Mamɛ o òna e hwèlì ndi hvɔ̀ŋgɔ̀ mɛnɛ, e tànɛyi lì hwɛ hvɔ̀ŋgɔ̀ ya mbarzi, tɔ̀ e hwɛ èhvɛhvɛ nyayi ya hvɔ̀ŋgɔ̀. Rzeketɛ gbèe worzurzu ndi o wa o òna ema wo tìmbàa hvɛ lì oŋga.
I nyo ja hwema hwe arzɛ ema hwe hwèlì lòŋgɛ i rza enje nyayi hvɔ̀kɔ. Hwatò hwa hwènàmà hwa ohvi e ja awu nyo, i nyàmà ja wàŋga i ohvi e ja awu nyo, hwenɔ̀ni hwe koohwa o ŋmanyu hwe ɔhvɛ hwe ohvi e ja awu nyo rzìi i nyàmà ja malìhwa jɔ̀hvɛ i ohvi e ja awu nyo.
È mɔ̀ ema a oni e hvɔ̀ŋgɔ̀, tɔ̀ e mɔ̀ hvɛ ema a e hvahvi malìhwa hwà rza ohvi wòlìtò. Lohwɛ̀ ndi à hwèlì wòlìtò, èhwanja Mɔ̀ ndi à gbeyà ema e hvɔ̀ŋgɔ̀ yo òŋge.