̀kɛ̀.

2 Tìmotì 2:10

O eŋgànɛ̀lɛ̀ na àjùlɛ̀nɛ̀ mono mòtàkà, aŋga nanù hwatò ema Lohwɛ̀ à hvɔ̀rzì wɔ̀hvɛ hwa ò luwa lìrzùŋgàhwa ema lì uwɛ̀lɛ̀lɛ̀yi ò mà Yerzù Krirztò, ndèŋgàna hwa o hwɛ ndi o rze ya èluhwe ya ama Lohwɛ̀ o gbìndèyà na o gbìndèyà.

Tàyìtùrzì 1:1

Ìmba Pàwolò ema nà hwèlì e mògbèèlì wà ama Lohwɛ̀ nà è àpɔ̀rzìtòlò ya ama Yerzù Krirztò ndi nà tilì ene kààtì. Yerzù ndi à mà nò hvɔ̀rzɔ̀ rzìi à nò oma o lì ɛndɛ lì ètìrzɛ̀ lìlòkɛ̀ la hwatò ema Lohwɛ̀ à mà hvɔ̀rzɛ̀, nà o lì hwa oŋgowàna o lì hwiya e jɔ̀kɛ̀ lì hvomɛ̀nɛ̀ Yerzù, na o lì gbeyà na oma Lohwɛ̀ a àrzeyà.

Hibrù 10:22

Inyɛ̀ i keke o lì ɛndɛ lì kombɛnɛ Lohwɛ̀ nà mèèmà mɔ̀kɔ na o lì mo ŋgbà mèèmà me arzu me arzɛ. Ène eyà e hwèlì ndi nanù èhwanja màyija ema Yerzù à mà kome o mbarza, mà rzaŋgirzɛ mèèmà me arzu. Mɔ̀ a timbi hvɛ o lì jo rzaŋgirzɛ na malìhwa ema mà rzaŋgi kɛɛŋgɛŋgɛ.

Hibrù 11:28

Lìlòkɛ̀ lɔ ndi lì ma gbeyà ema, Morzè à mà kànèyà hwatò hwa Irzàyɛ̀lì o lì kombɛ è Ndèma yà lì Akà Ɔnɛ̀yi. A ma ohweyà hwatò ò lì tuka màyija ma hwèembè o ŋmèna-ŋmèna me mandawò ma awu, aŋga nanù e aŋgèlì ya ama Lohwà e jelì tɛ o lì oŋwa hwàanà hwa worzo, a rza oŋwa hwàanà hwa worzo hwa Irzàyɛ̀lì.

Hibrù 12:24

Inyɔ e ma jà oma Yerzù mɔ̀ ema a tɛmi o ìtììtènì ja hwatò na Lohwɛ̀ na yòombò e hvènya. Inyɔ e ma jà nàŋgɛ o ma Yerzù a hwèlì lì e hvahva màyija ma eni. Maŋga màyija ma mà jo ŋgba ndèli lì aka màyija ma ama Abɛ̀lì.

Hibrù 5:9

Lohwɛ̀ à mà mo gbeyà o lì hwɛ e Pìlìrzì e Kàrzàmi ema e hvomɛ̀nɛ̀, aŋga nanù, hwatò ema hwa mo hweyàna, hwa o luwa lìrzùŋgàhwa ema lì o hwɛ natɛ̀ɛ na o gbìndèyà.

1 Pètrò 1:14

Nà oma e hwèlì ndi hwatò ema hwa gbeyà mamɛ ema Lohwɛ̀ arza, e rzi keka lì emeyà nanù ema hweyà hwe wòhwe ema e ma hwɛ lì gbeyà o e hvonda ema e ma aka hwe e kànèyà mòŋgɛ ma anyu hvɛ.

1 Pètrò 1:19

Ndi inyɔ e ma kɔ̀tɔ̀wɔ̀ ndi na màyija ma wòlìtò ma ama Krirztò, mɔ̀ ema à mà hwɛ ndi nàa ŋguma mɔ̀lɛ̀ŋgù ema mo rzi hwɛnɛ tɔ̀ lìtònà tɔ lɔ̀kɔ ò nyo ya eni.

1 Pètrò 1:20

Lohwɛ̀ à mà mo hvɔ̀rzɔ̀ ndeŋgàna e rze ye e wekahwa. Ndi mɔ̀ à mà wuluwahwa o mene mèenyà me lìrzùkù o nyòla ya anyu.

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.

2 Pètrò 1:2

Inyɛ̀ è ndèli nà ɛ̀yɔ̀lɛ̀ yà ama Lohwɛ̀ è hwɛ nà inyɔ nà oma è hwi Lohwɛ̀, ndèŋgànɛ̀lɛ̀ nà oma è hwi Yerzù è Mòrzùŋgèlì hwa anyu.

2 Yòwanìrzɛ̀ 1:1

Imba e mòtìmbèlì wà ŋmèmba ndi na tìli ene kààtì. Nà o tìleya ndi o wa e molànà ema Lohwɛ̀ a hvɔ̀rzì hwàanà hwa aŋgɔ. Nà o lìŋgàni na e jɔ̀kɛ̀, ndèŋganɛlɛ rzeketɛ imba mbiti mɛnɛ ndi na o lìŋgàni, ndèŋgànɛ̀lɛ̀ hwahvɛhvɛ hwatò hvɛ ema hwa hwi e jɔ̀kɛ̀ wɔ hvɛ hwa o lìŋgàni.

2 Yòwanìrzɛ̀ 1:13

Hwàànà hwa è ndòmɛ̀ yà aŋgɔ ema è hvɔ̀rzɔ̀wì nà Lohwɛ̀, wɔ̀ hwa ò kɔ̀mi.

Judɛ 1:2

Inyɛ̀ ììlì jà ama Lohwɛ̀, ɛ̀yɔ̀lɛ̀ yà ama Lohwɛ̀ nà è ndìŋgɛ yà ama Lohwɛ̀ hwe onde nà inyɔ.