Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kɔ̀rintìyà 16:15 - Mokpwe: Bakwery (New Testament)

15 Ìi wònyamòwè naŋgɛ rzɔ, è hwi ema lìtumba lì arzɛ lì ama Rztehvànàrzì lɔ̀ndi lì ma hwɛ e lɔ la worzò o erzòòkà ya Àkayiyà o lì lòkɛ̀ Krirztò, ndèŋgàna hwà mà aŋgbɛ wɔ̀ hwiti o lì gbeyà hwatò hwa ama Lohwɛ̀. Nà e atɛkɛ nanù ema,

အခန်းကိုကြည့်ပါ။ ကော်ပီ




1 Kɔ̀rintìyà 16:15
18 ပူးပေါင်းရင်းမြစ်များ  

È hvònda ema Kàyirza à mà lìirzɛ Galìyò ò mbòkò nàa e Gɔhwina ndɛnɛ ò erzòòkà ya Àkayiyà, hwatò hwa wònyà Yudà ò mbòwa ndɛnɛ ya Kɔ̀rintò hwà mà alatanɛ, rzìi hwa ŋgbaŋgɛ Pàwolò, rzìi hwa mò jànà ò ndawò ya hwèkàyìrzèlì.


O ìtììtènì ja anyu ja hwatò hwa ama Krirztò, e hwèlì tɛ ema mɔ̀kɔ wa anyu a endèli tɛ yòma, e mɔ̀ ema a e òhvi inyɛ a mò ŋgbe e yɔ. Tɔ̀ njɛnɛ ema a e jɛlɛlɛ nàa ŋmɛ̀nì e mò karzɛ gbamù.


Ndi tɔ̀ nanù ò nàŋgɛ, imba na ɛndɛ ò mbòwa ya Jèrurzalɛ̀mù ò lì ɛndɛ lì òŋgòwàna hwatò hwa ama Lohwɛ̀ ema hwa hwèlì aŋga.


È nò kanɛ̀lɛ̀lɛ̀ nanù ema na ò rzùŋgàhwà ò màà mà hwatò ema hwa rza lòkɛ̀yì Krirztò ò erzòòkà ya Jùdeyà nanù ema hwa rzi nò gbeyà tɔ̀ wòhwe. Ndèŋgànɛ̀lɛ̀ e kànɛ hvɛ nanù ema wòlì ema na ò ɛndɛneya mèlìrza me hwatò ema me hwèlì ò mòndeŋge mò hwatò hwa Lohwà ò Jèrurzalɛ̀mù, hwa wò emeyà.


È mò karzɛ ò lìna la ama e Rzàŋgò, na òma hwatò hwa ama Lohwɛ̀ hwa àŋgàmɛ̀nɛ̀yi lì gbeyà. Ndeŋgànɛ̀lɛ̀ e mò ŋgbe tɔ̀ ima lòŋgòwanɛ ema mɔ̀ à tànɛyi lì e arzana. È hwiye nanù ema mɔ̀ ŋmìti hvɛ à mà lòma lì òŋgòwàna lòŋgò la hwatò ndèŋgànɛ̀lɛ̀ mò à mà nò òŋgòwànà tɔ̀ imba mbiti.


È nò kɔmèya hvɛ ŋmèmba ema mò taneya ò ndawò ya awu. È nò kɔmèya hvɛ e mbunda ya ami ya mèrziŋge Èpànɛ̀tùrzì, ema mɔ̀ ndi à mà hwɛ, e mòtò wa wòrzò ò lì lòkɛ̀ Krirztò ò erzòòkà ya Èrzìyà.


“Ɛ̀ɛ̀ nà è jɔ̀kɛ̀ nà mà lùhwìrzɛ̀ hvɛ lìtumba là ama Rztèhvànàrzì, ndi nà rza ɔ̀ŋgɛ̀lɛ̀ nanù ema nà mà lùhwirzɛ̀ òhvɛhvɛ mòtò.”


Nàŋgɛ nanù, inyɛ nɛ ohweyà lì hvomɛ̀nɛ̀ wolì ema e ma rzaŋge o lì òŋgòwàna hwatò hwa Lohwɛ̀. Nà oma nà mà òhwèyà ŋmèmba mo hwatò hwa Gàlerzìyà ema hwa gbeye inyɔ hvɛ e hwɛnì ndi lì gbeyà nanù mɛnɛ.


