1 Kɔ̀rintìyà 14:39 - Mokpwe: Bakwery (New Testament)

³⁹ O èŋgànɛ̀lɛ̀, wònyànyàŋgò hwa ami, e hwɛnɛ̀ e nyɔ̀ŋgi ya lì ohwà ŋmɛ̀ndì mò ama Lohwɛ̀, ndèŋgànà e rzi aya hwahvɛhvɛ hwatò ò lì ohwà là ihvɛhvɛ mbɔrzi.

1 Kɔ̀rintìyà 14:39 ပူးပေါင်းရင်းမြစ်များ

1 Kɔ̀rintìyà 12:31

O màhwèyà ma arzɛ ma ama Lohwɛ̀, e hvɔ̀rzè maŋga màhwèyà ema mà hwɛnì wòlìtò.

1 Kɔ̀rintìyà 13:2

Tɔ̀ na hwɛnɛ hvɛ ndi jàhwèyà ja lì ohwa ŋmɛ̀ndì mo Lohwɛ̀ nɔke-nɔke, tɔ̀ na hwɛnɛ hvɛ ndi lìhwiyè la lì rzɔ̀ŋgìtɛ̀nɛ̀ la ìwùndɛ̀ ja arzɛ. Nà tànɛyi hvɛ tɛ lì hwɛnɛ̀ lì lòkɛ̀ ema lì no gbeyà ema na ohweyà e hvàko, ema e tikowe hwetɛmelì hweni. Rzi na rzi uŋmɛ̀lɛ̀ hwatò e ndìŋgɛ, nanù oma na rza enje tɔ̀ eyà.

1 Kɔ̀rintìyà 14:1

Inyɛ̀ e nyɔ̀ŋgi ya anyu e hwɛ ndi e ndìŋgɛ ya lì lìŋgana hwatò. Ndi e hwɛnì hvɛ lì ohva èŋge nyɔ̀ŋgi ya màhwèyà ema mà uwɛ̀lɛ̀lɛ̀yi o èlìŋgɛ̀ yà wòtani. Rzɛhvɔ̀ni jàhwèyà ja lì ohwà o lì wùlùwà ŋmɛ̀ndì mò ama Lohwɛ̀.

1 Kɔ̀rintìyà 14:3

Ndi è mòtò ema à ohwa ŋmɛ̀ndì mo ama Lohwɛ̀, mɔ̀ à gbeyà ndi nanù o lì ètìrzɛ̀ hwahvɛhvɛ hwatò, à hwa kɔmɛ̀lɛ̀ o lòŋgɛ, na lì hwa lɔ̀kɔ hvɛ meèmà.

1 Kɔ̀rintìyà 14:38

Mɔ̀ a rzɔ̀rzi tɛ enè eyà, inyɔ hvɛ e mo rzɔ̀rzè.

1 Kɔ̀rintìyà 14:5

Nà lìŋgàni ema inyɔ hwa arzɛ e ohwa o ihvɛhvɛ mbɔrzi. Ndi na lìŋgana rzayì-rzayì ema inyɔ hwa arzɛ e ohwe ŋmɛ̀ndì mo ama Lohwɛ̀. È mòtò ema a ohwa ŋmɛ̀ndì mo ama Lohwà a akayi e mɔ̀ ema a ohwa ihvɛhvɛ mbɔrzi. Èhwanja natɛ̀ɛ nà ohvɛhvɛ mòtò a ohwà o lì tikowa mamɛ ya arzɛ ema a ohwa aŋga nanù oma o ma ètìrzɛ̀ wolìya wo è ndawò yà mitèlì yà arzɛ.

1 Tɛ̀rzàlonìyà 5:20

È rzi rzɔ̀njɛlɛ o lì ohwa ŋmɛ̀ndì ema Lohwɛ̀ a ohwi nanù ema e ohwe.