1 Kɔ̀rintìyà 7:33 - Mokpwe: Bakwery (New Testament)

³³ Ndi e mòtò wa mùnyanà ema a hwàayi a lùteyà ndi hweyà hwe ene rze, o lì arza lì òkìrzɛ̀ jòjìyɛ̀ wà eni mɔ̀nyɛ̀ŋgì.

1 Kɔ̀rintìyà 7:33 ပူးပေါင်းရင်းမြစ်များ

Lukàrzɛ̀ 12:22

Yerzù à mà òhweyà hwà-òkòwèlì hwa eni nanù ema, “O èŋgànɛ̀lɛ̀ rzɔ, nà è òhweyà nanù ema è rza atàkìrzɛ̀ mòŋgɛ ma anyu. O lì àrza mamɛ e hwɛnì lì làa, tɔ̀ mamɛ ema e hwɛnì lì wɔ̀tɔ̀.”

Lukàrzɛ̀ 14:20

Ohvɛhvɛ mɔ̀ hvɛ rzìi a òhwa nanù ema, ‘Nàŋgɛ mɛnɛ ndi na hwààyi. O èŋgànɛ̀lɛ̀ rzɔ nà rza ò tànɛyi lì jà.’

Yòwanìrzɛ̀ 10:13

È mògbèèlì a hwaŋga e ya eni, èhwanja a akàhwì ndi ò lì gbeyà èwòlò, rzeketɛ ema a hwɛni hvònda ya mèŋge mɛ̀lɛ̀ŋgù.”

1 Kɔ̀rintìyà 7:3

È mòjòmɛ̀ a hwɛnì lì ondìrzɛ̀ e nyìrzɛ̀ ya e jòjìyɛ̀ ya eni, lì hwàanà hweyà hwe lìnɔ̀ŋgɔ, e jòjìyɛ̀ yɔ hvɛ e hwɛnì ndi lì gbeyà e mòjòmɛ̀ wà eni nanù mɛ̀nɛ̀.

1 Kɔ̀rintìyà 7:32

Nà o lìŋgànà ema tɔ̀ eyà tɔ̀ yɔ̀kɔ e rzi e tàkirzɛ̀ mèèmà me anyu. È mùnyanà ema a rzi hwàayi molànà, a ika ndi mèèmà mo eni mo arzɛ na èwòlò yà ama e Rzàŋgo, aŋga nanù a òkìrzɛ̀ Rzàŋgo mɔ̀nyɛ̀ŋgì.

1 Kɔ̀rintìyà 7:34

Èhwanja e nyɔ̀ŋgì ya eni ya akàhwanɛ̀ o mèèmà mo eni. È molànà ema a rzi hwàahwì, tɔ̀ e mɔ̀ ema a rzi hwi mùnyanà, a ika ndi mèèmà mo eni mo arzɛ o lì gbèeyà Rzàŋgo, èhwanja mɔ̀ à ika ndi mèèmà mo eni ma arzɛ, o lì gbeyà Rzàŋgo nà è nyo na èlìŋgɛ̀ yà eni ya arzɛ̀. Ndi e molànà ema a hwàahwì mɔ̀ à luteyà ndi hweyà hwe ene rze ya mɔ̀nyɛ̀, aŋga nanù, mɔ̀ à tànɛyi lì òkìrzɛ̀ e mòjòmɛ̀ wà eni mɔ̀nyɛ̀ŋgì.

Kòlòrzìyà 3:19

Inyɔ mèjòmɛ̀ è lìŋgàne ìjòjìyɛ̀ jà anyu, ndeŋgànɛlɛ è rza jì tàkirzɛ̀ ò ŋgundu.

1 Tìmotì 5:8

Tɔ̀ ima molokelì ema a rza woŋgohwa e mbiya ya eni, rzɛhvɔ̀ni hwàŋgà hwa lìtumba ema hwa mo kombɛnɛ, e uŋmɛ̀lɛ̀ nanù ema mɔ̀ à rza lòkɛ̀ Krirztò na e jɔ̀kɛ̀. Èŋge ŋgàna e hwèlì ndi nanù ema, mɔ̀ à gbeyà wòhwe lì aka e mòtò ema a rza lòkɛ̀yi Krirztò.

1 Pètrò 3:7

Mèjòmɛ̀ kòkò, ŋgànà hvɔ̀kɔ hvɛ mɛnɛ, inyɔ hvɛ e wowe hvonda na oma e lìyana ijòjìyɛ̀ ja anyu. È uŋmɛ̀lɛ̀ ijòjìyɛ̀ ja anyu èluhwe o hwèlìyelì hwe anyu, ijòjìyɛ̀ i rzi imbami lì uka inyɔ, ndi inyɔ na wɔ̀ e o luwa nyayi hvɔ̀kɔ ya lòŋgɛ. Lìŋgi lòŋgɛ lɔ̀ ndi lì hwèlì e ndèli ema Lohwɛ̀ à mà e ŋgbɛ. Inyɔ e rza hwa ohvi tɛ na oma inyɔ e àŋgàmɛ̀nɛ̀yi lì hwa ohva nanù oma Lohwɛ̀ a rza e hweyàna màkanɛ̀ ma anyu.