1 Kɔ̀rintìyà 15:55 - Mokpwe: Bakwery (New Testament)

⁵⁵ “I kpelì one e ŋginyà ya aŋgɔ ya lì kpirzɛ e mòtò e hwèlì e? I kpelì one e ŋginyà ya aŋgɔ e hwèlì o lì òkìrzɛ̀ e mòtò mòrziyò e?”

1 Kɔ̀rintìyà 15:55 ပူးပေါင်းရင်းမြစ်များ

Lukàrzɛ̀ 16:23

Èŋge èhwàŋgì ya mòtò e mà ɛ̀ndɛ ò èkòme ya kpelì, ema e mà tàke nà èwiki. À mà kàrzɛ wòrzò wò eni, rzìi a ɛnɛ Abràhamù ɔnɛ̀yi hvòò nà Làrzàrɔ̀rzì hvɛ a lìya ò tòŋgòŋgò yà èni.

Hwègbèèlì 2:27

Nà àrzìyòlɛ̀ ò lìhvìta èhwanja à rza ò kìnyɛ̀lɛ̀ èlìŋgɛ̀ yà ami ò èkòmè ya kpelì, ndèŋgànɛ̀lɛ̀ ò rza ò emeyà nanù ema èèmbè yà ama è mògbèèlì wà aŋgɔ̀ ema à ò gbèeyà nà ŋmèma mɔ̀kɔ ò lì rzɔ̀mbeyà ò tenì ya rzɔ̀ŋgɔ̀.

Hwègbèèlì 9:5

Rzàwòlò à mà ijòwa nanù ema, “Ìi Rzàŋgò ò wà ò hwèlì ndi njɛ̀nɛ e?” Liŋgi lìlò rzìi lì mò alàhwɛ̀ nanù ema, “Imba ndì nà hwèlì Yerzù, ema ò tàkìrzɛ̀.

Ròmànì 5:14

Ndi ò lì wòteya ò e hvònda ya ama Adàmu, natɛ̀ɛ nà ò e hvònda ya ama Mòrzè, e kpelì e ma òhva ŋginyà lì aka e mòtò wa hwènàmà wa arzɛ. Hwatò hwà mà hwɛ lì ŋwa tɔ̀ nɛ hwa rzi undɛ e mbenda ya ama Lohwɛ̀ na òma Adàmu à mà e unde. Adàmu ndi à mà hwɛ embànèlì ya e mɔ̀ ema à mà hwɛnɛ lì jà ema a hwèlì Krirztò.

1 Kɔ̀rintìyà 15:56

Wòhwe ndi wo gbèyi ndeŋgatɛ e kpelì e ohvi ŋginyà o lì rzɔrzɛlɛ mòtò na mòrziyò, ndèŋgàna e ŋginyà ya wòhwe e uwɛ̀lɛ̀lɛ̀yi ndi o mbenda.

Hwèwulùwèlì 9:10

Wɔ̀ hwà mà ohva mèèyondò na mèhvèndò nàa màwòhwɛ̀ ma mèhvèndò. Meŋge mèèyondò ndi me ohvi màyìmbì ma lì hvaŋga hwatò o hvonda ya ŋgbɛndɛ ita.