1 Kɔ̀rintìyà 15:33 - Mokpwe: Bakwery (New Testament)

³³ I rzi ɔnjɔwɔ, “Yorza ya wòhwe e hvaŋga ɛ̀ɛ̀mɛ̀ ya gbamù.”

1 Kɔ̀rintìyà 15:33 ပူးပေါင်းရင်းမြစ်များ

Matiyò 24:11

Rzayì-rzayì ja hwà-òhwèlì hwa hwèlìŋgɛ̀ hwa mòlàŋgà hwa ò wurza na lì lukɛlɛ rzayì-rzayì ja hwatò ò lì hwa nɔ̀ŋgɔ̀.

Matiyò 24:24

Èhwanja rzayi-rzayi ja hwatò hwa ò wurza lì kɔ̀ hweyà a lì òhwa ema wɔ̀ ndi hwa hwèlì hwaŋga ema hwa ɔ̀kirzɛ̀hwɛyi. Nà hwà-òhwèlì hwa hwèlìŋgɛ̀ hwa mòlaŋgà hwa ò wurza, hwa ò gbeyà hweyà hwe ndɛnɛ hwe mànyakà nà lì uŋmɛ̀lɛ̀ hwèembànèlì hwe ndɛnɛ hwe mànyakà. Hwa ò gbeyà ndi nanù ò lì lùkɛlɛ hwatò ema Lohwɛ̀ a hvɔ̀rzì, wɔ hwa lu tɛ njiya ya lì hwa lukɛlɛ.

Matiyò 24:4

Yerzù rzìi a hwà alàhwɛ̀ nanù ema, “È aŋgòwa mòtò a rzì e lukɛlɛ.

1 Kɔ̀rintìyà 5:6

Èŋge kumba ya anyu e rza lɔ̀wu tɛɛ. Inyɔ e rza hwi nanù ema ene nyayi ya wòhwe e gbèyi ndi nàa ŋmanà ehwindi ema e agbɛlɛ lìwu la mbarzi la ehvòòto e?

1 Kɔ̀rintìyà 6:9

Ò jɔ̀kɛ̀-jɔ̀kɛ̀ è hwi nanù ema hwatò ema hwa gbeyà wòhwe hwa rzà o hwɛ ò lìkànèyà là ama Lohwɛ̀. È rzà alùkɛ̀lɛ̀nɛ̀, hwaŋga hwatò ema hwa gbeyà mòrzònje. Hwàto ema hwa kanɛ̀ mòohwà ema mà wèkàhwì nà è mòto wà hwènàmà, hwatò hwa mòrzònje mò lìhwà, nà wunyanà ema hwa naŋgànà hwahvɛhvɛ wunyànà, hwanù hwatò hwa arzɛ hwa rza ò hwɛ ò Likànèyà là ama Lohwɛ̀.

Gàletìyà 6:7

È rza alukɛlɛ inyɔ hwiti. Tɔ̀ mòtò a rzi keka lì ɔ̀ŋgɛ̀lɛ̀ nanù ema a tanɛ a lukɛlɛ Lohwɛ̀. Tɔ̀ mamɛ ema mòtò a oni, yɔ̀ ndi à hwɛni lì rzàŋgà.

Ɛ̀hvìrzìyà 5:6

Tɔ̀ mòtò a rzi keka lì e ɔ̀njɔ na mbɔrzi ya èèti. Lohwɛ̀ a o kɔ̀kìrzɛ̀ hwatò ema hwa rza gbèeyà na oma mɔ̀ à àrzeyà, ndi hwa gbeyà ndi hwene hweyà hwe wòhwe.

2 Tɛ̀rzàlonìyà 2:10

A gbeyàna nyayi na nyayi ja meyano me wòhwe o hwatò ema mòŋgɛ ma awu mo ò hvàŋgahwɛ̀. Mòŋgɛ ma awu ma o hvàŋgahwà ehwànja wɔ̀ hwa rzɔ̀rzì o lì lìŋgàna e jɔ̀kɛ̀ ema e o hwa kɔ̀tɛ.

Hibrù 12:15

È aŋgòwa, nanù ema tɔ̀ mòtò tɔ̀ mɔ̀kɔ a rza o hvònda lì lùwa ììlì ja ama Lohwɛ̀. È aŋgòwa tɔ̀ mɔ̀kɔ hwa anyu a rzi hwɛ nàa mbota ya wòhwe ema e oŋgi tɛ e jànà ndùtù rzìi e hvaŋga ihvɛhvɛ mbota.

2 Pètrò 2:2

Hvɛ tɔ̀ nanù, rzayi-rzayi ja hwatò hwa o òŋgama ndi hweyà hwe mbindo ema hwe hwaŋga hwà-òkòlèlì hwa mòlàŋga. Èhwànja o mamɛ ema wɔ̀ hwa gbeyà, hwatò hwa o òhwa wòhwe o hweyà hwe e Njiya ya jɔ̀kɛ̀.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.