1 Kɔ̀rintìyà 14:38 - Mokpwe: Bakwery (New Testament)

³⁸ Mɔ̀ a rzɔ̀rzi tɛ enè eyà, inyɔ hvɛ e mo rzɔ̀rzè.

1 Kɔ̀rintìyà 14:38 ပူးပေါင်းရင်းမြစ်များ

Matiyò 15:14

È rza atàkìrzɛ̀ ò nyòla ya awu! Hwa hwèlì ndi hwàtìmbèlì hwa ndima; mòtò wa ndìma a timbì tɛ òhvɛhvɛ mòtò wà ndìma, hwahwàkɛ hwa undà ò tenì yà èhvɔ̀ndì.”

Matiyò 7:6

O rzi wòwà hwèèmà hwe ama Lohwɛ̀ rzi ò ji ŋgbà iŋgba, èhwanja jò ò àyiŋgòwɛ̀lɛ̀lɛ̀ lì ò urzuweyà. O rzi hvimbeya hvɛ iŋgòwa ŋmɛ̀ɛ̀ŋgu mò aŋgɔ̀, èhwanja i jì làalà nà matàŋga mà awu.”

1 Kɔ̀rintìyà 14:37

È hwèlì tɛ ema o hwèlì mòtò mɔ̀kɔ ema à ɔŋgɛ̀lɛ ema mɔ̀ à hwèlì ndi Mòòhwèlì wà Èlìŋgɛ̀ tɔ̀ mòtò ema a ŋgbàahwì jàhwèyà ema jo uwɛ̀lɛ̀lɛ̀yi o hwèlìŋgɛ̀, inyɛ a hwiye nanù ema, mamɛ ya arzɛ̀ ema na hwèlì na e tìleya nanù, hwe hwèlì ndi hweyà ema Rzàŋgo A ohwi ama e gbeye.

1 Kɔ̀rintìyà 14:39

O èŋgànɛ̀lɛ̀, wònyànyàŋgò hwa ami, e hwɛnɛ̀ e nyɔ̀ŋgi ya lì ohwà ŋmɛ̀ndì mò ama Lohwɛ̀, ndèŋgànà e rzi aya hwahvɛhvɛ hwatò ò lì ohwà là ihvɛhvɛ mbɔrzi.