Nà oki mɔ̀nyɛ̀ŋgì na hwèjèelì hwe ama Rztɛ̀hvànàrzì Hvɔ̀tùnàtùrzì na Akàyìkùrzì. Wɔ̀ hwa jèelì èhwanja wɔ̀ ndi hwa àŋgàmɛ̀nɛ̀ lì gbeyà èwòlò ema inyɔ e hwɛnì lì gbeyà.


Hwà mà jo atɛkɛ rzayì-rzayì nanù ema i hwɛnɛ mɔ̀nyɛ̀ŋgì o lì oŋgòwànà hwatò hwa Lohwà hwa hwèlì o mbowà ya Jèrurzalɛ̀mù, nà oma wɔ̀hvɛ hwa hwèlì hwa gbeyà.


Nàŋgɛ nanù o rza enje tɔ̀ lìtiŋga o imba lì e tìleya lì hvomɛ̀nɛ̀ èwòlò ya lì òŋgòwàna la hwatò hwa Lohwà.


Moŋgo mokurze mo molanà mo hwɛni ndi lì hwɛ molanà ema a hwiyɛnɛyi o hwègbèèlì wa eni hwe gbamù. A àŋgàmɛ̀nɛ̀yi ndi lì hwɛ molanà ema à mà màa lì woŋgohwa hwàànà gbamù, a kàrzɛ hwàyɛ̀nì gbamù o ndawò ya eni, a hwɛni lì arzìirzɛ, ema à mà gbèeyà hwatò hwa Lohwɛ̀ nyayi ema à mà hwɛ lì rzorza matàŋgà mà awu. A hwɛni hvɛ ndi lì hwɛ molanà ema à mà oŋgowanɛ hwatò ema hwà mà hwɛ o ndùtù, ndèŋgàna a hwɛni hvɛ lì aŋgbɛ ŋmìti o hwègbèèlì hwe gbamù.


Ŋmànyàŋgo wà amì kòkò, è ndìŋgɛ ema ò hwɛnelì hwatò ema hwa lòkɛ̀ Krirztò è nò lìŋgìrzɛ rzàyi-rzàyi ndeŋgànɛlɛ è nò kɔ̀mɛ̀lɛ̀. Ò wà ò lìŋgìrzɛ̀yi hwatò hwa ama Lohwɛ̀.


Lohwɛ̀ à mà gbeyà hweŋge hwèma o ŋgana ema e hvomɛ̀nɛ̀. Mɔ̀ a rza hvoŋga tɔ̀ èwòlò yɔ̀kɔ ema mòtò a gbeye ndèŋgànɛ̀lɛ̀ mɔ̀ à rza hvoŋga e ndìŋgɛ ema mòtò a mo uŋmɛ̀lɛ̀ na oma inyɔ e hwèlì o lì gbèeyà hwahvɛhvɛ hwatò hwa ama Lohwɛ̀.


È hwɛ hwàgbèèlì hwa gbamù ndèŋgànɛ̀lɛ̀ e gbeyàne màahweyà ma anyu o lì oŋgowàna mɔ̀kɔ na ɔ̀nɛyi.


Hwanu hwatò hwà mà hwɛ ndi hwatò ema hwa rza atukɛ e mbìndo ya hwalana, ehwànja hwa rzi hwi morzombo mo molàna. Hwàŋga hwatò ndi hwa oŋgamà e Ŋguma ya Mɔ̀lɛ̀ŋgù tɔ̀ ima èki ema e Ŋguma ya Mɔ̀lɛ̀ŋgù e ɛ̀ndɛ. Hwanu hwatò ndi hwa o kɔ̀tɔ̀wɔ̀ o ìtììtènì ja hwatò hwa hwènàmà. Ndeŋgànɛ̀lɛ̀ wɔ̀ ndi hwa hwèlì nàa e mbota ya worzo ema e ŋgbàahwì Lohwɛ̀ na e Ŋgùma ya mɔ̀lɛ̀ŋgù nàa làhweyà.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