1 Kɔ̀rintìyà 14:36 - Mokpwe: Bakwery (New Testament)

³⁶ Inyɔ hwatò hwa e mbowà ya Kɔ̀rintò, eyà ya ama Lohwɛ̀ e ma uwɛ̀lɛ̀lɛ̀yi ndi nà inyɔ e? Ŋgà inyɔ mɛnɛ ndi è hwèlì hwatò ema eyà yà Lohwà e ùkelì e?

1 Kɔ̀rintìyà 14:36 ပူးပေါင်းရင်းမြစ်များ

Hwègbèèlì 17:1

Nà òma Pàwolò na mòndeŋge mò eni mò ma akeyà ò mambòwà mà ndɛnɛ ma Amhvipòlìrzi na Apòlonìyà rzi hwa kpèeyà ò mbòwa ya Tɛ̀rzàlònìkà. È ndawò ya màkànɛ̀ ya wònyà Yudà e ma hwɛ aŋga.

Hwègbèèlì 17:15

Hwàtò ema hwà mà ɛndɛ ò lì lìyɛlɛ Pàwolò, hwà mà mò lìyɛlɛ natɛ̀ɛ na ò mbòwa ndɛnɛ ya Atɛ̀nrzì rzìi hwa timbana lì kòkòwɛ̀lɛ̀ ò ma Rzàyilarzi na Tìmòtì ò lì mò ùŋmànɛ̀lɛ̀ ò Atɛ̀nrzì e rzì hwɛ lì hvaŋga hvònda.

1 Kɔ̀rintìyà 14:35

Hwalanà hwa a rzi tɛ ò lì ijòlɛ̀lɛ̀ eyà, hwa ijowè ndi mejomè me awu, o màandà mà awu. Èhwanja e hwèlì ndi eyà ya ìrzɔnì ema molanà a ohwe eyà o tenì yà e Ndawò yà Lohwà.

1 Kɔ̀rintìyà 14:37

È hwèlì tɛ ema o hwèlì mòtò mɔ̀kɔ ema à ɔŋgɛ̀lɛ ema mɔ̀ à hwèlì ndi Mòòhwèlì wà Èlìŋgɛ̀ tɔ̀ mòtò ema a ŋgbàahwì jàhwèyà ema jo uwɛ̀lɛ̀lɛ̀yi o hwèlìŋgɛ̀, inyɛ a hwiye nanù ema, mamɛ ya arzɛ̀ ema na hwèlì na e tìleya nanù, hwe hwèlì ndi hweyà ema Rzàŋgo A ohwi ama e gbeye.

1 Kɔ̀rintìyà 4:7

Njɛnɛ mɔ̀ à ò kàrzàmìrzɛ̀hwɛ̀ lì aka hwanɛ̀ hwatò e? Mamɛ ema ò wà ò òhvi ema Lohwɛ̀ à rza ò ŋgbèlɛ ndi lì ŋgba e? Rzeke Lohwɛ̀ Mɔ̀ ndi à è ŋgbelì hwema hwe arzɛ ema e hwɛnì e?

1 Tɛ̀rzàlonìyà 1:8

Inyɔ ndi è gbèyi ndèŋgànà ŋmɛ̀ndì mò gbamù mò ama è Rzàŋgo mò hwɛ̀ɛ̀nɛ̀yi ò hwehvɛhvɛ hwèki. Rzeketɛ ò erzòòkà yà Màrzèdonìyà nà Àkayiyà mɛnɛ ndi mò hwɛ̀ɛ̀nɛ̀yi. Ndi nà oma inyɔ è lòkɛ̀ Lohwɛ̀, mò hweyàhwì èki yà arzɛ. Ò eŋgànɛ̀lɛ̀ ò rza enje hvɛ tɔ̀ lìtiŋga ema irzɔ jò òhwa ene eyà hvɛ lì è hvomɛ̀nɛ̀.