1 Kɔ̀rintìyà 15:24 - Mokpwe: Bakwery (New Testament)

²⁴ O mburzà ya hvonda lìrzukù lì o jà. O èŋge hvonda hwèlìŋgɛ̀ ema hwe kànèyà, Hwàkànèlì na iŋginyà ja ene rze, Yerzù a hwa lìmìrzɛ̀ iŋginyà ja awu jarzɛ. Aŋga ndi à o ŋgbɛ lìkànèyà oma Tatà Lohwɛ̀.

1 Kɔ̀rintìyà 15:24 ပူးပေါင်းရင်းမြစ်များ

Matiyò 10:22

Hwatò hwa àrzɛ hwa ò e kɔ̀ ò nyòla lìinà la ami. Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.

Matiyò 11:27

“Tatɛ̀ wa ami a nò ŋgbelì hweyà hwe arzɛ ò màà mà ami. Tɔ̀ mòtò a rza hwi a hwiya e ŋmanà lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi a hwiya nɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.

Matiyò 24:13

Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.”

Matiyò 28:18

Yerzù rzìi a tòmbeya lì hwa kòmbɛnɛ rzìi a hwa òhweyà nanù ema, “Nà ŋgbààhwi wònja ò lìkànèyà la ŋmanyu na e rze.

Lukàrzɛ̀ 10:22

“Tatɛ̀ wà ami a nò ŋgbelì hweyà hwe arzɛ ò màa mà ami. Tɔ̀ mòtò à rza hwi njɛnɛ è ŋmanà à hweli lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi njɛnɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.”

Yòwanìrzɛ̀ 13:3

Yerzù à mà hwiya nanù ema Tatɛ̀ wa eni à mà màa lì mò ika hweyà hwe arzɛ ò màa me eni. A ma hwiya ama à mà uwɛ̀lɛ̀lɛ̀yi ndi ò ma Lohwɛ̀ ndèŋgàna à mà hwɛnɛ ndi lì tìmba òma Lohwɛ̀.

Yòwanìrzɛ̀ 3:35

Tatɛ̀ a lìŋgàni è Ŋmanà wà eni rzìi a ikayi hweyà hwe arzɛ ò màà mà eni.

Ròmànì 8:38

Imba nà hwi kɔ̀yi-kɔ̀yi nanù ema ò rza enje tɔ̀ yòma ema è tànɛyi lì jò kakòhwà nà è ndìŋgɛ ema Krirztò à jò hwɛ̀nèlì. Ŋga kpelì, ŋga lòŋgɛ. Ŋga i aŋgèlì, ŋga hwàkànèlì, nà iŋginyà ema i hwèlì ò ŋmanyu yà lohwà. Ŋga ò ene hvònda ema i hwèlì naŋgɛ, ŋga ò è hvònda ema è ò jɛ̀ɛ̀ e?

Ɛ̀hvìrzìyà 5:20

È eke Lohwɛ̀ Tatɛ̀ yà arzu ò ihvonda ja arzɛ ò tɔ̀ mamɛ ema è hwɛni lì gbèyɛ̀nɛ. È mò eke ò lìinà là ama Rzàŋgo yà àrzu Yerzù Krirztò.

Kòlòrzìyà 2:10

Ò eŋgànɛlɛ rzɔ, è ohvi lòŋgɛ ema lì ondi, ehwànja è hwèlì mòtò mɔ̀kɔ nà Krirztò. Ndeŋgànɛlɛ mɔ̀ ndi à hwèlì è mɔ̀ ema à kànèyà iŋginyà nà màkànèyà mà arzɛ.

Kòlòrzìyà 2:15

Lohwɛ̀ à mà aka iŋginyà nà hwàkànèlì hwa ene rze. Nà oma à mà wà aka ò tenì è mà ɛnɛhwɛ nà tɔ̀ ima mòtò nà oma Krirztò à mà ŋwe ò mbàrza.

1 Tìmotì 6:15

Mɔ̀ a o jà o wùnyà ema Lohwɛ̀ e Tatɛ̀ a ikayi nanù ema a jà, mɔ̀ Lohwɛ̀ ema hwatò hwa eka. Ndèŋgàna mɔ̀ ndi à hwèlì e mɔ̀ mɛnɛ ema a hwèlì e Mòkànèlì mòndɛ̀nɛ hwa e rze ya arzɛ. Mɔ̀ ndi à hwèlì e Kiŋgɛ ya ikiŋgɛ̀ ja arzɛ, mɔ̀ ndi hvɛ a hwèlì Rzàŋgo wa irzàŋgo ja arzɛ.

1 Pètrò 4:7

Lirzuku la hweyà hwe arzɛ lì ma kombɛnɛ. È hwɛni lì àwòhvɛ̀lɛ̀, na lì aŋgowa, aŋga nanù e tànɛ lì kànɛ.

2 Pètrò 1:11

O ene ŋgànà rzɔ̀ Lohwɛ̀ a e ŋgba e wònja ya arzɛ, o lì kpèeyà na o lì hwɛ o lìkànèyà la eni la ŋmanyu èki ema e Rzàŋgo na e Mòrzùŋgèlì wa arzu Yerzù Krirztò a kànèyà nàa kìŋgɛ natɛ̀ɛ na o gbìndèyà.