1 Kɔ̀rintìyà 9:26 - Mokpwe: Bakwery (New Testament)

²⁶ Ɔ̀ndeŋgàtɛ̀ na rza hwaŋga tɔ̀nɛtɔ̀nɛ. Nà rza enje ndi nàa mò uŋma hwerzilawo ema à ùŋma mùulù mo ŋgundu.

1 Kɔ̀rintìyà 9:26 ပူးပေါင်းရင်းမြစ်များ

Matiyò 11:12

Lìwòteyà è hvònda ema Yòwanìrzɛ̀ è Mòlùhwìrzèlì à mà wòteya lì òhwa Èya ya Lohwà natɛ̀ɛ na naŋgɛ, Lìkànèyà la ŋmanyu lì ma luwa mètàkà rzayi-rzayi ò màà mà hwatò, ndèŋgànɛ̀lɛ̀ hvɛ hwatò hwa mòhvùŋgu hwa hwèlì hwa lì ìnɛ̀lɛ̀ na e njuma.

Lukàrzɛ̀ 13:24

“È kèkè ò lì kpèeyà ndi ò lìyòhva ema lì ihvi. Èhwanja ò jɔ̀kɛ̀, rzayì-rzayì ja hwatò hwa ò kèka ò lì kpèeyà, ndi hwa rzà ò tanɛ.

1 Kɔ̀rintìyà 14:9

È hwèlì ndi nanù mɛnɛ nà inyɔ hvɛ. Inyɔ̀ è ohwìrzɛ̀nɛ̀ tɛ hwatò nà mbɔrzi ema hwa rzà hvɔŋgɛ̀, nɛ wɔ̀ hwa tànɛyi lì hwiyà mamɛ ema inyɔ e ohwa e? È hwɛ ndi nàa tɔ̀ mamɛ ema o òhwa e aka ndi o mbɛ̀hvɛ̀nì.

2 Kɔ̀rintìyà 5:1

Irzɔ i hwi nanù ema i nyo ja arzu ema jo òhvi anu rze, i gbèyi ndi na mawondo ema i lìya o tenì. Hwa hvàŋgi tɛ maŋga mawondo, irzɔ i hwi ema jo òhvi ndawò o ŋmanyu ya lohwa ema e rza oŋgahwɛ na mòtò wa hwènàmà. Lohwɛ̀ ndi à e oŋgi, ndèŋgànɛlɛ e hwɛ natɛ̀ɛ na o gbìndèyà.

2 Kɔ̀rintìyà 5:8

Ja àhvìtɛ̀ nanù ema a jo ŋgba nyo hvènya ndèŋgàna i hwɛni lì rzɔnjɛ̀lɛ̀ i nyo ja arzu o lì ɛndɛ lì hwɛ na Rzàŋgo Yerzù.

Gàletìyà 2:2

Nà mà ɛndɛ ndi èhwanja Lohwɛ̀ à mà nò wuluhweyà nanù ema nà ɛndɛ aŋga. Nà oma nà mà hwɛ aŋga, ì mà tàneyà wùndɛ̀ nà hwàtìmbèlì hwa ŋmèmba, nà mà hwa telɛlɛ ŋmɛ̀ndì mò gbamù ema nà mà ohweyà hwaŋga ema hwa rza enje wònyà Yudà. Nà mà gbeyà ndi nanù ò lì oka wɔ̀ŋgɔ̀ nanù ema èwòlò ema nà mà gbèyi nà è yɔ̀ ema nà hwèlì nà gbeyà è rzi hwɛ ŋgundu.

Ɛ̀hvìrzìyà 6:12

È njuma ema jà ana è rza enje ndi yà hwatò hwa hwènàmà. Ndi irzɔ jà ànànà ndi lì teŋgɛ̀nɛ̀ iŋginyà ja wòhwe, hwàtìmbèlì hwa awu ema hwa kànèyà e rze ya jìtìtì na iŋginyà ja wòhwe ema i hwèlì o lìwòhwɛ̀ la ŋmanyu.

Hvìlipìyà 1:21

O imba, na oma imba na hwèlì lòŋgɛ, e hwèlì ndi o lì gbèeyà Krirztò, ndeŋgànɛlɛ e hwèlì tɛ nanù ema na ŋwelì tɛ e hwɛ gbamù na imba.

Kòlòrzìyà 1:29

Ò lì gbeyà ene èwòlò, imba nà atàkìrzɛ̀ rzàyi-rzàyi ò lì è gbeyà, è ŋginyà yà ama Krirztò ema è hwèlì ò tenì yà ami yɔ̀ ndi è nò ŋgba è ŋginyà è mà nà atàkìrzɛ̀nɛ̀.

2 Tìmotì 1:12

Lìtìŋga lɔ̀ lìni ɔ̀ndeŋgàtɛ̀ imba nà taka nanù. Ndi nà rza oka ìrzɔnì èhwanja nà hwi è mɔ̀ ema imba nà ikàyi ŋmèma mò amì. Ndèŋgàna nà hwi hvɛ nanù ema à kombɛ̀ mamɛ ema à nò ikelì ò màà natɛ̀ɛ nà ò wùnyà wò hwèkàyìrzèlì.

2 Tìmotì 2:5

Èhvɛhvɛ nyàyi ya lì gbèeyà Krirztò, e hwèlì ndi nàa mòtò ema a hwaŋga lìhwaŋgi na hwahvɛhvɛ hwatò, mɔ̀ à rza tànɛyi a luwa ekòotò e rzi hwɛ nanù ema mɔ̀ à ikayi imbenda ja lìhwaŋgi.

2 Tìmotì 4:7

Nàa e mògbèèlì hwa ama Krirztò nà mà ana e njuma gbamù, nà mà kulɛ èwòlò ema Krirztò à mà no ŋgbe ema nà mò gbèeyà. Ndèŋgàna na nɔ̀ŋgɔ lì lòkɛ̀ hwènɔ̀ŋgèlì hwe gbamù.

Hibrù 12:1

Nà oma, ŋgìndì ndɛnɛ ya mboŋgi e jo toŋgi, inyɛ i hvàke tɔ̀ ima lìtumba la eyà ya wòhwe ema e jo kakumɛ̀nɛyi. Inyɛ̀ i hwàŋge hvɛ lìhwaŋgi ema lì jo hwèlì o worzo na lì àjùlɛ̀.

Hibrù 4:1

Ò èŋgànɛ̀lɛ̀ rzɔ nà oma Lohwɛ̀ à mà jò kàkɛ̀nɛ̀ ema irzɔ ì tànɛyi ò lì kpèeyà ò èki yà eni yà lì arzìyòlɛ̀, jò ò è kpèeyà. Ò eŋgànɛlɛ rzɔ, inyɛ jà aŋgowe nanù ema tɔ̀ mòtò à rzi hvònda ò lì kpèeyà aŋga.

1 Pètrò 5:1

Imba nàa mòtìmbèlì mɔ̀kɔ wa anyu, na lìŋgàna lì ŋgba màyòwà o hwatò ema hwa e kànèyà. Nà hwèlì ndi mɔ̀kɔ ema nà mà ukeya o motàkà mo ama Krirztò. Èluhwe ema Lohwɛ̀ à mà uŋmɛ̀lɛ̀ Krirztò e no ukeya imba hvɛ. Nà e kòkòwɛ̀lɛ̀ nanù ema,

2 Pètrò 1:10

O eŋgànɛ̀lɛ̀ rzɔ wònyànyàŋgo hwa ami kòkò, e keke o lì uŋmɛ̀lɛ̀ nanù ema Lohwɛ̀ ndi à e hwɛlɛ ndeŋgànɛlɛ mɔ̀ ndi à e hvɔ̀rzì o lì hwɛ hwatò hwa eni. Nà ohwa ndi nanù ehwànja e gbèyi tɛ nanù, e rza unda o tenì ya wòhwe.